الموضوع: نيو النترا و لا فلوينس

يا جماعه مفيش حد من ملاك الالنترا يقولنا بردو مميزات و عيوب العربيه علشان المقارنه تكون عادله

المشاركة الأصلية كتبت بواسطة bukla

السلام عليكم و رحمه الله و بركاته
انا طبعا ماعنديش حاجة اقولها اكثر منى اللى الاخوة الاعزاء rs12, wawoo & hic قالوه غير كام ملحوظه صغيرة خصوصا عن الجملة دى

و اللى بتوضح انه فعلا حضرتك لسه مش عارف لا مميزات و لا امكانيات عربيتك
فى منيو تظبيط الصوت فى (الكاسيت) زى ما حضرتك بتقول علية بيخليك لما تدور العربية الصوت بيكون على درجة معينة انت بتبقى ضابطها عليه علشان لو اخر مرة انت كنت مشغلة و معلية شوية مثلا و بطلت العربية لما تيجى تدور تانى تلاقى الصوت رجع للدرجة اللى انت ضبطه عليها دة طبعا بالاضافة للميزة اللى شرحها الاخ العزيز wawoo بتاعة ضبط الصوت انة يعلى لوحدة لحد درجة معينة لما سرعة العربية بتعدى 100 كيلو
اما النتشه فكان فيه اخ عضو اشترى الفلوينس من حوالى سنة و كان متضايق قوى من حكاية النتشة اللى بتقول عليها بين الاول و الثانى و كنت بقنعة انها بتروح لما تغير طريقة قيادتك للعربية و علشان اثبتلة دة قابلتة و خليتة يسوق عربيتى و انا سوقت عربيتة و فعلا قالى انه مش حاسس بالنتشة دى فى عربيتى و رغم كدة باع عربيتة و اشترى على ما اتذكر سيراتو و لكن بعد فترة حوالى ثلاث شهور من الاختفاء عن المنتدى لاقيتة عمل مشاركة فى رابطة حائزى الفلوينس بيندم فيها على بيعة العربية و بيفكر يشتريها تانى
اما التسارع من الثبات بعترف انه مش ممتاز لكن على الطريق شوف الرابط ده لاخ عضو معاة لانسر (اللى طبعا بحسب مقاييسك ب 100 عربية نيسان) بيقول اية على تسارع الفلوينس معاة على الطريق
http://www.nilemotors.net/nile/24099...post3873749353

من الاخر واضح انك مش مرتاح نفسيا للعربية و لزام تبيعها و تجرب غيرها و ان شاء الله مش حتخسر فيها كثير لانها مطلوبة
بالتوفيق ان شاء الله

و اللهى بوكلا و الفلونسية قالوا كلام مية مية
انا معايا العربية بقالها سنة و اربع شهور و ما شاء الله عامل بيها 26000 كيلو توكيلها بكل تاكيد احسن بمراحل من هيونداى(انا معايل النترا 2004) عربية ثابتة على الطريق انا جبت بيها 170 على طريق العين السخنة بجد ثبات عالى تعالى نقارن الاوبشنز مش حرام اركب عربية بى 130 الف مفهش غير ايرباج واحدة يا abs