الموضوع: ثبات العربيات موضوع للنقاش

انا بالنسبه ليا الثبات مبني على مميزات العربيه نفسها بمعنى

هو المفروض العربيه الثابته يكون فيها مانع الانزلاق
وده لما تيجي تحود الدركسيون جامد يمين شمال المفروض تعمل drift حسب نوع الدرفت الي انته عملتو لكن النظام ده بيديك تحذير في التابلو لمبه بتنورلك معناها انها بتقولك انسى في نظام مانع الانزلاق يا حلو وعمرها ما هتتزحلق ولا هتعمل درفت وهتلف يمين وشمال بسلاسه عشان تتفادى حاجه مثلا بثبات معقول الى حد ما
في ناس عشان يخمسو او يعملو درفت بيفصلو مانع الانزلاق واللمبه مبتنورش غير لما بيتم فصلو ويقدرو بأه يعومو العربيه على سرعات عاليه
واعتقد ده اسمو eps - Electronic power steering
وعلى حسب ما انا فاكر دي حاجه بتكون ليها علاقه بالبور بيبقى راكب على علبة البور زي جهاز بينظم العملية كهربائي بسرعه عاليه جدا دي لما تلف يمين شمال فجأه على سرعة عاليه او حتى سرعة واطية
فالعربيات الخليجي طبعا موجود فيها الكلام ده من سنين طويلة فالكامري او المكسيما والالتيما والحبشتكنات دي وطبعا فالعربيات الفخمه من قبل حتى الياباني بتاع الخليج بسنين

بالاضافه لبعض الاعتبارات في تصميم العربيه ومقاومتها للهواء يعني بسرعه كده حاجات زي السبويلر وبعض التعرجات بتساعد على الثبات في السرعات العاليه مثلا

وطبعا كلام اخونا العزيز MMamdouh لا غبار عليه

المشاركة الأصلية كتبت بواسطة zegzaag

انا بالنسبه ليا الثبات مبني على مميزات العربيه نفسها بمعنى

هو المفروض العربيه الثابته يكون فيها مانع الانزلاق
وده لما تيجي تحود الدركسيون جامد يمين شمال المفروض تعمل drift حسب نوع الدرفت الي انته عملتو لكن النظام ده بيديك تحذير في التابلو لمبه بتنورلك معناها انها بتقولك انسى في نظام مانع الانزلاق يا حلو وعمرها ما هتتزحلق ولا هتعمل درفت وهتلف يمين وشمال بسلاسه عشان تتفادى حاجه مثلا بثبات معقول الى حد ما
في ناس عشان يخمسو او يعملو درفت بيفصلو مانع الانزلاق واللمبه مبتنورش غير لما بيتم فصلو ويقدرو بأه يعومو العربيه على سرعات عاليه
واعتقد ده اسمو eps - Electronic power steering
وعلى حسب ما انا فاكر دي حاجه بتكون ليها علاقه بالبور بيبقى راكب على علبة البور زي جهاز بينظم العملية كهربائي بسرعه عاليه جدا دي لما تلف يمين شمال فجأه على سرعة عاليه او حتى سرعة واطية
فالعربيات الخليجي طبعا موجود فيها الكلام ده من سنين طويلة فالكامري او المكسيما والالتيما والحبشتكنات دي وطبعا فالعربيات الفخمه من قبل حتى الياباني بتاع الخليج بسنين

بالاضافه لبعض الاعتبارات في تصميم العربيه ومقاومتها للهواء يعني بسرعه كده حاجات زي السبويلر وبعض التعرجات بتساعد على الثبات في السرعات العاليه مثلا

وطبعا كلام اخونا العزيز MMamdouh لا غبار عليه

الثبات الإلكتروني حاجه مختلفه عن مانع الإنزلاق و عن الباور الكهربا

الثبات الإلكتروني ( ESP )
مانع الإنزلاق أو الإنغلاق ( ABS )
الباور الكهربائي ..مؤازره آليه كهربائيه ( EPS ) و ده طبعا مختلف عن Electronic Stability Program

