بجد يا ريت الناس تقارن بموضوعية زيك كداالشكر لله يا باشا
ان كنت محتار زيك كده قبل ما اشترى عربيتى السنة اللى فاتت لحد ما ربنا هدانى و وفقنى للفلوينس
انا مش حتحيز لعربيتى و حكون واقعى معاك
اولا انا بحترم جدا الالنتراو خصوصا الشكل القديم لانى كنت مجربها و كانت فى اولوياتى لحد ما ظهرت الفلوينس و قدرت اوفر فرق الفلوس اللى كان بينهم و كنت دائما بنصح بيها اى صديق ليا بيفكر فى عربية فى حدود سعرها و بقولوه على مميزتها و عيوبها من وجهه نظرى
لكن انا ليا وجهه نظر فى الكورى عموما انك اوعى تشترى كورى موديل جديد اقصد بجديد يعنى لسة ماتجربتش فى الشارع لازم تستنى عليها على الاقل سنة ولا اثنين لغاية ما يبان عيوبها
انا عاجبنى شكل النيو الالنترا جدا لكن الاداء ككل لسه عليه علامات استفهام و اقصد بكدة الفرامل و الثبات لكن التسارع انا متاكد انه كويس من غير ما جرب
علشان كده انا شايف انا النيو النترا فعلا لغاية دلوقتى اتأكد فيها حاجتين من اللى قولتهم (اوبشنز و اعادة بيع) و حاجتين ممكن يحصل اختلاف عليهم من شخص لاخر (برستيج و اداء) و حاجتين اعتقد ان الكل متفق على انهم مش موجودين (الامان و التوكيل المحترم)
لو جينا للفلوينس فانا شايف ان من واقع التجربة فيها اربع حاجات (امان, برستيج, توكيل محترم و اوبشنز) و حاجه ممكن يحصل عليها اختلاف من شخص لاخر (الاداء) و حاجة لم يتم التاكد منها بعد (اعادة البيع)
فى الاخر لازم كل واحد عايز يشترى عربية جديدة يحدد حاجة و يقنع نفسة بحاجة ثانية
اولا يحدد اولوياتة من متطلباته فى العربية اللى عايز يشتريها و يرتبهم على حسب رغباته و ظروفة
ثانيا يقنع نفسة انه لازم حيتنازل عن حاجة او اثنين لان الكمال لله وحده و هو الوحيد اللى يقدر يحدد يقدر يتنازل عن ايه و مايقدرش يتنازل عن ايه
و اخيرا يستخير و يتوكل على الله و ربنا ان شاء الله حيوفقه فى اختيارة مهما كان
بالتوفيق ان شاء الله
كلام هادف و فى المضمون
1+++++++++++++
المفضلات