تجربة تويوتا كورولا 2008 جنوب أفريقى

**أبو عبدالله** · 22-05-2008 12:46 PM

المشاركة الأصلية كتبت بواسطة sa3dawy

امال حضرتك عايزها تقف ولا اية؟؟؟
ولا تعطل؟؟؟
دى حضرتك عربية تمنها 140-160 الف
يعنى فى منافسين كتيرر اوى
اولهم mazda3 -honda civic- mitsubishi lancer- jetta base line الخ.......
ودول كلهم ماحدش جاب العربية فيهم بعد شهرين عايز يروح لحماية المستهلك!!(الا استثناءات طبعاا)
المفروض يا جماعة نفوق ونبعد عن سنغافورا وجنوب افريقيا مش علشان toyota وخلاص

===========
يرجى تصغير حجم التوقيع لمخالفته الحجم
وشكرا

الادارة 3

يا اخي هو حد قالك حاجه
انا بقول بلاش نكبر الكلام ونقول اعطال كثيرة
دي كلمه كبيره مش كده ولا ايه

العربيه عطلها معروف والناس قالته ومفيش غيره
ومش كل مالكي العربيه اقروه في ناس ماشيه معاهم كويس
القصد ليس الدفاع ولكن انا قصدي ان الملام اللي بيتقال يحسسك ان العربيه مش بتمشي اصلا وبتعطل وتقف
هو ده مقصدني
ايه اللي مزعل حضرتك كده بقه
ودخل تويوتا وعلشان تويوتا والكلام ده
محدش جاب سيرته خالص

**Nile_Storm** · 22-05-2008 01:22 PM

صلوا علي النبي
يمكن بس التوكيل لسه متعودش علي تكنولوجيا العربيه و بالتالي مش عارف يصلحها
اصبروا شويه
و ان كان هذا لايعفي التوكيل من الخطأ
استعجل في نزولها ليه مادام مش قادر علي صيانتها بالشكل المطلوب
ومش اي حاجه ده الفتيس
و جربوا تبعتوا شكوي لتويوتا اليابان

**sa3dawy** · 22-05-2008 01:32 PM

المشاركة الأصلية كتبت بواسطة أبو عبدالله

يا اخي هو حد قالك حاجه
انا بقول بلاش نكبر الكلام ونقول اعطال كثيرة
دي كلمه كبيره مش كده ولا ايه

العربيه عطلها معروف والناس قالته ومفيش غيره
ومش كل مالكي العربيه اقروه في ناس ماشيه معاهم كويس
القصد ليس الدفاع ولكن انا قصدي ان الملام اللي بيتقال يحسسك ان العربيه مش بتمشي اصلا وبتعطل وتقف
هو ده مقصدني
ايه اللي مزعل حضرتك كده بقه
ودخل تويوتا وعلشان تويوتا والكلام ده
محدش جاب سيرته خالص

ياباشاا انا عمرى مازعل من حاجة هبلة زى دى

انا بس بوضح وحهة نظرى
لكن مفيش زعل ولا حاجة

**hesham2004** · 22-05-2008 01:52 PM

كل ماركات العربيات فيها موديل او اكثر ما حازش قبول المستهلك او اشتكى من عيب فيه ، و الكورولا من ساعة ما انتجتها تويوتا حازت على قبول اغلب المستهلكين ( رغم ان فيه موديلات من الكورولا رفضها اغلب المستهلكين ) و موديل 2008 ظهرت فيه بعض المشاكل و اعتقد انها حتتحل ان شاء الله ، لأن مش معقول شركة تويوتا حتخسر السوق فى مصر عشان مشكلة صغيرة ، لأن المشكلة مش فى الجيربوكس نفسه ، المشكلة فى برمجة الوحدة الألكترونية ( او الكهربائية ) الى بتتحكم فى تغيير النقلات و وقتها ، فالمطلوب من مالكى الموديل ده ، التحلى بالصبر ورفع الشكوى الى تويوتا ايجيبت فقط ، و هما ان شاء الله حيوصلوا للحل . و المطلوب من الى ناوى يشتريها ان يستنى شوية لغاية المشكلة ما تتحل و جايز يكون ده من الصالح و ينزل سعرها المغالى فيه شويه و بالتالى يهبط سعر العربيات التانية شوية .
و برده نحاول نشوف ايه المشاكل التانية بتاعت العربية عشان يمكن حلها بالمرة ان شاء الله السنه دى قبل ما ينزل موديل 2009

