بص يااستاذ عبدالحى
انا مانكرشى انى خايف من موضوع الضمان
بس انا حسبتها لاقيت ان فيه ناس كتير مش بتتعامل مع التوكيل ومش معبره الضمان ومنهم واحد صاحبى فى البلد قابلته صدفه بعد سنين طويله وكانت سبب المقابله انى لاقيته بيركب ستاير لعربيه لوجان اخت اللى معايا وروحت اشوف نظامها ايه وقالى ان العربيه معاه بقالها سنه وعامل 55 الف كيلو مارحشى التوكيل ولامره ولاحتى يعرف مكانه
انا عندى الكهرباء خرجت من الضمان علشان ركبت انذار
المساعدين بيخرجوا بعد 3 شهور
البطاريه بعد 20 الف كيلو
مش عارف ايه بعد كام شهر وكام كيلو
يعنى بتلاقى 80% من العربيه خرجت من الضمان وباقى الماتور والفتيس
العربيه معايا بقالها 11 شهر وعامله 19 الف كيلو
يعنى الحمد لله اعتقد لو فيها عيوب كانت ظهرت
وبعدبن مش معقوله كل 4 شهور اعمل جمعيه علشان الصيانه
صيانة العشرين الف تتكلف 850 جنيه غير مصاريف البنزين ومصروفى اليوم ده يعنى اقل حاجه الف جنيه
وبعدين ادعيلى ان ربنا يسترها معايا
انا ماشى فى الخير مش بعمل حاجه وحشه
انا سعيد جدا انى بلاقيك متواجد معانا باستمرار فى القسم
المفضلات