ولا تقول abs ولا ebd كلة محصل بعضة

**abo_hosni** · 30-09-2011 05:12 PM

لو انت مركز و تعرف تتحكم في رد فعلك عند المفاجآت نقدر نقول:

الـ abs في الراس.... مش في الحساس

:)

**mohamedbook** · 30-09-2011 05:18 PM

في اليباني بيفرق كتير جدا
هو عندي وانا جربته في الاراضي الرملية والمطر وهو ماشاء الله مؤثر جدا

**Donzi** · 30-09-2011 05:21 PM

المشاركة الأصلية كتبت بواسطة horsepower

رأيي ان ال abs وال ebd مهمين جداً واللي حصل ده مشكلة فردية ،،، لو تفتكر يا باشا انا كنت شاركتكم من حوالي سنة ونصف حادثة صديق لي معاة كورولا والعربية داست في بقعة زيت ولما فرمل لفت منه وطلعت بظهرها على الرصيف وأحد الإطارات الخلفة انفجر ولما راح التوكيل علشان يفهم ازاي ده حصل كانت الاجابة ان ال abs ماشتغلش وده وارد في جميع العربيات وجابوها من ناحية اسلوب الضغط على الفرامل هو اللي خللى الecu للعربية مايشغلش ال abs.
الخلاصة ان ال abs وال ebd وال esp وال vsa وال eba كلها أنظمة لا تعمل اللا في ظروف خاصة جداً وفي رأيي انه وارد ان يتم خداع (دون قصد) ال ecu للسيارة ويتكون النتيجة عدم تفعيل نظام معين وقت احتياجه.

و اما هوا ممكن مايشتغلش يبقى ايه لازمته اصلا ؟؟

**AutoTycoon** · 11-10-2011 01:20 AM

المشاركة الأصلية كتبت بواسطة solom_eslam_2008

انا شغال في توكيل اسبرانزا في المنصورة العربيات الاسبرانز مفيش فيها غير abs بس وفاشل في العربيه دي وفي عيب خطير جدااااااااااااا
ان لو في حساس من الي موجود علي العجل عطلان او فيه اي مشكله تخلي لمبه abs تنور لو انتا دوست فرامل جامده ولا حاجه يبقي كل سنه وانتا طيب العربيه هتلف منك
العربيه التيجو دي ازبل عربيه في كل حاجه حتي في شغلها
انا بالنسبه ليا مفيش فيها الا ميزة واحده اني هيا عاليه اكتر من كده مفيش

تفاصيل اكتر لو سمحت

**tutankhamoun** · 11-10-2011 07:56 AM

المشاركة الأصلية كتبت بواسطة ashraf_ibrahim

خلونا الاول نعرف ان ال abs بيزود مسافة التوقف ومش بيقللها بعكس اللي الناس فاهماه
لكن اهميته تتضح في ان العربية متزحفش معاك على رملة او ما شابه
بالتالي لو انت عاوز تقلل من مسافة التوقف في العربيات اللي فيها abs يبقا المفروض انك تفرمل بحيث ان نظام ال abs ميشتغلش
النظام دا بيشتغل لما بتفرمل بصورة مفاجئة وقوية وبالتالي لو انت فرملت بصورة قوية لكن ليس للحد الأقصى للفرامل العربية هتتوقف في مسافة أقل وبالتالي نظام ال abs مش هيشتغل
العكس طبعا في العربيات الغير مزوده ب abs لو فرمل مفاجيء وبقوة هيحصل انغلاق تام للفرامل وبالتالي العربية هتزحف وهيبقا التحكم بيها في حاجة زي الرمل او ما شابه شيء صعب وكمان مسافة التوقف هتبقا اكبر !
لكن لو فرملت بصورة قوية ولكن لليس للحد الأقصى بحيث ان ميحصلش انغلاق تام يبقا هتتوقف في مسافة أقل وكمان لو حبيت تغير اتجاه العربية هتقدر بكل سهولة

:b4_388: كلام صحيح 100 % :b4_388:

عايز أضيف حاجة تانية

يا جماعة مش معنى أن العربية مصنوعة بواسطة شركة شيري يبقى شيري صانعة أنظمة السيارة الآخرى

اللي الناس مش عارفاه
أن شركات صناعة السيارات بتصنع فقط الموتور و الشاسيه
بقية المكونات لها مُصنعين آخرين

يعني أنظمة فرامل فيات صناعة شركة بوش على سبيل المثال
و شركات كتيرة في العالم بتستعين بأنظمة فرامل بوش خصوصا الأوروبي و معاهم الشركات اللي خارج اليابان علشان اليابان تقريبا بيستعينوا بشركات يابانية لتصينع بقية مكوناتهم .