**ahmedfd** · 22-05-2008 02:19 PM

بصوا يا جماعة أنا ركبت العربية دي مع صديق ليا و هو على فكرة في المنتدي و من الناس اللي عندهم شكوى الفتيس... العربية ماشاء الله جميلة في كل حاجة من تقفيل لموتور قوي لكماليات كثيرة بس مشكلتها موضوع التعليق في النقل على الـ E.
موضوع النتشة ده ممكن يكون و الله أعلم عدم تعود على الفتيس الستيبترونيك لكن الأكيد موضوع التعليق و العربية مترضاش تنقل و هي على الـ E خصوصاً بعد المطبات الصناعية.

**محمد ابراهيم 1** · 23-05-2008 12:02 PM

العربيه الشكوى منها متركزه فى الفتيس الأوتوماتيك وفى إرتفاع سعر قطع الغيار بشكل فظيع

**Ramy.Gamal** · 25-05-2008 02:14 AM

المشكله ان العيب دة ضيع زهوه السيارة وهى لسه جديدة

**Sharky** · 25-05-2008 11:13 AM

يا جماعة دا موضوع الفتيس و سحب الكرولا ظهرت و العربيات لسه ماكلمتش 5000 كم !!!

يا ترى فيه مفاجأت تانية حتظهر فى الكرولا بعد الإستعمال و مرور سنة على العربية أو تتخطى 30000 كم مثلا

**محمد عز** · 25-05-2008 11:17 AM

جماعة دا موضوع الفتيس و سحب الكرولا ظهرت و العربيات لسه ماكلمتش 5000 كم !!!

يا ترى فيه مفاجأت تانية حتظهر فى الكرولا بعد الإستعمال و مرور سنة على العربية أو تتخطى 30000 كم مثلا

ممكن اقول حاجة بس متزعلش منى
مش عارف ليه حاسس انك فرحانى اوي ان التويوتا كورلا طلع فيه عيب
ممكن يكون الاحساس اللى وصلى غلط
بس انا من النوع اللى بيحب يقول اللى فى قلبه

**Sharky** · 25-05-2008 11:57 AM

المشاركة الأصلية كتبت بواسطة casber

ممكن اقول حاجة بس متزعلش منى
مش عارف ليه حاسس انك فرحانى اوي ان التويوتا كورلا طلع فيه عيب
ممكن يكون الاحساس اللى وصلى غلط
بس انا من النوع اللى بيحب يقول اللى فى قلبه

طب و حفرح ليه يعنى و إشمعنى أنا ما كل الأعضاء و خاصة ملاكها إتكلموا على عيوب الكرولا الجديدة و قالوا كلام أكتر من إللى أنا قلته !!!!!

الموضوع: تجربة تويوتا كورولا 2008 جنوب أفريقى

LinkBack

أدوات الموضوع

عرض

-

-

-

المواضيع المتشابهه

تويوتا كورولا جنوب افريقي و أختبار شاق جدا

تحويل كورولا جنوب أفريقى من مانيوال لأتوماتيك

دينامو كورولا 2008 جنوب افريقى

.::حصريا::.لنايل موتورز (تجربة قيادة تويوتا كورولا - ج.أفريقى-)2008 Toyota Corolla

تقييم كورولا 2008 جنوب افريقى

الكلمات الدلالية لهذا الموضوع

المفضلات

المفضلات

ضوابط المشاركة