العربيات اليابانية أطول عمرا عن الأوروبي ليه ؟

**Elawany13** · 12-11-2011 01:08 AM

ههههههههههههههههههه

**Ahmod** · 12-11-2011 01:41 AM

ماهو ممكن يا باشا ال 150 الف كيلو اللى حضرتك عملتهم بعربيتك اهتميت فيهم بعربيتك وكنت محافظ عليها وعلى صيانتها وتغيير الزيوت والفلاتر وتركيب قطع الغيار الاصلية

بعكس ال 80 الف كيلو اللى هو عملهم بعربيته كان مهمل العربية ومهمل قطع غيارها وصيانتها الدورية بالتالي حالة عربيتك افضل

فده مش مقياس للمقارنة بين الاوروبي والياباني بشكل عام

**MaZaGAngeE** · 12-11-2011 02:01 AM

المشاركة الأصلية كتبت بواسطة syd

ا
ثالثا لو خرجنا بيجو وبي ام ومرسيدس وفولكس من المقارنة امال يتبقي ايه في الأوروبي ؟؟؟؟

،

مش كل بيجو نطلعها ... 504 بس , و بيتلز بس من فولكس ....

المشاركة الأصلية كتبت بواسطة syd

دي صورة مؤسس ميتسوبيشي
منقولة من ويكيبيديا

انا طبعا مش بتريأ علي شكل الراجل
بس بتكلم علي الثقافة ومستوي المجتمع وبناء عليه المستهلك

وشوف صورة اي حد اوروبي مش هقولك مؤسس مرسيدس او بي ام او بورش

انا متصور شكله
راجل لابس برنيطة وبالطو وشووز 5 خرم ومربي شنبه ولابس نظارة مدورة

شوف الأفلام التصويرية بتاعة اوروبا في فترة اواخر القرن الثامن عشر وبدايات القرن التاسع عشر

اعتقد بردو المقارنة في صالح اوروبا وليست اسيا

والله المستعان
،
،

يعني شكل الراجل هوه اللي هيفرق ؟
و بعدين لو شفت افلام يابانية قديمة او قريت في التاريخ بتاعهم هتلاقي انهم ده شكلهم الطبيعي ... زي ما الاوروبيين شكلهم بالبرنيطة ده الطبيعي ...
مش لبسك و لا شكلك هوه اللي يفرق .... مخك و شغل ايدك هوه اللي ليه قيمة و معنى

المشاركة الأصلية كتبت بواسطة ahmod

ماهو ممكن يا باشا ال 150 الف كيلو اللى حضرتك عملتهم بعربيتك اهتميت فيهم بعربيتك وكنت محافظ عليها وعلى صيانتها وتغيير الزيوت والفلاتر وتركيب قطع الغيار الاصلية

بعكس ال 80 الف كيلو اللى هو عملهم بعربيته كان مهمل العربية ومهمل قطع غيارها وصيانتها الدورية بالتالي حالة عربيتك افضل

فده مش مقياس للمقارنة بين الاوروبي والياباني بشكل عام

بالعكس هوه بيعمل صياناته و مهتم بعربيته احسن مني بكتير , انا تقدر تقول عليا اني بفتري على العربية شوية .

**SYD** · 12-11-2011 02:31 AM

المشاركة الأصلية كتبت بواسطة MaZaGAngeE

يا باشا انا معاك لو قارنت كورولا 2012 باكتافيا 2012 طبعا هتكون في صالح الاكتافيا ... لكن تعالى قارن كورولا 2001 و اكتافيا 2001 كعربية و صيانة و قطع غيار هتلاقي ان المقارنة لصالح الكورولا ..
و على فكرة فورد ليها 3 شركات باسم فورد ( أمريكي , الماني , انجليزي )
سيتيروين zx , ax اللي انت بتتكلم عليها مش موجودة خلاص و حتى الجديد نادر لما تلاقيها و طبعا مش محتاجين تكلم على قطع الغيار و لا الصيانة اللي أنا متأكد ان التوكيل نفسه مش هيصلحها كويس ...

اللي اقصده مش موديل السنة انا اقصد بعد 10 سنين او اكتر . طبعا مرسيدس و بي ام بره الموضوع لأن دي عربيات كل المصريين يعشقوها و يفهموها .

