الياريس والجيتا على طريق اكتوبر ! !

**Eng.Geo** · 07-12-2011 08:49 PM

المشاركة الأصلية كتبت بواسطة ahmod

معنديش مشكلة اننا نطلع نجرب مع بعض في اي وقت بس افضل الشد من بعد مطب عشان نلغي مسألة ال traction وفرق الطلعة مابين المانويل والاتوماتيك

لو فاضي تعالى ننزل بكرة بليل المرغني

اللي انت عايزه
بس بلاش اليومين الجايين دول لحسان عندي ميدترمات :)

**Veroman** · 07-12-2011 09:52 PM

عايز انزل معاكو اوكى متنشسونيش

**Ahmod** · 07-12-2011 10:11 PM

المشاركة الأصلية كتبت بواسطة eng.geo

اللي انت عايزه
بس بلاش اليومين الجايين دول لحسان عندي ميدترمات :)

ولا يهمك ظبط امورك وانا معاك

انا كدة كدة غالبا بكرة رايح لو هتقدر تيجي كلمني

المشاركة الأصلية كتبت بواسطة veroman

عايز انزل معاكو اوكى متنشسونيش

انا غالبا رايح بكرة لو عايز نتقابل ماعنديش مشكلة كلمني ونروح مع بعض

**mando_07** · 07-12-2011 10:46 PM

المشاركة الأصلية كتبت بواسطة Ahmod

السلام عليكم ورحمة الله وبركاته

كنت في طريقي للجامعة وللي عارف طريق اكتوبر

فيه ملف بعد دخلة ميدان جهينة وانت في اتجاهك لاكتوبر

بعد الملف ده الطريق بيفتح فتحة حلوة

فانا ماشي في الملف ده في امان الله على سرعة 110 تقريبا

واذا بجيتا بيضا جاي من ورا ويلطش غرزة من قدامي ويعدي مابين ترلتين مش عارف المساحة عدت عربيته ازاي

العربية معدية مابين الترلتين بالمقاس

طبعا المنظر ده سخني رحت دايس وراه

بعدها الطريق قفل شوية ودي حاجة سمحتلي اني ابقى في ضهرة مباشرة

اول مالملف ماخلص والطريق فتح رحت واخد اليمين ومسقط تالت وحارق

كنت ماشي على 110 تقريبا

قعدت اطلع منه سنة سنة لحد ماوصلت سرعتي ل 140 كنت طلعت منه بالكامل وبدات افرق

كملت حرق على التالت فضلت حارق عليه لحد 150 ورحت مدي الرابع وطاير سعتها كنت فارق عنه بتاع تلت عربيات

هديت عشان الطريق قفل قدامي شوية ونزلت لسرعة 120 راح هو جاي من ورا مجمع خد الشمال وطالع بغرزة موت (غرزة موت بمعنى الكلمة)

رحت حادف شمال وراه ومسقط تالت تاني والمرة دي فضلت حارق عليه لحد 160 وعمال اقرب منه بفرق مش كبير اوي

بعد ال 160 اديت الرابع وهنا وصلت ل 170 وكلاسات كلاسات وتقليب نور راح هو حادف شمال وموسعلي الطريق وطلعت منه على 170 اعتقد هو سرعته كانت مابين 150-160 لاني طالع بفرق سرعة مش كبير

بعدها هديت عشان المطب (المفروض على اليمين كانت داخلة الجهاز) بس لحسن الحظ طلع معايا في الجامعة وكمل علطول

استنيته عند المطب

نزل من على المطب وراح دايس لدرجة صوت ماتوره كان هيخرملي ودني وانا بصراحة ماحبتش ادوس مش خوف لا سمح الله بس اللى خلاني اطلع منه فوق ال 120 واسيبه يعدي واجيبه

اكيد من الصفر هبهدله

ماحبتش اجرب بصراحة وقلت كفايا حرق كدة لاني مش بحب احرق على العربية كتير + اني طلعت من كذا جيتا قبل كدة تحت ال 100 فمكنتش محتاج اجرب تاني لان النتيجة محسومة

سبته عدى وكمل جري مع نفسه لحد مادخلنا الجامعة

------------

حبيت انقلكم التجربة مش عشان حاجة بس عشان سببين

الاول ان فيه ناس كتير مطلعين اشاعة ان الجيتا والفانتازيا وبعض العربيات الالماني فوق ال 100 كلام تاني وبتجمع بسرعة وبتبقى طيارة وكلام كتير كتير بنسمعه ! وللاسف كل ده طلع كلام ليس له اي دليل من الصحة ! الجيتا عربية تقيلة وماتور ال 1600 قليل عليها

والسبب التاني الناس اللى بتقلل في قوة وتجميع الياريس عشان ماتورها 1300 خاصا الاوتوماتيك

احب اقول ان الياريس ال 1300 عشان خفة وزنها تعادل معظم العربيات ال 1600 في التسارع ويمكن تكون افضل من بعضهم

طبعا الموضوع لا يعنى ان الياريس كعربية افضل من الجيتا ابدا

عشان محدش يدخل يقول اني بقارن

انا مش بقارن بين عربيتين المقارنة مابينهم محسومة اساسا

مجرد تجربة وحبيت انقلها ليكم

أنا بس عايز اسئل سؤال أنت ازاي جبت 160 على التالت يا مفتري دة أنا لم بجيب 140 على التالت العربية بتصعب عليا وبيبقى اخرها هو أنت عربيتك و انت ماشي على 100 ال-rpm بيبقى على كام ؟ والله ينور يا باشا بس لو لقيت مازدا 3 سودا try and cry بهزر معاك طبعاً

