الموضوع: تجربتي لمالكي مواتير مياه منازل و غيرهم و تخلص من مشاكل البالونة

المشاركة الأصلية كتبت بواسطة peaceman

شكرا يا جلجل علي المعلومات القيمة ديه

العفو ياافندم
الشكر لمجهود حضرتك فى كتابه الموضوع من البدايه
تحياتى..

المشاركة الأصلية كتبت بواسطة khalayden

السلام عليكم أرجو الإفادة من الأخوة الخبراء

أنا أسكن فى الدور الأخير من عمارة سكنية و هذه العمارة بها خزانات مياه على السطح و هى التى توفر المياة لسكان العماره مشكلتى أنى أمتلك سخان غاز و سخان الغاز يحتاج لضغط قوى نوعا ما لكى يعمل و بما أنى فى الدور الأخير و خزان المياة فوقى مباشرة فإندفاع المياة عندى ضعيف و لا يشغل السخان و قد نصحى أكثر من سباك بجلب موتور مياه. لى بعض الأسلءة التى أرجو إجابتها من خبراء

1- أنا أريد طلمبة مياة كالبيدا فهل اتى بطلمبة مياه 1/2 حصان أم حصان واحد علما بأن موضع الماتور يبعد عن المياه مسافة رأسية حوالى 4 أمتار و هذا الموتور سوف يدفع الماء إلى أسفل (إلى شقتى) لمسافة 3 أمتار رأسية
انصح بالكوميت او الماتريكس او ساير-ارخص و بنفس الجوده-1/2 ح كافى جدا
2- من أين أشترى طلمبات مياه كالبيدا مع العلم إنى أسكن فى مدينة نصر (أريد مكان موثوق فيه لأنى ليس لى خبرة فى هذا المجال) و ما هو سعرها تقريبا
طلمبات الكريم - 51 و 53 شارع الجمهوريه
3- بعض الأصدقاء قالوا لى على الفلوماك للتخلص من مشاكل البالونة و الأوتوماتيك فما هى القوة الى أحتاجها أنا فى حالتى و من أأتى بهذا الجهاز و سعره.
الفلوماك الاسود و ارجو مراجعه الموضوع من البدايه..
أنا اسف للإطالة و عارف إن اسألتى كتير بس أعزرونى عشان أنا مليش فى المجال ده خالص و شكرا

تحياتى.......

المشاركة الأصلية كتبت بواسطة khalayden

الف شكر أخى العزيز جلجل إجاباتك ماشاء الله المختصر المفيد.
أنا رحت و سألت فى شارع الجمهورية قبل ما أشوف ردك بصراحه و قالولى بالنسبة للطلمبة هات 3/4 حصان أضمن و نصحونى بفلوماك إيطالى إسمو بيدرو إنت إيه رأيك ؟ و شكرا جدا ليك و اسف إنى بتعبك معايا

السلام عليكم
مفيش تعب و لا حاجه الشكر منذ البدايه لكاتب الموضوع
PeaceMan
المنسق المساعد لقسم نيسان



1/2 حصان كافى لما يلى
1/ السقوط الحر للمياه من اعلى - الخزانات - الى اسفل و بالتالى الجاذبيه بتساعد
2/ وفقا لما سبق اذا كان الفرق بالسعر بين ال 1/2 و ال 3/4 كبير فهات ال 1/2 كافى جدا
3/ الفلو ماك ده اسم الجهاز اللى بيتباع عند الكريم للطلمبات - سبق عرض الشكل الاسود الخاص به اول الموضوع -
الموديلات التانيه مجربتهاش و الله اعلم بجودتها - لكن مجرب الفلوماك و شغال كويس
الاهم عند تركيب الفلو ماك الفلتر اللى بيحمى الرق الداخلى
و انا تحت امرك لاى خدمه
تحياتى
محمد عبد الجليل.

المشاركة الأصلية كتبت بواسطة peaceman

يا محمد باشا لو سمحت انا مش عايز شكر ولا حاجه بجد انت حاطط معلومات قيمة و يكفي انك عندك خبرة رائعة في المجال ده و بتفيد الكثير من الاعضاء و ده سمة الانسان المحترم فعلا

العفو يا افندم
يوفى الحق لاهله و حضرتك اهله
و انا فى الخدمه لاعضاء المنتدى الكرام
تحياتى...