ولا تقول abs ولا ebd كلة محصل بعضة

**MMamdouh** · 25-10-2011 12:13 PM

المشاركة الأصلية كتبت بواسطة Ahmod

طب ماهو يا باشمهندس ممدوح لو الواحد لا قدر الله حصل قدامه ظرف مفاجأة

فجاءة مثلا لقيت واحد بيقطع الطريق عربية عرضت

اي حاجة حصلت

هتلاقي نفسك بشكل تلقائي وبردة فعل تلقائية رجلك جابت اخر دواسة الفرامل في الارض خاصا لو الموضوع حصل بسرعة وبشكل مفاجأة

كدة يبقى انت اتخضيت (على راى محمد سعد) و دة اللى بيفرق سواق عن سواق... فية واحد بيتخض من اى موقف فجائى وواحد عندة ثبات انفعالى و بيعرف يتصرف

مش المفروض اثناء تصنيع او اختراع ال abs يكونو عاملين حساب الحجات اللى زي كدة ؟

مهو فعلا الABS معمول عشان كدة... هو معمول عشان لما انت تتخض هو ميتخضش... و لما ترزع رجلك على الفرامل العربية متزجفش 18 كيلو قبل ما تقف... و لو حاولت تحود العربية تحود حتى لو كابس دواسة الفرامل للارض

وهل معنى كلام حضرتك عشان استفيد باحسن قوة وقدرة للفرامل بتاعة عربيتي اني ماجبش الدواسة على الاخر ؟

بالضبط... الصح انك تجيب الدواسة لاخر نقطة ميحصلش عندها lock للعجل... بس طبعا الموضوع دة مش سهل لان كل عربية ليها نقطة و كل نوع كاوتش و نوع اسفلت و نوع تيل بيغير مكان النقطة دى بالتالى الموضوع عايز تركيز و حساسية كبيرة من السواق

MMamdouh

**MMamdouh** · 25-10-2011 12:17 PM

المشاركة الأصلية كتبت بواسطة sanhory

عايزين تعرفه فايدة ال abs إيه

إنك تكون بتجري ورا وقدامك كذا عربية وفجأة الطريق يقف وكله يهدي جامد وتلاقي وكله عمل حركة إنه ميجبش الدواسة للآخر

لكن اللذيذ إن في بقعة مية لقتها ظهرت بعد ماال عربية اللي قدامي عدت عليها وهي بتفرمل ولانه مكنشي شايفها من اللي قدامه معملش حسابه يشيل رجله شوية من عالفرامل , العربية زحلقت منه وأنا كنت وراه كل اللي حصل إن كنت دايس فرامل ومتقل شوية ومكنشي ال abs اشتغل أول ماجت بقعة المية تحت العربية اشتغل والعربية وقفت بنفس المعدل اللي كانت بتقف بيه عالاسفلت الناشف ,وكل ده حصل في اقل من ثانيتين ومكتشفتش أصلا إني دست على مية إلا لما ال abs اشتغل و بصيت في المراية لقتها مية

حد يقولي بقى إن ال abs ملوش لازمة إزاي

طالما الABS اشتغل لما عديت فى المية من غير ما تعدل ضغطة رجلك على الفرامل و العربية فضلت تفرمل بنفس القوة يبقى اصلا انت مكنش دايس فرامل جامد على الاسفلت

MMamdouh

**MMamdouh** · 25-10-2011 02:29 PM

انت مش بتقول ان العربية فضلت تفرمل بنفس المعدل قبل المية و بعد المية؟

ازاى دة حصل مع ان معامل الاحتكاك قل لما دخلت فى المية؟؟

التفسير الوحيد هو ان قوة الفرملة قبل الدخول فى المية مكانتش عالية و لما دخلت المية بقت قوة الفرملة عالية لدرجة تفقد الاطارات تماسكها فا الABS اشتغل و فضلت برضة تفرمل بنفس المعدل

