ولا تقول abs ولا ebd كلة محصل بعضة

**chicobon** · 29-09-2011 12:11 AM

انا شايف انها ممكن تكون عيب سائق و ميكنش ليه علاقة بي الفرامل في ناس مش بتقدر المسفات كويس و حتي لو كان ماشي علي 60 برده كان لازم يهدي قبل المطب

**Lion_Heart** · 29-09-2011 01:18 AM

ربنا يعوض عليهم وربنا يكفينا شر الحوادث
كل انظمة الامان بقت انت و نصيبك
وربنا الحافظ

**Ashraf_Ibrahim** · 29-09-2011 01:40 AM

خلونا الاول نعرف ان ال abs بيزود مسافة التوقف ومش بيقللها بعكس اللي الناس فاهماه
لكن اهميته تتضح في ان العربية متزحفش معاك على رملة او ما شابه
بالتالي لو انت عاوز تقلل من مسافة التوقف في العربيات اللي فيها abs يبقا المفروض انك تفرمل بحيث ان نظام ال abs ميشتغلش
النظام دا بيشتغل لما بتفرمل بصورة مفاجئة وقوية وبالتالي لو انت فرملت بصورة قوية لكن ليس للحد الأقصى للفرامل العربية هتتوقف في مسافة أقل وبالتالي نظام ال abs مش هيشتغل
العكس طبعا في العربيات الغير مزوده ب abs لو فرمل مفاجيء وبقوة هيحصل انغلاق تام للفرامل وبالتالي العربية هتزحف وهيبقا التحكم بيها في حاجة زي الرمل او ما شابه شيء صعب وكمان مسافة التوقف هتبقا اكبر !
لكن لو فرملت بصورة قوية ولكن لليس للحد الأقصى بحيث ان ميحصلش انغلاق تام يبقا هتتوقف في مسافة أقل وكمان لو حبيت تغير اتجاه العربية هتقدر بكل سهولة

المشاركة الأصلية كتبت بواسطة mok3336

أنا متهقيلي أن بيختلف من عربية لتانية يعني لو بي أم أو مرسيدس كان الموضوع هيختلف

مش شرط يا صديقي!
لسة امبارح حصلت حادثة قدامي العربية الصيني اللي من غير abs قدرت تقف والبي ام دابليو اللي فيها كل حاجة مقدرتش تقف ولبست فيه !

**yasserelsayad** · 29-09-2011 01:53 AM

ممكن يكون العيب فى الكاوتش باردوا .. نوع مش تمام وتماسك تعبان

**newcar2011** · 29-09-2011 02:18 AM

الحاجات دى فى الصينى كماليات مش بتشتغل -اصلا دى مسميات بس عربيه صينى ايه بس الى راكبها بيقنع نفسه انه راكب عربيه افتراضيه حاسب الاكرة تطلع فى ايدك -حاسب الباب وانته نازل يجى معاك على البيت- حاسب عصايه الفتيس اتخلعت - يا خبر الشمس طلعت والتابلوة ساح -ياة انا قرصت على العربيه الاسطوانه اتكسرت وهكذا وهكذا

**sv065** · 29-09-2011 02:50 AM

المشاركة الأصلية كتبت بواسطة saif3s

مع تحفظى على جوده نظام abs وال ebd فى التيجو لكن
من اول ال abs الى esp . ده نظام الكتروني لتثبيت السياره غير قادر على تجاوز الحدود التي تفرضها قوانين الفيزياء. إذا كان السائق بيضغط و يدفع كلا من جسم السيارة والنظام الالكترونى متجاوزا الحد الأقصى لتحمل كل منهم ، ولا حتى ال esp ستكون قادرة على منع وقوع حادث لا قدر الله.

اتفق مع حضرتك تماما

**newcar2011** · 29-09-2011 03:09 AM

هوة مش عيب سواق انا كتير شوفت عربيات بتقف الكوتش يقف وتفضل العربيه تزحف لحد اما تطلع على الرصيف تخبط فى الى قدامها اكيد عيب كاوتش مرة كنت راكب نوبيرا وملف باخدة عادى جدا بقف بسرعه واخطفه جيت اقف بالنوبيرا بتاعت صحبى زى ما بعمل بعربيتى اتفرج على المسخرة ريحه شياط ودخنه كاوتش والعربيه بتزحف-يا ساتر استر يارب-بس الحمد لله ربنا سلم الموضوع كاوتش رخيص وردىء

**SAMEH_FOUAD** · 29-09-2011 03:19 AM

المشاركة الأصلية كتبت بواسطة sheno0o

ملحوظه واعتقد اني علي صواب وياريتك تقولنا الاخ بتاع التيجو سرعته كانت ايه

لان الي انت مش واخد بالك منه انه ممكن جدا يكون سرعته كانت عاليه وهو متخيل بقا انه معاه عربيه جيب ولا حاجه وطاير

وعلي فكرة ممكن برده يكون هو فرمل بس مش بالدرجه الجامده علي الفرامل الي تخلي ال abs يشتغل

موضوع ال abs اكيد يفرق ف خاماته من عربيه للتانيه بس الهدف والوظيفه واحده واعتقد يأديها عادي

في خلل ف الموضوع مش قادر افهمه بس ال abs بيفرق ومهم جدا وانا عن تجربه حقيقيه عارف قيمته

انا قلت المسافة كانت بعيدة الى حد ما والسرعة كانت لا تتعدى ال60 كم لان اصلا الشارع مكسر من الاول مش هينفع اى عربية تجرى فيه

ماشى وطبعا مهم بس انا كل اللى بقولة ازاى دية فيها abs وتعمل كدة مش بردة فيها abs

-

-

الموضوع: ولا تقول abs ولا ebd كلة محصل بعضة

LinkBack

أدوات الموضوع

عرض

-

-

-

-

المواضيع المتشابهه

تقول ايه يا هونداوى ل ؟؟؟

محصل الكهرباء

عندى مشكله مع محصل الكهرباء وعايز اخد رايكم

محصل و كشاف الكهرباء

الكلمات الدلالية لهذا الموضوع

المفضلات

المفضلات

ضوابط المشاركة