الموضوع: فتيس dsg حقائق ومعلومات !

ممكن تسقط موتور fsi 2000سى سى 4سلندر بس لازم يتحل من نص استيراد بالضفيره بالكنترولات كامله او فى موتور2.5 mpi خمسه سلندر والموتورين دول فتايسهم مش dsg بتبقى اتوماتك عادى وفى منها تربو كمان

انا معايا ابيزا 2010 فتيسها dsgزى الجولف بالظبط
لسه شاريها من واحد وروحت اعمل صيانة ال 70 الف
كله تمام ماعدا ان المهندس بيقولى لما عمل system updateلقى فى fault او error يعنى على الفتيس
وقالى لازم تسيب العربيه اسبوع او 10 ايام عشان نعرف نشوف حل..بنتابع مع اسبانيا المصنع و نشوف هنعمل ايه
انا خايف يطلعونى بره الضمان ويطلع الموضوع كبير
ممكن نصيحه

المشاركة الأصلية كتبت بواسطة modylife2

انا معايا ابيزا 2010 فتيسها dsgزى الجولف بالظبط
لسه شاريها من واحد وروحت اعمل صيانة ال 70 الف
كله تمام ماعدا ان المهندس بيقولى لما عمل system updateلقى فى fault او error يعنى على الفتيس
وقالى لازم تسيب العربيه اسبوع او 10 ايام عشان نعرف نشوف حل..بنتابع مع اسبانيا المصنع و نشوف هنعمل ايه
انا خايف يطلعونى بره الضمان ويطلع الموضوع كبير
ممكن نصيحه

نفس المشكلة بس حصلت معايا عند 30000 كم المشكلة انة بعد معملولها فى التوكيل software update كانت مشية معايا تمام لمدة 3 ايام بعد كدة كل مدور العربية تشتغل عادى بس فى صوت صفارة صغيرة و error بس بالالمانى و كل لما اجيب العربية على D او S او R متتحركش ودتها التوكيل قالى لازم تسيب العربيه 10 ايام عشان هيعملو فحص وبعد كدة هيبعتوة اسبانيا ولسة مستانى لما ال 10 ايام يخلصو

سلام عليكم
طيب سؤال مهم انا نعايا جيتا 2011 ال هي دي س ج 7 سرعات اعمل ايه ياعني عشان احافظ علي الفتس و سمعت انك تسوق علي مانيوال او سبورت احسن من ال دي
والنبي حد يفدنا الله يرضي عنكم احسن انا مش حمل فلوس وتغيير

المشاركة الأصلية كتبت بواسطة elhaggar87

سلام عليكم
طيب سؤال مهم انا نعايا جيتا 2011 ال هي دي س ج 7 سرعات اعمل ايه ياعني عشان احافظ علي الفتس و سمعت انك تسوق علي مانيوال او سبورت احسن من ال دي
والنبي حد يفدنا الله يرضي عنكم احسن انا مش حمل فلوس وتغيير

ربنا يباركلك فيها
اسمحلى اسألك انت اول مالك للعربيه؟ وعامل كام الف كيلو؟

المشاركة الأصلية كتبت بواسطة drmabdelkader

ربنا يباركلك فيها
اسمحلى اسألك انت اول مالك للعربيه؟ وعامل كام الف كيلو؟

لا والله انا اشترتها مستعمله و اشتريتها كانت 60300 كم روحت عملت صيانة ال 60000 كم في التوكيل وهي دلوقتي حوالي 65000 كم وهي زي ماقلت لحضرتك جيتا 2011 هاي لاين والصراحة الحمد لله العربية ممتازة جدا جدا معايا ومافيهااش اي مشاكل بس من كتر ال قريتة بعد كدة عن الفتيس والحوارات دي كلها مابقتش فاهم حاجة وللعلم صح انا ال اشترتها منه قالي انه منزل الفتيس علي 30000 كم غير وحده اسمها ميتا ترونيك علي مااظن .

وعلش بقي حاجة كمان العربية دي فيها حاجة غريبة بتنقل بسرعه اوي ياعني ممكن علي 80 تبقي غيار 7
دا عيب عندي انا والا ايه
ولو عندك اي نصيحة ليا تبقي مشكور جدا لان انا جديد في حوار الفتيس ده

طيب مبدأيا احب اطمنك الى حد ما
قصة الميكاترونيك دى حصلت بسبب نوع الزيت اللى حوالين الوحده "كان تخليقى" كان بيعمل زى "قفله" ويحرق الوحده
والشركه الأم لما عملت استدعاء لموديلات كتير فيها dsg غيروا الزيت من تخليقى لزيت معدنى
وطلبت من الوكيل فى مصر انه يعمل نفس الكلام
وتقريباً كل اللى عندهم dsg قبل 2012 لما بيروح الصيانه بيغيرولوا زيت الفتيس من غير مايشكى حتى
فكده المشكله الاكبر بإذن الله تكون انتهت

اللى فاضل دا الاستهلاك العادى بتاع النوع ده من الجيربوكس
لإنه بينقل بسرعه جدا "زى مانت لاحظت" ودا طبيعى على فكره
فا لما تبقى فى زحمه شديده والطريق واقف وبتتحرك حركه بسيطه كل شويه الفتيس بينقل بسرعه من 1 ل 2 ل3 وتيجى تقف تانى وبعدين تتحرك تانى فايكرر نفس العمليه وهكذا

ودا بيخلى طقم الكلاتشات يتبرى بسرعه وبعد فتره تبدأ تسمع صوت مع النقلات وهزه
ودا اللى بيخلى ناس بتغير طقم الكلاتشات بتاعة الفتيس كل 30000 او كل 90000 حسب نوعية السواقه والاستهلاك

فا انسب طريقه تحاول تحافظ فيها على الكلاتشات انك لما تبقى فى موقف زحمه زى ده
تنقل الفتيس على المانيوال مود وتطول على الغيار يعنى تنقل مثلا على 4000 ار بى ام لغاية ماتطلع من الزحمه وترجعه لل d تانى
او تنقله على السبورت مود ودا لوحده هيخلى العربيه تتأخر فى نقل الغيار "برضو لما تكون فى زحمه شديده"
وماتنساش لما تقف فى اشاره تحط الفتيس عال n
وبكده تطول من عمر كلاتشات الفتيس

اتمنى اكون ساعدتك