**Ahmod** · 07-12-2011 10:57 PM

المشاركة الأصلية كتبت بواسطة kareemz

ياسر الصياد رقم 2

المشاركة الأصلية كتبت بواسطة mando_07

أنا بس عايز اسئل سؤال أنت ازاي جبت 160 على التالت يا مفتري دة أنا لم بجيب 140 على التالت العربية بتصعب عليا وبيبقى اخرها هو أنت عربيتك و انت ماشي على 100 ال-rpm بيبقى على كام ؟ والله ينور يا باشا بس لو لقيت مازدا 3 سودا try and cry بهزر معاك طبعاً

سرعة 100 بجبها على الغيار التاني مافيش مشاكل وبيكون ال RPM على 6

لو ماشي مريح العربية في الغيارات لما بوصل لسرعة 100 بيكون ال RPM على 2.5

ويا باشا انت ومازدتك على راسي من فوق قولي بس اي علامة مميزة في عربيتك عشان اول ماشوفك اديلك تعظيم سلام واوسعلك الطريق

**Ahmod** · 09-12-2011 11:59 AM

المشاركة الأصلية كتبت بواسطة newcastle

فرق الوزن اكيد لصالح الياريس وده اللي حسم الموضوع بالرغم من فرق المواتير(الجيتا 102 حصان وعزم 148 عند 3700 لفه)
حاجه تانيه واضح من كلامك ان اللي كان سايق الجيتا مكانش عارف يجريها لانه معظم الوقت كان حارق وده غلط
الجيتا عن تجربه عشان تجمع بسرعه ال rpm ميعديش ال4000 لان العزم كله بيكون خرج و اي حرق بعد كده ملوش لازمه ولازم ياخد الغيار اللي بعده (عشان كده الفتيس 6 غيارات )
الفرق بينك وبينه انك عارف امكانيات عربيتك كويس وتعرف ازاي تجريها وهو مش عارف ودي حاجه تانيه حسمت الموضوع

هو طبعا فرق الوزن هو اللى حسم الموضوع لان عملية التسارع تعتمد على Power Per Weight

يعني القوة اللى هيخرجها الماتور على حسب وزن العربية وتقلها

بس قصة ال Rpm مايعديش ال 4000 دي ممكن تبقى منطقية لو هنتكلم في تجميع من 0-100

لكن انا بكلم حضرتك في سرعات فوق ال 120 من 120-170

تفتكر الجيتا ممكن توصل ل 170 وال Rpm تحت ال 4000 ؟ ؟ ؟

دي هي على حسب ماسمعت انها مقفولة عند 180 يعني على كدة هيقفل العداد وال rpm ماوصلش حتى ل 5000 لفة ! ! افتكر صعبة اوي

لو فضل ينقل تحت ال 4000 بالكتير اوي هيدي الغيار السادس وهو على سرعة قليلة بعد كدة مضطر انه يحرق عشان يعرف يزود السرعة

وعلى حسب معلوماتي انه المقصود بكلمة ان اقصى عزم و 102 حصان بيخرج عند 3700 لفة معناها ان لو انت ماشي تحت 3700 لفة في الدقيقة هتكون لسه ماخرجتش كل قوة الماتور

انما اول ماتوصل ل 3700 لفة فما فوق يبقى كدة انت مطلع قوة العربية بالكامل لكن ده مش معناه انك تنقل عند 3700 لانك لو نقلت عندها النقلة اللى بعدها هتيجي على rpm قليل لانك مريح العربية في الغيار وهتضطر انك تحرق تاني بعد ماتنقل لحد ماتوصل لاقصى قوة للماتور وهنا هيبقى فيه فقد في التسارع

بعكس لو مثلا حرقت على الاول لحد 6000 تيجي تنقل على التاني تلاقيه بدأ تلاقي من 3500 -4000

اما لو نقلت الاول على 3700 تنقل التاني تلاقيه بدا من 2000 !

والدليل على كدة شوف كل فيديوهات التسارع لاي عربية بمختلف الانواع والفئات هتلاقيهم كلهم في الفيديوهات دي بيحرقو لحد ال red zone وفيه ناس كمان بتخش في الريد زون حبة ! ! مهما كان نوع العربية او سعة ماتورها

**Veroman** · 09-12-2011 05:10 PM

فى صوت تصفير بيحصل بعد التدوير على طول و اظن انة صوت الدنمو بس كدة كدة لسة فى الضمان لكن ازاى ااكد ليهم هناك ان التصفير دة بيحصل لانة ممكن ميظهرش فى الوقت دة و طبعا هما مبيغيروش الحاجة الا لو هى محتاجة تتغير و لازم تكون واضحة اوى

-

الموضوع: الياريس والجيتا على طريق اكتوبر ! !

LinkBack

أدوات الموضوع

عرض

-

-

-

-

-

المواضيع المتشابهه

استهتار السواقين على طريق اكتوبر..الى متى ؟

حصل على طريق اكتوبر

من 6 اكتوبر الى طريق الاسماعيلية

بلاش جرى .. طريق اكتوبر بقى فيه مطبات

احترسوا من طريق 6 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة