الموضوع: أخر أخبار أسعار المهر و الشبكة إيه

المشاركة الأصلية كتبت بواسطة yousef1978

أولا تتأكد من المعلومة يمكن تكون البنت غير مصابة

ثانيا لو إتأكدت يبقى تقوله علطول

المواضيع دي ما فيهاش هزار دي أسرة وبيت وعيال وكيان بيتبني إما صح أو غلط

الرسول صلوات الله وسلامه عليه بيقول ( المستشار مؤتمن ) - وعندما جاء أحد الصحابة يخبره بخطبته فتاة من الأنصار نصحه وقال له ( ارجع فانظر إليها فإن في عين الأنصار شينا ) صدق رسول الله صلى الله عليه وسلم

وبكل ثقة أقولك لو ما قولتلوش على كل حاجة تعرفها بكل أمانة وصدق فأضمنلك إن صاحبك هيقضي بقية عمره يدعي عليك

والكلام ده عن تجربة وكان في صفات أقل أهمية من كده بكتييييييييييير

دي عشرة واتنين هيفضلوا طووووووووول عمرهم تحت سقف واحد إما يقبلوا بعض بكل صفاتهم أو كل واحد يدور على نصيبه في مكان تاني

وما تنساش إن ربنا سبحانه وتعالى هو اللي خلقنا وهو المتكفل برزقنا وما ينفعش أيدا نحاول نوفق راسين في الحلال وكأن البنت هتقضي حياتها بدون زواج واحنا بننقذها من العنوسة

لا دا احنا كده بنورطها وبنورط الراجل اللي وثق فينا وفي النهاية لو واحدة اتجوزت وجوزها ندم على جوازه منها هي كمان هتعيش في تعاسة لا تنتهي ولو سألوها هتقولهم طيب هو لما سألكم ما قولتلهوش ليه هي فيها كذا وكذا - هو أنا قولتلكم شوفولي عريس واكدبوا عليه - أنا استفدت إيه لما تدبسوا واحد في وهو مش مقتنع بي

تحياتي لك

المعلومة متأكد منها من صغرنا واحنا متربين مع بعض (دة انا سعات الى باشتريلها الانسولين )

كنت باتكلم مع والدتى دلوقتى ورأيها نفس رأيك انة لازم يعرف حتى لو اخوها زعل

ان شاء الله هاتكلم معاة بكرة واقولة

والله انا شايف ان فى كلام معقول اوى هنا
بصراحه ريحنى نفسيا بعد اللى الواحد شافه

اولا الواحد بيعرف يحدد ان اللى قدامه ده جى يهذر ولا بيتكلم جد
و اكيد الواحد عنده ثقه فى اخته او بنته
و طالما الانسان كويس و محترم و مقدرها
يبقى مفيش مانع اننا نبسط الدنيا شويه عشان الامور تمشى فى الظروف اللى الناس كلها فيها
و كله بالتراضى و الاتفاق
بس المبدا نفسه يبقى موجود

و على فكره الواحد لما مابيحسش انه مضغوط
بيبقى من نفسه عايز يعمل اكتر من اللى التزم بيه
لانه حاسس انه مرتاح مش مقهور ولا مضغوط

العامل النفسى فى الموضوع ده مهم جداااااااا

المشاركة الأصلية كتبت بواسطة tameraast

انا هعمل كده برضو الشبكه ب 25 رقم محترم و محدش يقدر يقول بيم

أنا بقول كدا بردو و ديه فالأخر شبكة لسة الفرح و الخروجات و الاذيمنو و بعدين في كل مناسبة مش هابطل أجيب في هدايا و ممكن أجيب حاجة دهب و كدا بعدين أصل 40,000 على شبكة و لسة فرح و خروجات و الكلام ده كدا حرام .. ده أقل كافيه محترم المينيموم بتاعو ٥٠ جنيه و مش معقولة تخرج البنت مرة و خلاص

