الموضوع: >>> مستشارك القانوني المجاني <<< - لاعضاء منتدى نايل موتورز

المشاركة الأصلية كتبت بواسطة ahmed

حد يعرف ازاى بنحدد حصة الشقة فى الارض الشائعه "يعنى عباره و للوحدة حصة شائعه فى الارض تقدر نسبتها بباقى نسبة الوحدات " لو فرضنا ان الشقة 170 متر و العقار كله 17 شقة و الارض مساحتها 1000 متر اطلع انا بقى الحصة الشائعه دى ازاى و تبقى حصتى نسبتها كام ..؟

تقسم على وحدات العقار بالتساوي

المشاركة الأصلية كتبت بواسطة hany adel

عليك اللجوء اللي محامي قوي في مسائل الايجارات
ولا يوجد ايجار قديم بعد 1996
حتى لو كتب هذا
لانه ببساطة يقدر المؤجر انه يجيب اثبات ان كان فيه قبلك حد في هذا المكان
وبالتالي يسري عليك الايجار الجديد
ولكنه اخطا بمسالة المشاهره ...
واذا كنت دفعت فلوس كتير وفيه شهود تقدر تستغل المسألة دي

لكنها مش واضحة ادامي

هل حضرتك ممكن ترشحلي محامي قوي في مسائل الإيجارات. و هو مايقدرش يجيب شهود على ان كان في ساكن قبلي لأن العقار جديد و انا أول ساكن في الشقة. و في شهود على أنه واخد فلوس كتير.

إستشاره قانونية
السلام عليكم
احنا موكلين محامي في عدة قضايا والمحامي توفى وفي فحامي تاني هيمسك المكتب.
السؤال : لو كنت عايز اسحب الفضايا اعمل اية؟
وتنصحوني بأية لاني معرفش حاجة في الحاجات دي فشورا علي اعمل اية؟
جزاكم الله خيرا

المشاركة الأصلية كتبت بواسطة automea

إستشاره قانونية
السلام عليكم
احنا موكلين محامي في عدة قضايا والمحامي توفى وفي فحامي تاني هيمسك المكتب.
السؤال : لو كنت عايز اسحب الفضايا اعمل اية؟
وتنصحوني بأية لاني معرفش حاجة في الحاجات دي فشورا علي اعمل اية؟
جزاكم الله خيرا

عادي حتبلغة باحترام انكم حتسحبوا القضايا من المكتب
ويحدد ميعاد تروحوا توقعوا على استلام الملفات

ولو فيه بقيه اتعاب تسددوها وتنتهي المسألة
وتاخد التوكيل الخاص بالمحامي الاصلي


تحياتي

المشاركة الأصلية كتبت بواسطة يوسف شعبان00

السلام عليكم
لو سمحتم كان عندى استفسار
روحت انا و خطيبتى نتفرج على شقه و عجبنتنا الحمد لله
بس المشكله مش هنا
المشكله بتتلخص فى ان لما حبينا نمضى العقود روحنا لمحامى قالنا عايز صوره من عقد ملكية الارض و العقار و لما روحت لصاحب البرج اطلب منه الصور اللى المحامى طلبها الراجل قالى انا مش باطلع الورق بره لحد وممكن تجيب المحامى و يشوف كل حاجه هنا و لما تمضى العقود خد الصور اللى انت عايزها و لما طلبت منه صوره من العقد اللى هنمضيه علشان يشوفه المحامى رد نفس الرد السابق فانا قلقت فقولت اخد رايكم
مع العلم ان معظم البرج ساكن فعلا
هل بالوضع ده نكمل فى شراء الشقه و لا نوقف كل حاجه ؟؟؟
و هل اللى الراجل عمله ده عادى و لا لا ؟؟؟؟

من الواضح انه فيه مشكلة ما عنده او انه شكاك
المهم جيب المحامي يراجع الورق عنده ويراجع العقد براحته

عادة هو العقد موقع من كحول ( شيال القضايا ) الخاصة بالعقارات
ولو كده خلي المقاول او صاحب العقار يعمل عقد لنفسه من الكحول كأنه هو اشتري منه

ويبيع لك بعد كده مباشرة عشان تضمن حقك

خد المحامي معاك واستلم الشقة فورا واقفل بابك وغير الكالون

شقه سعيده ان شاء الله

[OVERLINE]

كفاية التسليم الاعتبارى متى كان المودع لديه جائزا لشىء من قبل .
القاعدة:
لا يلزم فى الوديعة أن يكون التسليم حقيقيا بل يكفى التسليم الاعتبارى إذا كان المودع لديه حائزا لشىء من قبل . و إذ كان ذلك وكان ما استخلصته المحكمة على ما سلف بيانه من أن العلاقة القائمة بين الطاعن والمجنى عليها يحكمها عقد الوديعة هو استخلاص سائغ ويلتئم مع حقيقة الواقع فى الدعوى فإن قضاءها بإدانة الطاعن عن جريمة التبديد يكون صحيحا فى القانون .
( المادة 341 عقوبات )
( الطعن رقم 625 لسنة 46 ق جلسة 1976/11/1 س27 ص 835 )
لا يلزم فى الوديعة أن يكون التسليم حقيقياً بل يكفى التسليم الإعتبارى إذا كان المودع لديه حائزاً للشئ من قبل .
( الطعن رقم 1817 لسنة 37 ق ، جلسة 11/12/1967 )
[/OVERLINE]

المشاركة الأصلية كتبت بواسطة thefreelawyer

[overline]

كفاية التسليم الاعتبارى متى كان المودع لديه جائزا لشىء من قبل .
القاعدة:
لا يلزم فى الوديعة أن يكون التسليم حقيقيا بل يكفى التسليم الاعتبارى إذا كان المودع لديه حائزا لشىء من قبل . و إذ كان ذلك وكان ما استخلصته المحكمة على ما سلف بيانه من أن العلاقة القائمة بين الطاعن والمجنى عليها يحكمها عقد الوديعة هو استخلاص سائغ ويلتئم مع حقيقة الواقع فى الدعوى فإن قضاءها بإدانة الطاعن عن جريمة التبديد يكون صحيحا فى القانون .
( المادة 341 عقوبات )
( الطعن رقم 625 لسنة 46 ق جلسة 1976/11/1 س27 ص 835 )
لا يلزم فى الوديعة أن يكون التسليم حقيقياً بل يكفى التسليم الإعتبارى إذا كان المودع لديه حائزاً للشئ من قبل .
( الطعن رقم 1817 لسنة 37 ق ، جلسة 11/12/1967 )
[/overline]

هل دي معلومة
والا رد للاستفسار السابق

كمعلومة شكرا عليها

كرد على الاستفسار السابق فلا علاقة لها بمسالة شراء الشقة تماما
ولا علاقة
بالموضوع السابق بالقانون اصلا

لاننا نتحدث عن الواقع العملي في الحياة
المتعلق بمسألة العقارات

اهلا بك في هذا الباب