تجربتي لمالكي مواتير مياه منازل و غيرهم و تخلص من مشاكل البالونة

**Bishoy.Girgis** · 02-12-2011 07:07 PM

المشاركة الأصلية كتبت بواسطة tza

لى استفسار اخر هل لاقيت فرق فى قوة المياه وشدتها بعد ما ركبت الجهاز ده عن قبل ما تركبه اى مع البالونه والاتوماتيك لانى بصراحة عندى نفس المشكلة فى العمارة اللى انا فيها خصوصا مع السخان مجننى و شكرا اخى الفاضل على ردك جزاءاك الله كل خير

أولا متشكرنيش لأني واجب عليا اني اعرض تجربتي علي منتدي نايل موتورز بيتي الثاني ..

بص يا باشا هقول لك علي كام حاجه كده :

1- ضخ المياه فرق كتير عن البالونة و يكفي ان الموتور بيفضل شغال لغاية ما بقفل الحنفية لأن فعلا السخان عندي كان بيرخم جدا مع البالونة و كانت البالونة بتغلق السخان ساعة ما بتقل المياه فكنت ساعة مباخد دش كنت بضطر افتح حنفية تانية عشان تفضل المياه تضخ لكن الجهاز ظبط الدنيا.

2- انا ساكن في الدور السابع بس الموتور متركب في الدور الثاني فجبت الجهاز بيضخ 15 متر و فعلا طلع 100%

3- الموتور عندي من 7 سنين و كنت جايبه كالبيدا ايطالي 1 حصان

4- انا كان عندي سخان رخم يونيفرسال 6 لتر و كنت بعمله صيانة يمكن كل كام شهر فبيعته و اشتريت سخان اوليمبيك 6 لتر بس بصراحة تحفة

الجهاز ده من الاخر تمام اخر حاجه ..

**yascro** · 02-12-2011 07:49 PM

متابع باهتمام

**aboomar22** · 02-12-2011 08:15 PM

انا جبت موتور جديد كالبيدا وجيت اسال على البالونة والاتوماتيك قالى لا خلاص مالهمش لازمة وركبت الجهاز ده لا كويس صحيح كفاية لما المية تقطع بيقصل كهرباء

**fepsceasar** · 02-12-2011 10:21 PM

موضوع مفيد ورائع

**tkamal** · 02-12-2011 10:24 PM

طيب استشارة

تم تغير خط المياة فى الحى واصبحت المياة لا تصل الا فى الليل والصباح الباكر فقط

عايز اركب ماتور كالبيدا لعدد 3 شقق فى البيت الدور اول بلكونه تانى وثالث بلكونه

الماتور يكون كام حصان ؟

**chicobon** · 02-12-2011 11:53 PM

بس كده المتور مش هيفصل خالص و هيفضل يشتغل طول الوقت و ده الي بيعمله البالونه انه لما بيتملي بيفصل و يريح غير كده السباك كان قالي ان الموتور ممكن يشتغل من غير بالونه انما مش هيفصل و ده ممكن يحرقها ولا انت ايه رايك ؟ هل المتور عندك بيفصل ولا بيفضل شغال طول ما الحنفيه او الغساله شغالة ؟ مستني الرد منك

**Bishoy.Girgis** · 03-12-2011 12:14 AM

المشاركة الأصلية كتبت بواسطة aboomar22

انا جبت موتور جديد كالبيدا وجيت اسال على البالونة والاتوماتيك قالى لا خلاص مالهمش لازمة وركبت الجهاز ده لا كويس صحيح كفاية لما المية تقطع بيقصل كهرباء

تمام تمام و هو ده فعلا شغل الجهاز انه بيحافظ علي الموتور و برافو عليك انك جبت كالبيدا و مبروك

المشاركة الأصلية كتبت بواسطة a_taamer

طيب استشارة

تم تغير خط المياة فى الحى واصبحت المياة لا تصل الا فى الليل والصباح الباكر فقط

عايز اركب ماتور كالبيدا لعدد 3 شقق فى البيت الدور اول بلكونه تانى وثالث بلكونه

الماتور يكون كام حصان ؟

بصراحة انا معرفش المفروض تجيب ماتور كام حصان فلازم تسأل المتخصصين في ده لكن اللي ممكن اوصله ليك انك لازم تجيب ماتور محترم جدا زي كالبيدا ايطالي و يكون من مكان موثوق فيه لأن اكيد في مضروب في السوق و متجيبوش بالبالونة و الاوتوماتيك .. هاته بالجهاز اللي في الموضوع ده افضل بكتير و برده يكون ايطالي لأن في منه صيني و مش بيقعد خالص و مبروك مقدما

المشاركة الأصلية كتبت بواسطة chicobon

بس كده المتور مش هيفصل خالص و هيفضل يشتغل طول الوقت و ده الي بيعمله البالونه انه لما بيتملي بيفصل و يريح غير كده السباك كان قالي ان الموتور ممكن يشتغل من غير بالونه انما مش هيفصل و ده ممكن يحرقها ولا انت ايه رايك ؟ هل المتور عندك بيفصل ولا بيفضل شغال طول ما الحنفيه او الغساله شغالة ؟ مستني الرد منك

يا باشا الموضوع لو قريته من الاول هتعرف اننا شيلنا البالونة و الاوتوماتيك و تم شراء جهاز اسمه افوماك و ده بديل عن البالونة و الاوتوماتيك و هو ده يبقوم بعملهم و كل اللي بيعمله ان لما تفتح الحنفية يقوم الماتور يشتغل و لما تغلق الحنفية يقوم بفصب الماتور نهائيا و كمان لما المياه تتقطع يقوم بفصل التيار الكهربائي عن الماتور

**Bishoy.Girgis** · 03-12-2011 07:17 PM

المشاركة الأصلية كتبت بواسطة yascro

متابع باهتمام

شكرا لمتابعتك :)))))

المشاركة الأصلية كتبت بواسطة fepsceasar

موضوع مفيد ورائع

شاكر مرورك الكريم

**chicobon** · 03-12-2011 11:34 PM

انا فاهم انك شلت البالونه و عشان كده بسئلك هل الموتور بيفصل ولا بيفضل شغال بي استمرار من غير ما يفصل

**Bishoy.Girgis** · 04-12-2011 12:51 AM

المشاركة الأصلية كتبت بواسطة chicobon

انا فاهم انك شلت البالونه و عشان كده بسئلك هل الموتور بيفصل ولا بيفضل شغال بي استمرار من غير ما يفصل

طبعا بيفصل لأنه لو مش بيفصل كده الموتور يتحرق

الموضوع: تجربتي لمالكي مواتير مياه منازل و غيرهم و تخلص من مشاكل البالونة

LinkBack

أدوات الموضوع

عرض

-

-

-

-

-

المواضيع المتشابهه

تجربتي لتغيير زيت الباور و الفرامل و مياه الردياتير لشيري a11 2007 95000كم

ازاى اغير مياه الراداتير بدون مشاكل

سبحان الموفق : جنط 16 و البالونة

مشاكل الجمعية مش عايزه تخلص

هل مياه الامطار متسبب مشاكل مع اللانسر؟؟

الكلمات الدلالية لهذا الموضوع

المفضلات

المفضلات

ضوابط المشاركة