نيو النترا و لا فلوينس

**Mohab.Nabil** · 24-08-2011 07:16 PM

بخصوص المقارنة

حاجتين بس اللى شايفهم ميزة فى الالنترا عن الفلوينس

الفلوينس تسارعها بصراحة مش ممتاز , مرضى بس مش هيعجبك لو ليك فى الشد و كده و الهيونداى معروف بقوة مواتيره فالالنترا تكسب فى النقطة ديه و دا بيعززه ان الالنترا فتيس 6 سرعات اما الفلوينس 4 سرعات

اى حاجة تانية هتفكر فيها الفلوينس تكسب

الشكل بتاع هيونداى الانترا ملفت جدا بس شكل الفلوينس مميز جدا برضو

**hic** · 25-08-2011 11:41 AM

المشاركة الأصلية كتبت بواسطة ghosts

مادمت ناوى تبيع قريب يبقى ألنترا وش من غير تفكير كتير ....
اليومين دول الكورى هو اللى كسبان ....
عارف حضرتك أنا مرة قابلت تاجر عربيات فى المرور و أتفتح ما بينا حوار ....
الراجل كان بيحلف أنة لما كان بيشترى عربية كورى بيبعها خلال أسبوع أو أتنين ....
ومرة أشترى ميجان فضل ساعة يشكر فى ثباتها وقوتها لكن مكانش عارف يبيعها حوالى 6 شهور ....

شوف اخى الفاضل البيع و الشراء تساهيل من عند ربنا
انا ح اقول لك حاجتين حصلوا معايا شخصيا
انا كان معايا فيات بيترا اللى كل الناس بتقول عليها صعب جدا فى بيعها لما جيت ابيعها قسما بالله بعتها فى ساعه واحده و كمان كسبت فيها مبلغ مش بطال
برضه البيجو 405 عملت اعلان فى كونتاكت و تانى يوم كانت العربيه متباعه و كمان اللى اخدها جالى من القاهره لغاية اسكندريه و اخد العربيه حتى من غير ما اطلع له شهادة المخالفات
الخلاصه ان موضوع البيع و الشراء هو توفيق من الله سبحانه و تعالى و انا رأيى ان الانسان ما يحطش الموضوع ده فى دماغه اوى يعنى اللى تعجبه عربيه يتوكل على الله و يسيب الغيب على الله و يدعوا الله انه يحفظها له يعنى على سبيل المثال ممكن واحد يشترى عربيه علشان سعر اعادة البيع و لا قدر الله تتخبط و يضطر انه يرش دواخل فطبيعى سعرها ح ينزل كتير عن و احد اشترى عربيه من اللى بيتقال عليها تقيله فى البيع بس تكون سليمه و يكون سعر اعادة بيعها اعلى بكتير من التانيه
يارب تكون وجهة نظرى وصلت و كل سنه و الجميع بخير

**hic** · 25-08-2011 11:49 AM

المشاركة الأصلية كتبت بواسطة rs12

بخصوص المقارنة

حاجتين بس اللى شايفهم ميزة فى الالنترا عن الفلوينس

الفلوينس تسارعها بصراحة مش ممتاز , مرضى بس مش هيعجبك لو ليك فى الشد و كده و الهيونداى معروف بقوة مواتيره فالالنترا تكسب فى النقطة ديه و دا بيعززه ان الالنترا فتيس 6 سرعات اما الفلوينس 4 سرعات

اى حاجة تانية هتفكر فيها الفلوينس تكسب

الشكل بتاع هيونداى الانترا ملفت جدا بس شكل الفلوينس مميز جدا برضو

بص اخى الفاضل انا من ملاك الفليونس و برضه من المتعاملين مع الانترا لانها كتير مع زمايلى فى الشغل
اذا كنت عاوز عربيه كلاسيك تحس انها ليها هيبه يعنى مش شبابيه تبقى الفليونس لانها فعلا مش بتاعة شد و لا حرق

**hic** · 25-08-2011 12:06 PM

المشاركة الأصلية كتبت بواسطة raedegypt

قصدك مافيش وجه مقارنه بين الكورى والتركى ..صح ولا انت غلطان !!!!!

لو كلامك مظبوط يبقى العربيه الصينى احسن من bmw و المرسيدس علشان هما مصرى!!!!!!!!!!!!!!!!!!!!!