مش معايا غير دبلتين تتجوزيني ؟ الحملة القومية لألغاء الشبكة

‫ظ…ط´ ظ…ط¹ط§ظٹط§ ط؛ظٹط± ط¯ط¨ظ„طھظٹظ† طھطھط¬ظˆط²ظٹظ†ظٹ طں ط§ظ„ط.ظ…ظ„ط© ط§ظ„ظ‚ظˆظ…ظٹط© ظ„ط£ظ„ط؛ط§ط، ط§ظ„ط´ط¨ظƒط© | Facebook‬

المشاركة الأصلية كتبت بواسطة tameraast

انا هعمل كده برضو الشبكه ب 25 رقم محترم و محدش يقدر يقول بيم

الستات عندهم ضعف قدام المعدن الأصفر

كلهم بيحبوا الدهب

أنا بنتي قبل ما تكمل سنتين - كانت لما زوجتي تحاول تخلعها سلسلة لابساها وهي نايمة كانت تصحى علطول وتقول ( فين السلسلة اللي كنت لابساها ) فأمها تديهالها فالبنت تفضل ماسكاها وضامه إيديها عليها لغاية الصبح وتصحى وهي في إيديها ههههههههههه


بعدين كل بنت بتتمنى عريسها يجيبلها كل حاجة ويكون غني وتتباهى باللي جابته قدام الناس وتحس إن قيمتها أعلى من غيرها لأن عريسها جابلها شبكة أغلى من قريناتها

دي مشاعر طبيعية

الرك بقى على ولي الأمر إنه يقدر قيمة الظروف ويكون واقعي وعملي ويشوف مصلحة بنته فين واللي أكيد هتكون مع إنسان محترم بغض النظر عن كونه ثري أو على قده

طبعا لو كان محترم وثري وعنده زلموكة هيبقى أحسن من المحترم اللي عنده بسكلته لكن الواحد مش هينتظر بقى الزلاموكة تيجي أو ما تجيش

لكن لو جاله أبو زلاموكة وشخصيته مش كده وجاله أبو بسكلته وشخص مسئول وقدير وبيسعى فالأولى يوافق على مين؟؟؟؟؟ هي دي المشكلة

( إن جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبير ) صدق رسول الله صلى الله عليه وسلم

كأنك بتقول للفقير المحترم اللي من بيئة إجتماعية متوافقه معك ومشكلته الوحيده إن ظروفه يعني شوية - كأن المجتمع بيقوله اسرق ولا انهب ولا اعمل اي حاجة المهم تبقى ماديا زي بتاع الزلاموكة ده علشان تلاقي بنت الحلال اللي توافق عليك


كمان ولي الأمر أو البنت لازم يبصوا لظروف اللي وافقوا عليه طالما تم الرضا بظروفه الشخصية ومؤهلاته العلمية وبيئته الإجتماعية
لو ولي الأمر والبنت كانوا مبسوطين من ظروفه دي كلها يبقى لازم يتهاونوا في الماديات لأن ما فيش حد مكتمل - وكمان لازم يفرقوا بين واحد مليونير وبيقددم شبكة بثلاثين ألف وبين واحد فقير نسبيا وبيقدم شبكة بعشرة آلاف لأن الأول شبكته لا تمثل له شئ والثاني بيقدم لعروسته كل ما يملك




ربنا يجوز الجميع وأنا أولكم يا رب بس ربنا يسترها ومراتي ما تقراش الموضوووووع هههههههههههه

تحياتي

شكلهم يا جماعة ناس طماعين ... هشوف كدا و حقولكم الموضوع هيرسي على إيه .... بس و المصحف أنا مش عاوز اتكبر أو أعمل شو أوف ليا بس صعب إن بنت تلاقي واحد شاريها زي و إبن ناس و أخلاق و عند أصل و يعرف فالأصول كويس أوي ... أنا شاريها هي و عليتها والله العظيم و ربنا شاهد على كلامي ... حد ونبي يجبلي حد دلوقتي جاهز للجواز في أم البلد ديه و إلي بيحصل فيها