علي فكرة حضرتتك اختارت اكتر موديل في الأوكتافيا محبوب ومعروف عنه القوة والأعتمادية
وعموما الأوكتافيا من اول ظهورها في 96 وهي عربية ناجحة جدا جدا
انا مش بقلل من كورولا بالعكس الكورولا من اول موديل 85 من ساعة لما عملوها جر أمامي وهر عربية جميلة جدا بس للأسف مش هتعرف هتنافس امام الألماني يعني كورولا 2001 سواء 1300 او 1600 علي ابسط مثال مفيهاش ايموبلايزر الي يعتبر اساسي في الألماني من 97 ويمكن قبل كدة كمان
مفيهاش abs ومفيهاش حاجات كتير اوي تعتبر تجهيز اساسي في الأوروبي بوجه عام
دة حتي كورولا 2012 الهاي لاين بس هو الي كمالياته معقولة ومتواضعة جمب الBase Line بتاع الأوروبي
خلي بالك الأوكتافيا موتور وشاسيه وعفشة جيتا وفولكس متوصية بيها اوي في موديل 2010 2011 لدرجة ان الي ركب الجيتا وركب اوكتافيا بينزل يشكر في قوة وثبات الأوكتافيا
فعلا الحاجة الوحيدة الي في صالح الكورولا قطع الغيار سعرها اقل شوية من الأوكتافيا وكأعادة بيع لصالح الكورولا

المشاركة الأصلية كتبت بواسطة MaZaGAngeE

مش كل بيجو نطلعها ... 504 بس , و بيتلز بس من فولكس ....

504 بس ؟؟؟؟
والأسطورة 405
والتحفة الفنية 406
والعفريتة 206
وال ال أيه ؟؟ 205
كل دوول يفضلوا بردو ولا يخرجوا ؟؟؟؟؟

والبيتل بس من فولكس ؟؟؟؟؟
طب والجولف من 1 لحد 6 ؟؟؟ السيارة المتربعة علي عرش السيارات الشبابية في العالم
والباسات ؟؟؟
ركبت الجيتا 2011 الخليجي ؟؟؟ سيبك من المصري

انا عايزك تقارن الميكروباص الفولكس الشهير موديل 74 باي ميكروباص من نفس موديله تويوتا او مازدا او ايسوزو او ميتسوبيشي وقولي ايه رأيك !

يعني شكل الراجل هوه اللي هيفرق ؟
و بعدين لو شفت افلام يابانية قديمة او قريت في التاريخ بتاعهم هتلاقي انهم ده شكلهم الطبيعي ... زي ما الاوروبيين شكلهم بالبرنيطة ده الطبيعي ...
مش لبسك و لا شكلك هوه اللي يفرق .... مخك و شغل ايدك هوه اللي ليه قيمة و معنى

انا مش بتريأ علي شكل الراجل حاشا لله - دي خلقة ربنا
انا بتكلم عن ثقافة الشعب ولبسه وطريقة عيشته وشكل الشوارع وحال البلد كلها في الفترة دي

يعني تتخيل حضرتك لو انا البلد بتاعتي كلها ناس أغنية فيهم المحامي المشهور والعالم الفلاني والدكتور العلاني ودكتور الجامعة وناس معاها فلوس تدفع هصنع عربيات شكلها اايه ؟؟؟ انا بتكلم عن فرنسا وانجلترا والمانيا
وتخيل بقي الشعب الياباني او الصيني او الكوري وشكلهم وحالتهم المادية

اساسا دوول كانوا مستعمرين دوول وناهبين ثرواتهم وخيرهم
تفتكر مين هيصنع احسن من مين ؟؟؟

بالعكس هوه بيعمل صياناته و مهتم بعربيته احسن مني بكتير , انا تقدر تقول عليا اني بفتري على العربية شوية .

**SYD** · 12-11-2011 02:42 AM

معلومة صغيرة حابب اضيفها

لو خدنا امريكا علي سبيل المثال
فيها الشيفروليه و الدودج والبويك والجيب
المواطن الأمريكي العادي (مش رجال الأعمال طبعا) حلمهم يركبوا عربيات امريكاني والماني
فورا راحت اليابان نازلة بعربيات اقتصادية واعتمادية تحقق حلم الأمريكاني الي مش عارف يركب امريكاني والماني لأرتفاع سعره وموتوره الي بياكل البنزين اكل وراحت منزلة عربيات صغيرة كحجم وكسعة لترية وبكماليات متواضعة
يعني قارن حضرتك العربيات الأمريكاني والألماني والياباني
هتلاقي العادي بتاع جيب ودودج - 6 سلندر 3600 سي سي او 8 سلندر 4200 سي سي
هتلاقي العادي في البي ام 4 سلندر 1800 و6 سلندر 2500 و8 سلندر 4000 سي سي
هتلاقي الياباني 4 سلندر 1300 او 1600 او 2000 علي اقصي تقدير

والسبب الحقيقي في وجود هوندا هو نفس الحلم بتاع الأمريكاني ايام ازمة البترول في حرب 73 لما العرب منعوا البترول عن الغرب واحنا قفلنا قناة السويس
راحت هوندا مسخرة كل التكنولوجيا بتاعتها في صنع عربية بتشم البنزين واعتمادية وقليلة الأعطال ودة كان اول ظهور للسيفيك وبعدها طوروها بحيث تبقي مساحة الميكانيكا اقل ومساحة الركوب اكبر مع الأحتفاظ بنفس المبدأ وهو التوفير في الأستهلاك وقلة الأعطال والسيرفيس

يعني بأختصار شديد جدا
الأسيوي بوجه عام هو حل للي مش عارف يركب امريكاني برفاهيته الغير متناهية والألماني بقوته الغير متناهية

والله المستعان
،
،

عارف حضرتك

انا راكب عربية صغنتوتة من عربيات فولكس (سيات ابيزا 1000 سي سي)
عندي في الأر بي ام الريد زون red zone بيبدأ من 5,5 والأر بي ام بتاعي كله بينتهي عند 6,5

العادي بتاع الموتور وكدة مش بضغط عليه لو مشيت علي 6 ار بي ام بس طبعا في المقابل بيستهلك بنزين اكتر من 1600

واخويا راكب اوبل فيكترا 2000 سي سي ايكوتك 2001
الأوبل الي حضرتك اتكلمت عنها وقولت قارنوها هي والسيتروين والرينو والفورد
الله لا يوري اي حد فينا الأوبل فيكترا لما بيتقرص عليها وبتطلع امكانيتها - كفاية لو الواحد علي الطريق وسمع الفوو بتاعتها من شكمانها الأستوك من غير ديفل او اي علب رياضية
الله اكبر عليها
انا مش هتكلم عليها كتير
بس والله تويوتا 2011 مش بتعرف تعمل معاها حاجة

ملحوظة : وبالفتيس الأوتوماتيك مش المانيوال

والله المستعان
،
،

**M.FOUAD** · 12-11-2011 07:27 PM

المشاركة الأصلية كتبت بواسطة SYD

علي فكرة حضرتتك اختارت اكتر موديل في الأوكتافيا محبوب ومعروف عنه القوة والأعتمادية
وعموما الأوكتافيا من اول ظهورها في 96 وهي عربية ناجحة جدا جدا
انا مش بقلل من كورولا بالعكس الكورولا من اول موديل 85 من ساعة لما عملوها جر أمامي وهر عربية جميلة جدا بس للأسف مش هتعرف هتنافس امام الألماني يعني كورولا 2001 سواء 1300 او 1600 علي ابسط مثال مفيهاش ايموبلايزر الي يعتبر اساسي في الألماني من 97 ويمكن قبل كدة كمان
مفيهاش abs ومفيهاش حاجات كتير اوي تعتبر تجهيز اساسي في الأوروبي بوجه عام
دة حتي كورولا 2012 الهاي لاين بس هو الي كمالياته معقولة ومتواضعة جمب الBase Line بتاع الأوروبي
خلي بالك الأوكتافيا موتور وشاسيه وعفشة جيتا وفولكس متوصية بيها اوي في موديل 2010 2011 لدرجة ان الي ركب الجيتا وركب اوكتافيا بينزل يشكر في قوة وثبات الأوكتافيا
فعلا الحاجة الوحيدة الي في صالح الكورولا قطع الغيار سعرها اقل شوية من الأوكتافيا وكأعادة بيع لصالح الكورولا

تصحيح بس للمعلومة الكورولا 1300 من اول 2001 كلها فيها ايموبليزر و مفيهاش abs
و1600 فيها الاثنين

-

-

-

الموضوع: العربيات اليابانية أطول عمرا عن الأوروبي ليه ؟

LinkBack

أدوات الموضوع

عرض

-

-

-

-

-

المواضيع المتشابهه

إيه نوع عربيتك الأوروبي

أيهما أطول عمرا السيارات الأمريكى أم الألمانى

بالصور أطول السيارات عمرا في التصنيع تبناها العالم الثالث

ايه العربيات الأوروبي أو ياباني تحت ال 110 ألف ؟

أطول السيارات عمرا في التصنيع تبناها العالم الثالث

الكلمات الدلالية لهذا الموضوع

المفضلات

المفضلات

ضوابط المشاركة