الموضوع: ولا تقول abs ولا ebd كلة محصل بعضة

المشاركة الأصلية كتبت بواسطة ashouhdy

قولوا ذى ماتقولوا بس ال abs بيوقف العربية قبل العادى بكتير وجربتها كتيييير

العادى الفرامل تقفش وتتزحلق بسهولة ولو حبيت تفرمل قبل ال peak حتبقى فرامل ضعيفة ولو برضة قابلك شوية رمل تحت العجل وانت مجبتش peak الفرامل برضة حتتزحلق

الabs لأ ... انا ساعات ابقى دايس جامد وقاصد مشغلش ال abs بس احيانا الاقية اشتغل لحظة و وقف تانى .. ابص فى المراية الاقى عديت على منطقة فيها رمل

ال abs اختراع رهيب واللى عايو يوهم نفسة انة مش مهم وان امكانياتة الفرملية والسواقة تغنية عنة هو حر !!

جامد تعبير امكانياته الفرملية دي يا شهدي :D

المشاركة الأصلية كتبت بواسطة MMamdouh

المشكلة ان الناس متخيلة ان الABS صانع المعجزات و لو انت عندك ABS يبقى اكن عندك زرار Pause بتاع الفيديو تقدر توقف عربيتك فى مكانها فى اى وقت و تحت اى ظروف

يا جدعان الABS وسيلة مساعدة للسائق لا اكثر ولا اقل... و كل فايدتة انة بيسمحلك انك تحود و انت كابس فرامل على الاخر... فى النهاية توقف العربية اللى بABS بيخضع لنفس قوانين الفزياء اللى بتحكم العربية اللى مفيهاش ABS و بالتالى لو مسافة التوقف مش كفاية ان العربية تقف... مش هتقف و هتلبس فى العربية اللى قدامها... حتى لو فيها ABS و قاعد جواة الخواجة BOSCH شخصيا

كل اللى يفرق بين وجود الABS من عدمة ان بتاع التيجو كان يقدر يحود عشان ميدخلش فى ضهر بتاع اللانوس و هو كابس فرامل... و معنى انة معملش كدة يبقى اما ظروف الطريق مسمحتش (و هنا يبقى بتاع التيجو غلطان لانة مش سايب مسافة امان كفاية مع الاخذ فى الاعتبر حالة الطريق) و اما انة معندوش فكرة عن السواقة و مش فاهم الABS بيعمل ايه (لو كان عارف انة موجود اصلا) و المفروض انة ميركبش عربية من الاساس

و العكس بالعكس ممكن واحد معندوش ABS فى عربيتة يرفع رجلة من على الفرامل فى اللحظة المناسبة و يحود عشان يفادى بتاع اللانوس... يا اما كان هيلبس فيه لو مفيش حتة فاضية زى ما حصل بالضبط

من الاخر... الABS برىء تماما من الحادثة دى.... الحادثة دى خطاء سواق 100%... و اللى عندة ABS لازم يبقى عارف انة "وسيلة مساعدة" بتمكنة من تغيير اتجاة العربية و هو مفرمل على الاخر لكنة مش صانع معجزات بالتالى لو مش سايب مسافة امان مناسبة هيلبس بدون شك

MMamdouh

استاذ ورئيس قسم يا ممدوح

المشاركة الأصلية كتبت بواسطة ashouhdy

طب والله شئ عظيم انها من بوش

بس انا مختلف مع محمد ممدوح فى نقطة حيوية critical point

لو انت سويق وعارف انك سويق

وجايب اخر فراملك قبل القفشان ع طول ومركز مع الطريق والعربيات اللى قدامك

وعديت على رملة ع الارض على نفس مستوى دوستك اللى مش قافشة

اللى حيحصل ان غصب عنك العربية برضة حتتزحلق وحتفقد السيطرة عليها لحد ماتعدى الحتة الناعمة دى ونسبة ضغطك على الفرامل تتساوى تانى مع الاسفلت


ودة اللى كتير بيحصل

تكون ماشى والشارع وقف فجأة تظبط رجلك على فراملك عشان متقفش وتتزحلق وتفاجئ انك داخل على شوية رملة ناعميين العجل يتزحلق عليهم لحد ماتعديها و وقتها ياما حتفك فرامل وتمسك تانى عشان متتزحلقش= تفقد تركيزك = مسافة اطول للتوقف

عشان كدة قلت فى مشاركة فاتت

انى احيانا بكون كابس فرامل جامد بس مش لدرجة القفشان عشان ميحصلش لوك وال abs يشتغل .. بس احيانا وانا دايس احس بخبط ال abs ثوانى كدة ويختفى اجى ابص فى المراية الاقى نفسى عديت على شوية رملة ناعمة او مياة .... ممكن بدون ال abs فى الحتة دى يحصل لوك والعجل يزحف ويرجع يمسك بس بعد فوات الاوان

ومنها

ال abs فعلا اساسى

واللى يخليهوم ينزلوة برة فى الفيرنا والانوس واللوجان تجهيز اساسى يعرفنا قد اية احنا بلد متخلفة

دي نتيجة تجربة عملية مني
كنت واخد يو تيرن على طريق السويس وطالع من اليوتيرن وقلت اخد سرعة الطريق وكنت على 80 تقريبا وعايز اطلع الطريق بس لقيت المسافة بيني وبين العربية اللي جاية ورايا على يميني متسعفنيش اني اطلع وقدامي الاسفلت انتهى خلاص ففرملت شوية جامد لحد قبل الرملة بالظبط وقمت سايب فرامل وبدأت اطلع على الاسفلت تاني بسرعة
دا كان تصرف تلقائي مني انا مجربتش اني افرمل في رملة بس دا تصرف تلقائي نتيجة ان عربيتي مفيهاش ABS فمن حقي اني اخاف اني استمر في الفرملة وانا معنديش الخبرة الكافية في الفرملة على الرمال !