فتيس dsg حقائق ومعلومات !

**DrMAbdelkader** · 05-10-2014 01:30 AM

الزيت اللى فيه دا عند وحده الميكاترونيكس ودا مابيتغيرش
اتغير بس عشان كان سبب المشكله
واسطوانات الدبرياش الاتنين "الكلاتشات" نوعهم Dry Clutch يعنى برضو مش حواليه زيت

**lovemessenger** · 06-10-2014 12:59 AM

انا بشتري فانتازيا 2011 وعايز اعرف هل الموديل دا فيه مشكله فى الفتيس

زي الجيتا و الباسات لان شوفت حد كاتب كلهم نفس الفتيس و الموتور

انا العربيه اللى قدامي 2011 خليجي و على ما اعتقد فتيس 6 نقلات

**mohamed ebeid** · 15-11-2014 10:39 PM

المشاركة الأصلية كتبت بواسطة hany63

استاذ فرحات
اشكرك على مجهودك الرائع و انا فعلا موافق على كلامك من الناحيه النظريه بالكامل وان كنت فعلا كنت معجب ب dsg كاختراع جديد وكنت فاهم نظرية عمله كويس ولكن بالتجربه العمليه وجدت اداء اكثر من رائع على الطرق الغير مزدحمه واداء سىء جدا على الطرق المزدحمه و على فكره انا غيرت 2 فتيس خلال 27000 كم يعنى وصلت لاحدث حاجه ونفس المشاكل يعنى الفتيس كان يبوظ على 15000 كم فحكاية 100000 كم مستحيله لان اقصى حاجه شوفتها فى عربيات اصحابي 35000 كم ودى الفلته و المعتاد 25000 كم والارقام دي للامانه و ارجو اكون وضحت وجهه نظرى و سعيد بمعرفة حضرتك

أستاذ هاني : بالنسبة لموضوع تغيير الفتييس مرتين خلال 27000 هل كانت العربيه داخل الضمان (المفترض الضمان حتي 100000 كم) غير ذلك هل تم التغيير داخل التوكيل و كيف كان التعامل معك؟

**2alb** · 27-11-2014 05:09 PM

يعنى نفهم من كدة ان المشكلة لسا موجودة فى االفتيس مع ان العربية طالعة من عينى

**hany63** · 28-11-2014 03:16 PM

المشاركة الأصلية كتبت بواسطة mohamed ebeid

أستاذ هاني : بالنسبة لموضوع تغيير الفتييس مرتين خلال 27000 هل كانت العربيه داخل الضمان (المفترض الضمان حتي 100000 كم) غير ذلك هل تم التغيير داخل التوكيل و كيف كان التعامل معك؟

الفتيس اتغير مرتين في الضمان و التعامل كان معقول و بعدين اتقلب في الاخر نظام احنا كده عملنا اللي علينا قمت بايع العربيه

**tema** · 05-12-2014 06:06 PM

ممكن معلومه عن عيوب جولف ٥موديل٢٠٠٦

**tema** · 05-12-2014 06:08 PM

شكرا ليك
ارجو الرد عن عيوب جولف٥

**mario_9111** · 06-01-2015 12:46 AM

شكرا لكل الموجدين بالموضوع بجد انا استفدت كتير جدا انا قرات الموضوع 25 صفحه من 2011 وحتي الان 2015 شكرا جزيلا لكم
بس سؤال لو سمحتوا وارجو الرد
كنت عايز اشتري باسات لانها عجباني من زمان اشتري 2006_2007_2008 وابعد عن dsg ,,,,,,,, ولا اخليني في الكورولا بالفتيس 4نقلات الاوتو روعه طبعا
ارجوا الافاده

**noor eldin** · 11-02-2015 09:27 PM

استاذ فرحات انا ليا استفسار بسيط جدا..
اولا شكرا على الموضوع دا لانه مهم جدا و مفيد ..
انا مشكلتي تتلخص في ان انا معايا سيات ليون tsi فتيس dsg طبعا و الموتور فولكس 1.2 زي ما انت عارف.. بس ف يوم راجع من القاهره مسافه متزيدش عن 100 كيلومتر لا قيت رعشه في العربيه غريبه و انا على الطريق دا عند رجلي دواسه البنزين.. و العربيه اترجت رجه جمده اول مجبت ال D لما وقفت في الكارته روحت و ركنت و بعد نص ساعه ادور تاني اجيب ال D العربيه مبتمشيش و قاللي error:gearbox انا عربيتي سيات ليون 2015 مشيت 1500 كيلو بس!!!!!!!!!
تقدر تساعدني في المشكله دي؟ انا سبت العربيه يوم في الجراج و الحمد لله رجعت طبيعيه تاني بس قلقان لا تحصل تاني

شكراا :(

**ahmed azowz** · 16-02-2015 04:21 AM

المشاركة الأصلية كتبت بواسطة farahat

للأسف هو كدة فعلاً بادي فالف ، مع إن إلي بايظ هو فالف واحد من ال-8 لكن ماعرفش حد عرف يصلح في بادي فالف بتاع الفولكس دة

يابشمهندس فرحات انا عندي باسات ٢٠١١ وماشية ١٨ الف كيلو فقط لسة شاريها واول مااشتريتها لقيت رعشة اول مااجيب الفتيس علي ال r عشان ارجع ورا بس
لكن طول منا ماشي مفيش اي حاجة هو في اول المارشدير بس
ممكن اعرف السبب حد يفيدني قبل مااروح التوكيل
مع العلم ان محدش قرب من الفتيس بتاعها خااالص واللي اشتريتها منه شبه مكانش بيستعملها خالص ومركونة
شكرا لحضراتكم