الخوف من السواقة بقى حالة مزمنة .. ايه الحل ؟؟

**Donzi** · 04-09-2011 04:46 PM

السلام عليكم

بقالي فترة كدا كل ما اجي اركب العربية احس ان انا خايفة منها و خايفة من السواقة و حاسة ان واحدة فينا مش هاترجع سليمة يا انا يا العربية و طول ما انا سايقة ببقى حاسة ان انا هاعمل حادثة في اي حاجة و اقعد اتخيل حاجات مهببة طول الطريق مرة العربية بتتقلب و مرة بدخل في تريللا و مرة بتقلب في النيل و افلام هندي و اول ما بركن العربية و انزل منها بحمد ربنا و كان حجر اتشال من على قلبي و اتنفست اخيرا

لدرجة ان انا مؤخرا مابقيتش احب اخرج بالعربية و لو في اي مشوار بالعربية يا بتحجج باي حاجة عشان اسيبها يا اما بشوف حد تاني يسوق

و الغريبة اني مابخفش لما ببقى راكبة مع اي حد بس بخاف من نفسي و لما بكون انا اللي سايقة و اكيد الحادثة اللي انا عملتها من سنة و نص تقريبا ليها عامل كبير في الحالة دي بس انا الحمد لله الى حد ما اصابتي مكنتش خطيرة و كان كسر واحد في رجلي و اتعالج تمام و الحمد لله بس العربية منفعتش تاني و اتباعت بحالتها ، و بعدين انا رجعت اسوق من 8 او 9 شهور تقريبا و اول ما سوقت مكنش في اي نوع من الخوف خااااااااااالص بالعكس كنت مبسوطة و فرحانة بالعربية الجديدة جدا و مكنش في اي قلق

حاسة ان الموضوع بقى مزمن و انا ممكن قريب جدا مقدرش احط رجلي في العربية و لا اسوق خالص و مش عارفة اعمل ايه لدرجة اني فكرت ابيع العربية ؟؟ لو حد مر بالحالة دي قبل كدا او عندوا نصيحة ياريت يقوللي و جزاه الله كل خير .

**sara2001** · 04-09-2011 05:06 PM

بلاش تركبي العربيه وانت لوحدك لفتره كده لحد ما ترجعي تطمني
ويمكن انت عندك التوتر ده بسبب الفوضى المروريه الحاليه لعدم تواجد شرطة المرور ومش بسبب الحادثه

**MMamdouh** · 04-09-2011 05:18 PM

عليكى بدعاء الركوب.... سبحان الذى سخر لنا هذا و ما كنا له مقرنين و انا الى ربنا لمنقلبون

MMamdouh

**Donzi** · 04-09-2011 05:21 PM

المشاركة الأصلية كتبت بواسطة sara2001

بلاش تركبي العربيه وانت لوحدك لفتره كده لحد ما ترجعي تطمني
ويمكن انت عندك التوتر ده بسبب الفوضى المروريه الحاليه لعدم تواجد شرطة المرور ومش بسبب الحادثه

احتمال فعلا انتشار السرقة و التثبيت على الطرق زود الموضع اكتر و اكتر فا بقيت بخاف كمان لا العربية تتسرق و الموضوع بقى عامل زي الهم عالقلب

**Elawany13** · 04-09-2011 05:32 PM

النسيان .... من نعم ربنا علينا
أنا لما ميكروباص خبطنى والحمد لله كانت بسيطة
http://www.nilemotors.net/Nile/229585-a.html
كنت متغلت وزهقان قوى ومبنامش كمان
وكنت ببقى ماشى خايف ومرعوب انى اقترب من أى ميكروباص
مع مرور الوقت الواحد بينسى
وبيتعلم الحذر أكثر واكثر
وربنا يسلم

**Ahmod** · 04-09-2011 05:56 PM

هو يمكن ردي يكون مختلف شوية عن بقية ردود الاعضاء ومش قصدي اني اخوفك لا سمح الله بس الحرص واجب

انا مش هقولك حاولي ترجعي ثقتك بنفسك او ماتخفيش والكلام ده لان اللى حضرتك فيه ده احساس حصلي قبل كدة كذا مرة انا زمايلي وبعده كلنا عملنا حوادث ! ! والله مقصدي اخوفك لكن بحكيلك عشان تاخدي بالك بقدر الامكان

سبحان الله الواحد قبل مابيعمل حادثة او قبل مابيخبط اكنه بيبقى حاسس انه هيخبط

ليلة واحد رمضان عملت حادثة مع واحد زميلي على الصحراوي واول ماركبت العربية كنت حاسس ان فيه حاجة غلط هتحصل وبالفعل عملنا حادثة عند الكيلو 154

من حوالي خمس شهور خبطت العربية والحمد لله كانت بسيطة بس المرايا طارت وقبلها بكام يوم كنت برضوا حاسس ان فيه حاجة هتحصل وكان بقالي اسبوع مش بنزل بالعربية بسبب الموضوع ده وفي الاخر قلت ايه الاوهام دي خليها على الله نزلت رحت خابط !

واحد زميلي عربيته اتقلبت بيه وبيحلفلي انه قبل ماينزل من البيت كان حاسس ان فيه حاجة غلط وانه هيحصل حاجة !

لدرجة ان انا وزمايلي بقينا لما حد بيحس ان فيه حاجة غلط هتحصل مش بينزل بعربيته خالص لحد مايهدى

فاللى انا اقصده ان سبحان الله الواحد سعات قلبه بيحس باللى هيحصل فانا مش قصدي اخوفك

لكن حاولي بقدر الامكان ماتسوقيش عربيتك وماتنزليش بيها خالص الا لما تهتدي وترجعي زي الاول

وربنا يسترها معاكي ان شاء الله

-

-

-

-

الموضوع: الخوف من السواقة بقى حالة مزمنة .. ايه الحل ؟؟

LinkBack

أدوات الموضوع

عرض

الخوف من السواقة بقى حالة مزمنة .. ايه الحل ؟؟ - انشر الموضوع فى :

-

-

-

-

المواضيع المتشابهه

مشكلة مزمنة في دورة التبريد

الخوف الشديد من السواقة اعمل فية اية

مشكلة مزمنة فى تيل الفرامل

الكبالن مشكلة مزمنة

فى حالة رغبتك بتقديم شكواك لجهاز حماية المستهلك تعمل ايه؟ هنا الحل

الكلمات الدلالية لهذا الموضوع

المفضلات

المفضلات

ضوابط المشاركة