الموضوع: انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

المشاركة الأصلية كتبت بواسطة ehab_osman

اولا مشكور كتير علي مجهوداتك الكبيرة ومساهماتك وخبراتك في الاسكودا .
ثانيا انا عندي مشكلة في الاسكودا بتاعتي انها بتسخن الي 110 درجة ؟؟؟؟؟؟؟؟؟؟ أخر حاجة عملتها امس السبت 17-09-2011 :-
1 -المياه كانت بتغلي وتنقص جام في القربة .......... غيرت غطاء القربة لان بلفها كان تالف + غيرت الفبرة الي فيها صباع الحرارة ............ الغليان انتهي ونقص المياه انتهي .... ولكن الحرارة لم تنتهي 110 درجة .

لا شكر على واجب يا صديقى

الحرارة
هقولك على حاجة تعملها علشان اتا كد من المشكلة فين وهسالك وانتا هترد عليا فى بعض الاسئلة
الحرارة بتوصل عند 110 وبتثبت على كدة فى طول الوقت يعنى بالنهار باليل فى الصبح الدنيا حر الجو حلو
يبقى فى الغالب الموتور ممكن يكون واخد هوا او فى تقصير فى دورة التبريد ودى اسبابها
وانا هشرحلك الموضوع كل نقطة على حدا
بخلاف وش السليندر دة موضوع تانى خلية بعدين بس الاول جرب النقاط قلى انا قايلة لحضرتك

الموتور واخد هوا
هنعرف ازاى هى طريقة خطررررررررررررر جداااااااا بس لو عاملت قلى انا هقولك علية واحدة واحدة هتيبقى تمام العربية لما درجةحرارتها بتوصل لحد 110 هتعمل اية هتفتح الكبوت وهتيجى على القربة
ويكون معاك فوطة وفك غطاء القربة بالفوطة سنة بسيطة انا مقولتيش هنفتحها مرة واحدة انا بقولك سنة بسيطة
فى تنفيس صوت فس فس فس لا لسة سنة كمان لسة سنة كمان بقى فى صوت فس فس فس
سنة كمان واصبر بقى للحد ما صوت التنفيس دة يروح خالص القربة تطلع ضغط البخار و الهوا السخن من جوها و لم ينتهى فك الغطاء بحرص بردك مش مرة واحدة سنة سنة وانتا بتفكة فى ضغط بيزوق الغطاء لفوق ولة لا لو مفيش ضغط يبقى انتا كدة خرجة الضغط وبص بعينك فى القربة المياة بتتقلب و لة ثبته مكانها لو بتتقلب يبقى كدة الموتور مفيهوش هوا كدة تمام
لو ثبته وركدة يبقى كدة فى هوا هتقولى ما هو بدل المخطرة دى وممكن ايدى تتحرق ما افك الغطا بتاع القربة و هى بردة هقولك مش هينفع لية لانى الموتور مش هيبان انى واخد هوااا قلى لما بيكون الموتور سخن لانى هتكون المياة سخنت وخلة الهوا يتمدد بالداخل الموتور وهيعمل كدة فجوة هوائية عارفة يا صديقى الموضوع جى ازاى الهوا لما بيعمل فجوة هوائية بيسد مسارات المياة مبتخليش المياة تروح وتيجى فى دورة التبريد
لوطلع انى فى هوا قولى بردك وانا هقولك تسحبة ازاى وبنفسك من غير ماتروح عند ميكانيكى و لة حد
الطريقة سهله جدااااا


التقصير فى دورة التبريد ودى اسبابها

الاول المروحة
شغاله كويس يعنى لما بدور بيكون من ورا قوة هوا جامدة ولة الهوا قلى خارج منها ضعيف حط ايدك وراه وشوف بس خلى بالك من ايدك لوالهوا ضعيف غيرها على طول

ثانيا مؤشر الحرارة و الترموستات
مظبوطة ولة مش مظبوطة
طيب انا عاوز اتاكد اتاكد من اية حضرتك مع لماالمؤشر يوصل 90 درجة لازم المروحة تقوم على طول لو قامت المروحة على 90 درجة من المؤشر يبقى كدة الاتنين مظبوطين

ثالثا طلمبةالمياة
ضعيفة ولة ضخة كويس هتعمل اية هتيجى على الخرطوم قلى بيدخل المياة لردتير و تخنقة بايدك هتحس فى سريان مياة جوة ولة مفيش ايدك تقيلة ومبتحسش كويس خلى حد يزودلك بنزين هتحس بالضغط بقى زيادة مفيش ضغط يبقى الطلمبة ضعيفة ولازم تتغير

رابعاالرداتير
ايةاخبارة بتغسلة كويس ولة مبتغسلوش وانتا بتغسل العربية بتكتفى من برة و جوة بس العربية نظفة ياة بقة نظيفة لالالالالالالالالا
وانتا بتغسل الموتور وانا افضل كل شهرين ونص او ثلاث شهور طبعا الموتور بتخلية اخرحاجة بعد نظافة الصالون وبعد غسيلها من تحت ومن فوق خلى الموتور للاخر هتقولى لية
هقولك علشان يبرد علشان غلط انو تجيب علية مياة من برة وهو سخن هيقصر من عمره جامد
خلى بتاع المغسلة يضرب مسدس الميه فى الرداتير من برة و من جوة علشان تفتح مسام الرداتير قلى اتسدد من الشوارع و العفرة و التراب دى مهمة

جرب واختبر و قولى و انا متابع معاك
يالة اعتمد على نفسك واعرف المشكلة فين
كل دى اسباب بتؤدى الى ارتفاع درجة الحرارة سبب واحد يخلى العربية تسخن انا بقى قولتالك على اغلبيةالاسباب

2 - كشفت علي العجل ........ لقيت الفردة اليمين قافشة جدا جدا جدا ......... غيرت تيل الفرامل + خرطوم زيت الباكم والجونات بتعتها ؟؟؟
والحرارة لسة 100 --- 105 درجة ؟؟؟؟؟
أعمل ايه تاني علما بان العربية عمله 335 الف كم 1300 cc ؟؟؟؟؟؟؟؟ وايه أهم التفاصيل الواجب اتبها في حالة تسقيط الموتور؟؟؟؟؟؟
التكلفة ... مكان الشراء ......... ؟؟؟؟؟؟
وشاكرين لك مقدما

ان شاء اللة هكمل لحضرتك الرد على النقطة الثانية بخصوص استفسارك فى وقت لاحق ان شاء اللة

متابع مع حضرتك باهتمام
وربك المستعان