الموضوع: مشكلة زوجية عويصة

اهلا بيك يا سيد صلاح
احنا مبنقولش الطلاق طبعا دا اخر حل
الطلاق يعني انتهاء كافة السبل للوصول لحل يرضي الطرفين
بس خلينا نحصر المشكلة زي مانت ذكرتها:-
1- سليطة اللسان وسيئة عند الغضب وممكن تتعامل بايدها
2- طماعة ومش مآمنالك وعايزاك تكتبلها كل ممتلكاتك
3- شكاكة وبتحلفك على كل شيء
4- خليتك تقاطع اصحابك
طيب اللي يحب حد او بلاش اللي يحب حد اللي عايز يعيش يا استاذ صلاح بيحترم نفسه وبيحترم اللي قدامه عشان يحترمه
فيه مثل بيقول تتساوى الرؤوس عندما تمتد الأيدي
هي ليه مش فاهمه كدة!؟
طول مانتوا بتتناقشوا وبتتحاوروا مقامها محفوظ وانت كمان مقامك محفوظ ولكن وقت ما تفكر انها تتعامل بايدها يبقا الايد اللي تتمد لازم تتقطع ودي مسألة مبدأ يا سيد صلاح مهما كنت بتحبها
الحب ينفع صاحبه ويخليه يتحرك لقدام انما ميقدمش تنازلات على حساب كرامته عشان الحب !
طيب طماعة!
اديني سبب واحد مقنع يخليها تطلب انك تنقلها ملكية شقتك وعربيتك!؟
خايفة انك تموت واللا خايفة انك تسيبها واللا عايزة تتخلص منك بس عايزة تسيبك على الحديدة؟!
مهو لو عرف السبب بطل العجب
طيب شكاكة وبتخليك تحلف!
يا راجل دانا لو بشتري حاجة من بياع معرفهوش وحلفلي ان مكسبه فيها قليل والله ما بفاصل معاه لأنه حلف ويتحمل نتيجة حلفانه
يعني الحلفان دا للناس اللي منعرفهاش عشان نصدقها
انما دانت جوزها وابو عيالها وقد أفضى بعضكم الى بعض وآمن بعضكم بعض ازاي تحلفك؟!
فين الثقة ؟!
دا يكفي انها تبص في عينك عشان تعرف انت بتقول الحقيقة واللا لا انما توصل انها تحلفك؟!
تعرف الحلفان دا ينفع في ايه؟!
انها تقلك بتحبني ؟! تقلها اه تقلك احلف اه ساعتها احلف واعد غني من هنا لبكرة
انما في الامور العادية الامر مينفعش طبعا!
طب ليه خلتك تقاطع اصحابك وازاي يا سيد صلاح تهدم علاقتك مع اصحابك بكل سهولة؟!
يا سيد صلاح واضح انك شخص محترم ومتربي واكيد اصحابك على نفس الشاكلة يعني مش هنقول ان اصحابك بيقولولك حجات غلط او بيخربوا بيتك او ما شابه
انا رايي بما انك تركت البيت يبقا استمر وابعتلها المصروف كل اول شهر مش علشانها عشان عيالك
سيبها شهرين تلاتة وارجع البيت بعد كدة واعد اتكلم معاها وفهمها ايه مشكلتك معاها بالظبط وشوف هل فيه امكانية تبدأوا صفحة جديدة واللا لا
فهمها انها لو استعملت ايدها هتكسرهالها عشان مش من حقها
فهمها انها لو طلبت تنقلها ملكياتك ليها ان دا مش من حقها وان الحجات دي بتاعة عيالك مينفعش بأي حال من الاحوال تخليهم باسمها وانها مش هتكون احرص على عيالك منك
فهمها ايه بيضايقك منها
اتكلموا واتناقشوا بهدوء ولو علت صوتها بينلها غضبك وبينلها انك ممكن تغدر بيها بسبب صوتها العالي دا
احيانا نحتاج ان نكون على قدر من الشراسة حتى تعتدل دفة السفينة
لو الامر تطور واستدعى انك تضربها مفيش مانع لو بهدف الاصلاح بغض النظر عن الاهانة
فيه صنف من النساء لازم يتهان عشان يعرف ان الله حق وان هي انثى مش راجل البيت وعشان ترجع لدورها
لو كلالامور دي منفعتش سيبها معلقة لا طايلة سما ولا ارض وخد عيالك معاك ولو طالبة معاها تسيبك يبقا تبريك من مستحقاتها وشيل دا من دا يرتاح دا عن دا !
وربنا يوفقك يا عزيزي !