و أنا على ما أعتقد أن نظام فرامل التيجو هو بوش و الله أعلم

**tutankhamoun** · 11-10-2011 07:59 AM

المشاركة الأصلية كتبت بواسطة donzi

و اما هوا ممكن مايشتغلش يبقى ايه لازمته اصلا ؟؟

أي نظام الكتروني في العالم كله مش مضمون عمله 100 %
يبقى في النهاية وجوده اهم من عدم وجوده لأنه ممكن يشتغل

**AutoTycoon** · 11-10-2011 01:59 PM

انا فاكر اني شوفت كلمة bosch تحت كبوت speranza a113 قبل كدا فعلاً

**ashouhdy** · 11-10-2011 02:48 PM

قولوا ذى ماتقولوا بس ال abs بيوقف العربية قبل العادى بكتير وجربتها كتيييير

العادى الفرامل تقفش وتتزحلق بسهولة ولو حبيت تفرمل قبل ال peak حتبقى فرامل ضعيفة ولو برضة قابلك شوية رمل تحت العجل وانت مجبتش peak الفرامل برضة حتتزحلق

الabs لأ ... انا ساعات ابقى دايس جامد وقاصد مشغلش ال abs بس احيانا الاقية اشتغل لحظة و وقف تانى .. ابص فى المراية الاقى عديت على منطقة فيها رمل

ال abs اختراع رهيب واللى عايو يوهم نفسة انة مش مهم وان امكانياتة الفرملية والسواقة تغنية عنة هو حر !!

**MMamdouh** · 11-10-2011 03:00 PM

المشكلة ان الناس متخيلة ان الABS صانع المعجزات و لو انت عندك ABS يبقى اكن عندك زرار Pause بتاع الفيديو تقدر توقف عربيتك فى مكانها فى اى وقت و تحت اى ظروف

يا جدعان الABS وسيلة مساعدة للسائق لا اكثر ولا اقل... و كل فايدتة انة بيسمحلك انك تحود و انت كابس فرامل على الاخر... فى النهاية توقف العربية اللى بABS بيخضع لنفس قوانين الفزياء اللى بتحكم العربية اللى مفيهاش ABS و بالتالى لو مسافة التوقف مش كفاية ان العربية تقف... مش هتقف و هتلبس فى العربية اللى قدامها... حتى لو فيها ABS و قاعد جواة الخواجة BOSCH شخصيا

كل اللى يفرق بين وجود الABS من عدمة ان بتاع التيجو كان يقدر يحود عشان ميدخلش فى ضهر بتاع اللانوس و هو كابس فرامل... و معنى انة معملش كدة يبقى اما ظروف الطريق مسمحتش (و هنا يبقى بتاع التيجو غلطان لانة مش سايب مسافة امان كفاية مع الاخذ فى الاعتبر حالة الطريق) و اما انة معندوش فكرة عن السواقة و مش فاهم الABS بيعمل ايه (لو كان عارف انة موجود اصلا) و المفروض انة ميركبش عربية من الاساس

و العكس بالعكس ممكن واحد معندوش ABS فى عربيتة يرفع رجلة من على الفرامل فى اللحظة المناسبة و يحود عشان يفادى بتاع اللانوس... يا اما كان هيلبس فيه لو مفيش حتة فاضية زى ما حصل بالضبط

من الاخر... الABS برىء تماما من الحادثة دى.... الحادثة دى خطاء سواق 100%... و اللى عندة ABS لازم يبقى عارف انة "وسيلة مساعدة" بتمكنة من تغيير اتجاة العربية و هو مفرمل على الاخر لكنة مش صانع معجزات بالتالى لو مش سايب مسافة امان مناسبة هيلبس بدون شك

MMamdouh

-

الموضوع: ولا تقول abs ولا ebd كلة محصل بعضة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تقول ايه يا هونداوى ل ؟؟؟

محصل الكهرباء

عندى مشكله مع محصل الكهرباء وعايز اخد رايكم

محصل و كشاف الكهرباء

الكلمات الدلالية لهذا الموضوع

المفضلات

المفضلات

ضوابط المشاركة