**alumni** · 25-08-2011 08:54 PM

انا كان معايا نيسان صنى سوبر صالون و للاسف الشديد امى جبت فلوانس 2011 اللى هى e3 ب 140000 العربية باختصار شديد موتورها متواضع جدا بمعنى تانى العربية منظر فقط و بلوتوث و حركات غير كده ملهاش اى لزمة بصراحة النيسان احسن منها مليون مرة و مستعد افضل اقول كده لاخر يوم فى عمرى فعلا ان فاتك اليابانى مش هيرجع تانى و انا فتنى اليابانى ياناس اااااااااااااااااااااااه دا انا امبارح بس اتزنقت بين ميكروباصين و لازم اجرى منهم العربية هتتخبط و الله و ياناس جبت اخر الدواسة اقسم بالله و العربية و قفة مكانها متحركتش لما انا كنت هتجنن فين ة فين لما ايه طلعت بقى على 20 تخيل بقا دى النترا و لا نيسان اخر الدواسة انا كان زمانى جبت اخر الشارع و لبست فى عربية كمان من كتر القوة دى حاجة الحاجة التانية بقى انا العربية لسة عملة 2500 كيلو معايا الفتيس بينتش من الاول للتانى و الفرامل بتصفر مش عارف ازاى بصراحة عربية زيرو و الفرامل تصفر و القى نظرة على الطنابير لقيتها كلها مصدية مش عارف ازاى بردة المفروض عربية بالمبلغ دة الطنابير متصديش من المية النيسان احد دلوقتى معا اخويا بقلها 5 سنوات الطنابير بتلمع و تالت حاجة مؤشر البنزين فولت 45 لتر ياجدعان و الاقى المؤشر ماعملش فول تانك و ابلة بربع ايه الهبل دة و عملتلها سوفت وير فى التوكيل و قالو لى خلاص و بردة رجع تانى من الاخر العربية منظرة ليس الا و فشخرة جامدة جدا اسف على الاطالة و منتظر الردود و ياريت حد يقول لى اللى عندى دة عندة بردة و لا ايو علشان ناوى هبهدلهم فى التوكيل هعدلهم بجد مش هسبهم

**alumni** · 25-08-2011 08:56 PM

اسف اول سطر انا اللى جبت الرينو علشان هى مكتوبة بال (م) اسف :) :)

**yasserelsayad** · 25-08-2011 09:18 PM

اعتمادية الهيونداى اعلى من الرينو
وانت بتقول مش ناوى تبيع قبل سبع سنين

وبعدين اعمل حساب للظروف باردوا يعنى لو لقدر الله حبيت تبيعها فى اى وقت فلوسها موجودة حتى بعد سبع سنين هتكون سعرها احسن من الفلونس.

دا طبعا من غير ما نقارن العربيتين ببعض عشان هما الاتنين كويسين وكل واحدة ليها مميزات عن التانية . .وانت هتعرف لوحدك انهى احسن ان شاء الله.

**yasserelsayad** · 25-08-2011 09:56 PM

المشاركة الأصلية كتبت بواسطة moustafa_saad

ممكن استاذ ياسر تفهمنى ازاى اعتمادية الهيونداى اعلى من الرينو
ايه هو مفهوم الاعتماديه عندك
ازاى قدرت تقيسها
انت بتعمم على كل الموديلات ولا موديل محدد اللى خلاك تقول النتيجه دية

هل كتر الحساسات فى العربيه وارتفاع التكنولوجى بتعاتها وان قطع الغيار لازم تتغير فى ميعادها الامثل والا تلاقى صفاره ولا لمبه نورت علشان تنبهك يبقى ده قله اعتماديه

ولا ان قطع الغيار يكون عمرها اطول من التانيه هو ده الاساس

انا فعلا باستفسر وعاوز افهم لان لفظ الاعتماديه ده مطاط جدا ومش لاقى ليه معنى محدد

لا انا اقصد العربية عامة يعنى مثلا ميكانيكيا
احنا عندنا العربيات كلها بتتعامل نفس المعاملة وبتروح التوكيل فى معاد صيانتها ومش بنتأخر فى اى حاجة عايزة بغير ولا اهتمام وباردوا تلاقى حاجات غريبة بتحصل ومشاكل بتظهر فى الفرنساوى زى الرينو (ميجان) والستروين (c5) عن باقى العربيات ومن نفس الموديل او اقدم.

يعنى مجرد مثال كان عندنا دايو ليجانزا لسه متباعه السنة دى قعدت عندنا 11 سنة تقريبا متغيرش فيها غير الحاجات الدورية والعربية الحمد لله محصلش منها اى مشاكل .. بعكس الميجان مثلا راحت التوكيل وباتت هناك بالايام عشان كام مشكلة حصلت ومعروفين فى القسم وكنت عامل موضوع عنها قبل كدا وحتى التوكيل تعبان ومش بيعرف يشخص الاعطال كويس.

دا غير مثلا صديق ليا اخته عندها بيجو 308cc حصل فيها مشكلة من قريب بس للاسف مش عارف التفاصيل بالظبط لكن راحت التوكيل على ونش طبلية.

وفى ابن عمى عنده النترا 2004 وتمام لحد دلوقتى الحمد لله وربنا يباركله فيها.

يعنى انا رأى دا مبنى على تجارب كتير وعلى كذا موديل ومن كذا شركة مش مرة ولا حاجة عابرة يعنى.

ومحدش يزعل من الكلام بس هى دى الحقيقة يعنى وانا الحمد لله مش متحيز لحاجة دى عندنا ودى عندنا يعنى مش قصر ديل ولا حاجة.