الموضوع: جامع لكل مواطن!!

المشاركة الأصلية كتبت بواسطة aif

المفروض ان اثناء الصلاة يشغلو الداخلي فقط ... الخارجي دة للآذن والاقامة فقط
والمفروض حد ينبههم لكده ... ده حتي تعليمات الازهر والاوقاف كدة ...وممكن تشتكو للاوقاف لو المساجد تبع الاوقاف

حاولنا أكتر من مرة ننبه امام اتنين منهم و كان الرد هو اتهام صريح بإننا بنحارب سنة الله في أرضه

اما موضوع الشكوى ده فلسه ما جربناهوش.

بس ابشرك ماتقلقيش الاوقاف هاتخربها قريب استنى بس لما يعمموا الاذان الموحد ويحكموا السيطره على المساجد مش هاتسمعى الاذان حتى
انا خايف كمان يطلعوا فتوى الناس تصلى ورا الشيخ اللى بيصلى فى الحرم وهى فى البيت

انا طبعا مش مع ازعاج الناس لان مش ده الدين واعلان الصلاه فى الميكروفونات مش هايزود للدين حاجه خصوصا ان اللى بيقرأوا قران صح معدودين فى كل حى
بس برده مش عجبانى النغمه اللى الناس بتعالج بيها الموضوع حاسس مافيش حب او انتماء
يعنى لو واحد جار مشغل دى جى حنه طول الليل هايبقى على قلبك زى العسل طيب اشمعنى بقى ؟
ياجماعه المشكله الحقيقه مش هنا
عارفين لما واحد يقعد يحكى عن واحد اسمه عمرو مثلا وانت ماتعرفوش خالص ويقعد يقولك عمرو كويس وشجاع وجميل بسهوله بتقوله طز فى عمرو او مش بتتاثر بالحكاوى لانك باختصار ماتعرفوش فمفيش صله حسيه بينك وبينه انما لو بيحكى عن نجمك المفضل او بيشتم فيه بتتاثر ولا زم تدافع ليه علشان انت بتحبه
هو ده ياجماعه اللى احنا مفتقدينه واولهم انا مفتقدين حب الدين وهتلاقى الناس اللى منزعجه من الاذان فى اى مكان (منزعج من الاذان يعنى بيسمع كويس ) مش بينزل يصلى فى المسجد مع ان الاذان مخترق ودانه بدليل انه ازعجه لانه لو بينزل مكنش هاينزعج اكيد
مش عايز ابقى رخم اكتر من كده سلالالالالالالام

احنا اصلا في بلد عشوائي تماما و في منتهى التخلف
تصدقي اني مرة عملت لجامع شهير محضر ازعاج في القسم و الناس كانت بتبصلي على اني مجنون حتى اللي بيعملوا المحضر
و منتهى الغباء انه في عصر تسوده الساعات الرقمية و ساعات العقارب و برامج اذان الموبايلات ان يتحفونا بميكرفونات في كل سنتي في الشارع سواء بأدان او بخطبة او بإقامة او غيره
فمن حقك ان تمارس الشعائر و من حق اي آخر ان ينعم بالهدوء
XXXXXXXXXXXXXXXXXXXXXXXXXXx
المشكلة مش في عدد المساجد ابدا..المشكلة في الاسلوب الغير متحضر و توارث اجيال لما كان عليه الوضع من 1400سنة بس بتوع زمان كانوا اكثر حظا منا لأنهم لم يبتلوا بالميكرفونات

تم الحذف لمخالفه القاعدة رقم 9 ج من قواعد وقوانين المنتدى -البند الخاص بالنيل من ايه ديانة سماوية............. الإدارة 4

بالنسبه لكثره الزوايا فيه قرار اعفاء اي عماره من الضرائب العقاريه لو فيها زويه وده كان من زمان ولذا كل واحد صاحب عمار ه يتنازل عن محل وركن ويعمل زاويه ولذا انتشرت اما صوت الميكروفون فهو طبعا يجب مراعاه عدم استخدامه الا في صلاه الجمعه لداخل المسجد فقط مكان وجود المصلين فالخطيب لا يخطب للناس الي في بيوتهم ...............

المشاركة الأصلية كتبت بواسطة ahmedateya

احنا اصلا في بلد عشوائي تماما و في منتهى التخلف
تصدقي اني مرة عملت لجامع شهير محضر ازعاج في القسم و الناس كانت بتبصلي على اني مجنون حتى اللي بيعملوا المحضر
و منتهى الغباء انه في عصر تسوده الساعات الرقمية و ساعات العقارب و برامج اذان الموبايلات ان يتحفونا بميكرفونات في كل سنتي في الشارع سواء بأدان او بخطبة او بإقامة او غيره
فمن حقك ان تمارس الشعائر و من حق اي آخر ان ينعم بالهدوء
و يا سلام على رمضان و قلق رمضان ..تواشيح و ذكر حتى الصباح الباكر و تراوييييح و تسابيح و على كل لون يا باطستا آآآآآآآآآآآآآآآآآآآآآآآآآ آآآآآآآآآآآآآآآآه
المشكلة مش في عدد المساجد ابدا..المشكلة في الاسلوب الغير متحضر و توارث اجيال لما كان عليه الوضع من 1400سنة بس بتوع زمان كانوا اكثر حظا منا لأنهم لم يبتلوا بالميكرفونات

حد يفهمنى الكلام ده بجد :(
دى اخر مره اتابع الموضوع ده علشان مايجراليش حاجه

يا جماعة اللى بيقارن ضوضاء الآذان بأخرى غلطان ، لأن الآذان بيتسمع 5 مرات فى اليوم + 5 مرات بتوع الإقامة يعنى 10 مرات ، انا لو واحد بتاع دى جى كل يوم عملى صداع بهذا الشكل مش هيبقى على قلبى زى العسل ، لا هنزل اطلع **** ، المشكلة إن الناس فاكرة دة الصح ، ومحدش هيتكلم لأن ببساطة هتلاقى كل واحد هجم عليك كأنك كفرت والعياذ بالله ، يا جماعة مش كدة ..

الآذان ازعاج؟ آه إزعاج ، لما تلاقى 3-4 جوامع كل واحد بيأذن مع نفسه ودة عمال يقلدك عبد الباسط والتانى الحذيفى والثالث السديس والرابع بيرتجـــل ! يبقى فيه حاجة غلط ، خاصة بقى لما يحدث تداخل فى الأصوات وأجارك الله !!

يكفى مؤذن واحد فقط فى كل منطقة الهدف إن الناس تعرف مواقيت الصلاة وشكرا ! ، وياريت موضوع توحيد الآذان يتطبق بجد ويبقى فيه رقابة .