MMamdouh

**ashouhdy** · 25-10-2011 03:54 PM

المشاركة الأصلية كتبت بواسطة sanhory

عايزين تعرفه فايدة ال abs إيه

إنك تكون بتجري ورا وقدامك كذا عربية وفجأة الطريق يقف وكله يهدي جامد وتلاقي وكله عمل حركة إنه ميجبش الدواسة للآخر

لكن اللذيذ إن في بقعة مية لقتها ظهرت بعد ماال عربية اللي قدامي عدت عليها وهي بتفرمل ولانه مكنشي شايفها من اللي قدامه معملش حسابه يشيل رجله شوية من عالفرامل , العربية زحلقت منه وأنا كنت وراه كل اللي حصل إن كنت دايس فرامل ومتقل شوية ومكنشي ال abs اشتغل أول ماجت بقعة المية تحت العربية اشتغل والعربية وقفت بنفس المعدل اللي كانت بتقف بيه عالاسفلت الناشف ,وكل ده حصل في اقل من ثانيتين ومكتشفتش أصلا إني دست على مية إلا لما ال abs اشتغل و بصيت في المراية لقتها مية

حد يقولي بقى إن ال abs ملوش لازمة إزاي

نفس اللى كنت بقولة فى مشاركة فاتت ... نفس اللى حصلى بس انا على رملة
وعلى فكرة

الفيديوهات اللى هنا يأما قديمة يأما غلط

لأن ال abs عندى بيشتغل و بيفصل والفيديوهات هنا بتقول انة لو اشتغل حيفضل شغال ويطول مسافة التوقف !

مع ان لما دخلت الرملة اشتغل لحد ماعديتها بعدين وقف وكملت بفرامل عادى ... والعربية اللى كانت جمبى زحفت كتيييير لما دخل على الرملة ولم نفسة على الاسفلت بس وقف (((( بعدى ))))

**golfawyzz** · 26-10-2011 07:11 AM

سيبك انت ... الصينى صينى برضو
اعتقد لو عربيه نضيفه مكنش حصل الكلام ده
يعنى مستحيل يحصل مع مرسيدس او بى إم او عربيه أودى

**MMamdouh** · 26-10-2011 01:00 PM

المشاركة الأصلية كتبت بواسطة zocor742

ومرة تانية بس كان مرسيدس كومبروسر 2007 تقريبا وفى محطة الرمل على الترام فى التقاطع بتاع فندق سيسل اللى بيطلعك من جنب الغرفة التجارية وبتقطع الترام عربية لانوس معدية المفروض بيبص على شمالة ويعدى نص الشارع وبعدين يبص يمينة ويعدى الاخ دة خدها عمياانى انا عامل حسابى انة لازم يقف خصوصا انى جاى ماشى على سرعة 60 او70 تقريبا يعنى استحالة يفكر انى هقف وياريت عدى لا دة بس لقانى اتسمر مكتنة مكنش قدامى خير انى احط رجلى على اخر دواسة الفرامل ساعتها حسيت يعنى اية اى بى اس العربية تمسك فرامل جامد جدا واوا ما تحس انها هتتزحف تغتح وتقفل تانى فرامل وهاكدا لحد ما وقفت قبلية بحوالى مترين او اقل شوية اى عربية تانية كنت متوقع انها مش هتقف فى المسافة دى انا نفسى كنت مزوهل من اعتمادية الفرامل

اللى حصل دة مش نتيجة ان الABS موجود... دة حصل لان الفرامل بتاعت العربية قوية

الABS اشتغل لانك فرملت غلط

MMamdouh

-

-

الموضوع: ولا تقول abs ولا ebd كلة محصل بعضة

LinkBack

أدوات الموضوع

عرض

-

-

-

-

-

-

المواضيع المتشابهه

تقول ايه يا هونداوى ل ؟؟؟

محصل الكهرباء

عندى مشكله مع محصل الكهرباء وعايز اخد رايكم

محصل و كشاف الكهرباء

الكلمات الدلالية لهذا الموضوع

المفضلات

المفضلات

ضوابط المشاركة