الموضوع: سؤال بخصوص الفتيس الاوتوماتيك و الزحمة

المشاركة الأصلية كتبت بواسطة ahmedhawas

انا عندي تعليق صغير بعد إذنك طبعا:
1- هو ممكن يبان للي سايق ان الفرامل بتحل محل الدبرياج ، لكن الحقيقة ان التورك كونفرتر هو اللي بيحل محله.
2- بالنسبة لصوت التكة لما تدوس عالفرامل .. فده اللوك بتاع عصاية الفتيس (btsi) وده معمول للحفاظ على تروس الفتيس.
3- وانت عال d ودايس فرامل .. العربية بتكون عايزة تتحرك فعلا وانت مكلبشها ويفضل متقعدش عالوضع ده لفترة طويلة.
4- وبالنسبة للتجربة اللي حضرتك قولت عليها .. فانا مبنصحش حد انه يجربها وده حفاظا عالتورك كونفرتر
(لان من اهم أسباب تلف الكونفرتر ... هو انك تدوس بنزين وفرامل مع بعض والفتيس جايب غيار)
ليه ؟؟ عشان العربية عايزة تجري وانت مكلبشها بالفرامل وبالتالي لازم يحصل slipping في الكونفرتر وده بيخلي الزيت يسخن جدا ويفقد خواصه وكنتيجة للسخونة المفرطة : الأولسيهات بتضرب والكونفرتر يجيب زيت من كل حتة.

5- في حاجة شبيهة بالتجربة بتاعة حضرتك وهي سيستم أمان موجود في نيسان إسمه bot أو (brake override technology) ونيسان منزلاه من زمان في معظم عربياتها في أمريكا .. هل موجود في التيدا ..معرفش!!
وهو انك لما تكون ماشي بالعربية وتضطر تفرمل فجأة ..فلو حصل وانك اتلخبطت ودوست عالفرامل برجلك الشمال (ومازالت رجلك اليمين عالبنزين أو زودت بنزين) .. فالعربية بتستجيب للفرامل فقط ولا كأنك دايس بنزين.
وبيستخدم في الطواريء فقط .. (يعني لو العربية واقفة و عملت التجربة اياها برضو هتأثر على عمر الكونفرتر لان السيستم ده مش هيشتغل)
نفس السيستم موجود في هوندا باسم تاني brake priority logic إلا ان نيسان مطبقة النظام ده في عربياتها (في أمريكا) قبل هوندا وتويوتا بسنين.

والله أعلم.

معلومات قيمه فعلا و تحترم جدا
فعلا بيبان انك فاصل الحركه و مكنتش اعرف فعلا المعلومات دي
انا لما قولت التجربه دي علي فكره مش معناها اني جربتها لان لو تاخد بالك من كلامي قايل لصاحب الموضوع ابقي قولنا عملت ايه علي اساس اني ماجربتش في اوتوماتيك قبل كده ولا اعرف اذا كانت مضره ولا لأ للعربيه بس باخد بالي ان الحركه مفصوله تماما فكده يبقي الدبرياج فاصل الحركه عن الموتور و خلاص قبالتلي لما ادوس بنزين وانا دايس فرامل عادي الار بي ام هايطلع حبه صغيرين و خلاص
موضوع اجتهادي بحت يعني
و شكرا للتوضيح اوي

المشاركة الأصلية كتبت بواسطة mido353235

اما بتدوس فرامل والعربيه واقفه انت كده مش دايس دبرياج ولا حاجه حضرتك بتبقى مكتف العربيه العربيه عايزه تمشى وانت دايس فرامل والدليل على كده لو انت على dودايس فرامل هتلاقى فى رعشه بسيطه فالعربيه والار بى ام نزل سنه بسيطه وده لنفس السبب اللى انا قولته دلوقتى

علي كلام حضرتك كده لو الحركه مش مفصوله عن الموتور و الدبرياج مش فاصل الحركه اومال العربيه مش بتبطل ليه لما بقف عن الحركه تمام زي المانيوال ماهو مش دايس دبرايج ولا حاجه