الموضوع: نيو النترا و لا فلوينس

لو انت مشفارق معاك تصين فى التوكيل وتتغاضى عن الشكل الاحدث - الموتور والفتيس الاحدث - سهولة الصيانه - قلة وسهولة الاعطال - انتشار قطع الغيار يبقى خليك فى الفلونس
عشان الخامات الافضل والاقوى - الثبات الاعلى - الامان الاكثر

المشاركة الأصلية كتبت بواسطة sehsss

ما فيش وجه مقارنة بين الفرنساوي والكوري يا راجل

قصدك مافيش وجه مقارنه بين الكورى والتركى ..صح ولا انت غلطان !!!!!

المشاركة الأصلية كتبت بواسطة adry_adry

السلام عليكم جميعا
كل سنه وكلكم طيبين انا بايع عربيتي من قبل رمضان بس كنت عامل غلطه رهيبه اني مش مستقر على العربيه اللي هشتريها و فضلت محتار بين حوالي سبع عربيات لحد ما وصلت للاختيار ده نيو النترا ولا فلوينس انا معايا 140000 الف يعني تقريبا الفئه 2 في الفلوينس و الالنترا هيكون فيها abs و انا مش ناوي ابيع قبل سبع سنين على اقل تقدير الا اذا صل حاجه لا قدر الله
- يا ريت يا جماعه اللي يرد يكون جرب العربيتين

انصحك علشان تاخد قرار سليم روح معارض زى المصريه فيها كل الانواع اركب الفلونس الاول وخد وقتك فيها واطلع منها وادخل الالنترا وانت لوحدك ها تاخد القرار فى الالنترا والهيونداى . الهيونداى قطع منتشرة وارخص من مثليها نفس الفئه
سيارات اى ورشه تصلحها ومافيش عيوب صناعه ولا اعطال تذكر
اعلى سعر فى اعادة البيع
صالون داخلى خامات وتصميم روعه ونظام صوتى رائع
عربيه بجد رفاهيه
انسى اى حاجه جنبها

بص خليك في الفرنسي و انسى الكوري دا خالص كل موديل بيطلع بيكون اسوأ من اللي قبله بكتيير و بعدين الفلوانس فرنسي للي بيقول تركي بس هيا متقفلة في تركيا .. يعني كل حاجة فرنسي فيها

أنا كنت في نفس الحيرة اللي انت فيها دي بالزبط و بين نفس العربيتين !! و الحمدلله و بعد ابحاث استمرت اكتر من 6 شهور ربنا وفقني و اشتريت الفلوينس الفئة التانية اللي انت عايز تجيبها من 3 اسابيع الحمدلله .. و العربية ماشاء الله تحس انك راكب طيارة ده غير الخامات الممتازة و مستوى الامان العالي جدا و الصاج المتين اوي والثبات اللي محصلش والتوكيل الراقي جدا اللي يعتبر احسن توكيل في مصر .. تعالى بأة غبور و شوف الناس عمالة تصوت منه ازاي .. و كفاية انك راكب عربية متميزة مش موجودة مع قليل من الناس اللي فاهمة هي جايبة ايه .. تعالى قارن بأة بالكوري و شوف قصاد ده ايه .. بسس للامانة هي الحاجة الوحيدة اللي في وجهة نظري لصالح الالنترا هي التسارع الرهيب بتاعها بالنسبة للفلوانس .. يعني لو انت من هواة الشد و الجري خليك في الالنترا .. و انا مش هقولك اكتر من كده .. اعمل تست درايف للعربيتين و ان شاء الله قلبك هيقودك للاختيار الصحيح

شكرا لكل اللي اهتم و رد تقريبا معظم الردود متجهه للفلونس و بفارق كبير و ان شاء الله انا هنزل معرض يكون فيه العربيتين جنب بعض علشان اخد القرار النهائي