كل واحد وله مفهوم للثبات.......
و بالنسبة للكبير ............ المفروض حضرتك اللي تاخد البكاليريوس بتاعي مش أنا..... و هفترض انك أكيد أكيد عاف نفسك... برنسسسسسسسسسسسسسسسس!!!
بس ليا تعليق.... بيبقى فعلاً في قوى مؤثرة على العربية في الطوالي... left و drag و الليفت ممكن تكون هي اللي بتخلي العربية "مش راسية" بمفهوم البعض

والله أعلم
في رعاية الله

المشاركة الأصلية كتبت بواسطة ramyworm

انا بلاقي حاجة غريبة اوي على المنتدى كل واحد بيحكم على ثبات العربية بطريقة غريبة جدا بمعنى ان كل واحد جاب بعربيته 180 والعربية ماتقلبتش تبقى العربية دي ثابتة . انا ليا منطق تاني خالص في الثبات وهو قدرة العربية في المناورات انا حقول على مثال من واقع خبرتي القليلة في العربيات .
انا معايا عربية فيات اونو و في قدامي عربية اسبرانزا 516 بركبها باستمرار حبدأ بوجه نظر اعضاء المنتدى بيقولو العربية الاسبيرانزا ثباتها كويس وفيها جنط 15 بيزود الثبات والعربية وزنها تقيل وناس مجرباها على سرعات عالية لغاية 180 والعربية ثابتة وعربية زي الاونو عربية خفيفة بجنط 13 ستوك بعد ال 120 تلاقي العربية بتتنطط على الطريق والعربية مش ثابتة .
انا في رأيي الشخصي ان العربية الانو اثبت من الاسبرانزا حلاقي واحد بيقولي ازاي حقوله على كام تجربة تثبت ان الاونو اثبت فعلا من الاسبرانزا .
1- انا من اسكندرية واللي من اسكندرية عارف طريق الكورنيش عامل ازاي وعارف ايه نوع الغرز اللي ممكن تتاخد فيه يعني وقت الزحمة ممكن الغرز بتاعتك من الحارة الاولى للحارة الخامسة وترود منها على ملف وتاخد عرزة تانية جوة الملف وهكذا وكل الكلام ده مثلا بيبقى على سرعة 100 وقت الزحمة الجامدة

بالنسبة للاونو ممكن اعمل كدا عادي جدا انما بالاسبرانزا بلاقي الضهر بيحدف والعجل اللي ورا بيسرخ في الارض بحس ان ضهر العربية بيروح وعاوز ياخد باقي العربية معاه وتحس احساس مقلق جدا الصراحة

2- انا ممكن بالاونو وانا داخل شارع ارفع هاند وادخل دريفت عادي جدا حتلاقي الضهر بيحدف معاك واول لما تنزل الهاند تلاقي العربية استجابت عادي تاني وماتحسش ان في مشكلة بالنسبة للاسبيرانزا جربت مرة اعمل كدا على نفس السرعة بتاعت الاونو اللي حصل كالاتي : طبعا الضهر حدف جامد جدا وكان العربية كلها بتتشفط من الضهر نزلت الهاند بسرعة لقيت وش العربية بيتشد هو كمان وانا دايس بنزين جامد عشان العربية تعدل وبعد محاولات العربية اتظبطط ودخلت مظبوط بس عملت زي التعبان وهيا داخلة حدفت في اتجاة ووانا بعدل راحت حادفة الناحية التانية .

المطلوب تفسير اللي بقوله ده عشان انا مفهوم الثبات عندي اتلخبط من ساعة لما دخلت المنتدى هنا مش عارف بقى انا اللي فاهم صح ولا فاهم غلط ؟؟

كل الكلام دة بعملة ب ايد واحدة عندى بدون مجهود او العربية تعرض منى