الموضوع: أخر أخبار أسعار المهر و الشبكة إيه

المشاركة الأصلية كتبت بواسطة moustafa_saad

ياجماعه ردا على موضوع مهر ب100الف وشبكه ب200 الف ومفيش حد بيرضى بدبلتين وخلافه
انا اختى جالها عرسان وكان عندهم استعداد يدفعوا المهر و الشبكه اللى ممكن نتطلبها مهما كان المبلغ بدون تردد

وللاسف هى مقتنعتشى بولا واحد منهم وساعتها لا الشبكه نفعت ولا المهر نفع
انا ووالدى مفيش مشكله ابدا انها تتجوز واحد بدبلتين فعلا بس اهم حاجه يكون عنده وظيفته وشقته وهى تستريح معاه ويحافظ عليها
وده كلام بجد مش شعارات

الشبكه دية اساسا فلوس العريس محوشها وممكن ياخدها فى اى وقت وقيمتها بتزيد علشان كده فى الارياف اللة حوالينا باسمع عن الشبكه بالجرام 200 300 150 وهكذا كان الواحد رايح يشترى لمؤاخذه يعنى حته اى حاجه قولوا انتم بقى يعنى خلوا البنت بضاعه بتتباع وتشترى

ومن امتى بنحكم على الانسان انه حيحافظ على البنت عن طريق انه يدفعلها شبكه بكذا ومهر بكذا
احنا كده بنعامل البنات زى المقتنيات او العربيات يعنى الواحد اللى معاه عربيه غاليه يبقى حيخاف عليها والعكس وحتى فى حالة العربيات الكلام ده غالبا مش بيحصل لان اللى عنده مقدره على الدفع بشراهه مش بيهمه ان الحاجه تضيع منه او يهمل فيها على عنده المقدره انه يعوضها

نفسى الاقى ناس اناسبهم هبل زينا كده لايهمهم مهر ولاشبكه

ده مش هبل خالص
دي طيبة وفطرة سليمة
وإن شاء الله هتلاقي
الطيبون للطيبات والطيبات للطيبين

المشاركة الأصلية كتبت بواسطة heshamzaky

ربنا يوفقك و تنجز كل مصالحك و امورك ان شاء الله و نصيحة لو أنت داخل على موضوع جواز و حا تتفق على مدة معينة لاكمال باقى التجهيزات دايما ادى مدة أطول شوية من المدة الى أنت محددها فى دماغك تحسبا لاى ظرف طارق يعنى لو فى دماغك 6 شهور اتفق على سنة مثلا و قول و لو ربنا سهلها حا نخلص قبل كدة و الله انجزت كل امورك عجل بالموضوع و يبقى خير و بركة تعثرت فى وسط الموضوع يبقى معاك مدة كافية لتعيد ترتيب اوراقك و حساباتك و ما تبقاش نقضت الاتفاق المبرم بينكم

شكرا للنصيحة الغالية يا استاذ هشام :)

المشاركة الأصلية كتبت بواسطة icehearted girl

مهر 100.000 جنيه

وشبكة 200 جرام

:o
دى عاوزة حملة خلينا قاعدين لحد م تعدى ال التلاتين
جوازة ب 155 الف و الله حرااام حيبقى حيلتى اية اقتح بية البيت ؟؟؟؟ غير الشقة غير الفرش غير تكاليف الفرح و الخطوبة و الفسح و كوع يا عريس
انا من هنا بعلن ان شنورى عندو حق و بلاها جواز

المشاركة الأصلية كتبت بواسطة heshamzaky

الاول الدعوة ربنا يوفقك لما فية الخير و يرزقك ببنت الحلال
ثانيا بالنسبة لموضوع الشبكة و المهر و خلافة
بص يا باشا الشبكة بتبقى هدية من العريس الى عروستة بس بيراعى فيها ان تكون بقيمة العريس و قيمة العروسة يعنى الغالى بيهادى بالغالى حتى و أن كانت هدية و الشبكة دى بتبقى من حق العروسة تماما لها الحق المطلق فى التصرف بها
بالنسبة لموضوع المهر فية طريقتين علشان تخلص موضوع الجواز و الامور تمشى بسلاسة و يسر و سهولة يا اما حا تتفق على مبلغ معين بتدفعة لوالد العروسة و هما بيشترو كل حاجة من التجهيز ماعدا الادوات الكهربائية زى الثلاجة و البوتاجاز و السخان و التيلفزيون و خلافة و أنت بتجيب الخشب بتاع المطبخ و الشقة دة اساسى عليك أنت مش على العروسة
يا أما بتتفقو ان كل واحد فيكم يجهز غرفتين كاملتين و بيتم مراعام ان كل طرف يشيل غرفة تقيلة و غرفة خفيفة
يعنى مثلا العريس بيجيب السفرة و الانترية و العروسة تجيب النوم و الصالون و بتجيب الصينى و ادوات المطبخ
دى عادات قديمة شوية بس العرف ماشى على كدة
الاساسيات الى عليك كعريس الشقة و الادوات الكهربائية و الخشب بتاع المطبخ
و صدقنى كل دى أمور شكلية و بعد الجواز مش حا تحس بالكلام دة لانكم ستكونون شخص واحد مش شخصين
بالنسبة للفرح و الخطوبة يا أما العروسة و العريس بيتفقو ان التكاليف تكون مناصفة بينهم يا أما ممكن تعمل خطوبة على الضيق و الفرح مشاركة بينكم يعنى برضو بالاتفاق

انا شايف ان دة افضل الحلول العملية المناصفة
وبالاتفاق