الموضوع: مشكلة زوجية عويصة

المشاركة الأصلية كتبت بواسطة أحمد كمال

كده الصورة اكتملت
ابن ناس و محترم و ماضي على قايمة و مؤخر محترمين (مع محاولات جارية "لاقناعه" بنقل ملكية الشقة و السيارة ....... الطمي يا انشراح ما اللي راح راح) و بيموت في عياله و ما يقدرش يسيبهم
+
زوجة فاهمة الحياة غلط و فاهمة ان كده حقها تركب و تدلدل و مهما حصل ماهو قاعد اهوه

المشاركة الأصلية كتبت بواسطة cyborg_ift

ومبتحبش اني اتكلم مع حد حتى اصحابي قاطعتهم علشان ما أضيقهاش

غلطان بصراحة , و اول حاجة تعملها انك ترجع لاصحابك تاني و تخرج معاهم دوريا كمان

احكي لك قصة واحد اعرفه , بعد ما اصرت هي و اهلها انه يمضي على قايمة جديدة , و مضى , بعدها بكام يوم راحت سايبة له البيت و رفعوا قضية طلاق و نفقة و اخدوا شقته بحكم محكمة كمان لأنها حاضنة , يعني اخدوا اللي وراه و اللي قدامه
تحب يبقى ده وضعك ؟

انا بصراحة شايف انك بحاجة لسياسة جديدة خالص بتدور حوالين ان الزن ما بيأثرش فيك و اثبات ده عملي لحد ما اللي قدامك يزهق و ياخد عنك فكرة انك عنيد جدا , في نفس الوقت تأمن نفسك كويس و ما تمضيش على اي حاجة ما تعرفهاش , و ما تنساش انك راجل البيت , يعني مافيش حاجة اسمها ست ترفع عينها فيك ... مش لازم ردك يكون عنيف من اول مرة , لكن التصعيد بمراحل , و كله يبقى رادع , زي ما كنت باقول قبل كده , انهاء المناقشة , اجرائات عقابية , لو سابت البيت تطنش حبة حلوين , توصل للي قدامك فكرة انك مستحيل حد يقدر يجبرك على حاجة ........... خد حقوقك تدريجي و واحدة واحدة من غير ما تدي للي قدامك فرصة يصطدم بيك اصطدام كبير
ده لو لسه عندك فيها امل
لو مافيش , يبقى زي ما احمد بيه كمال قال لك

المشاركة الأصلية كتبت بواسطة friendship7897

على فكرة أنا لم أقصدك يا أ/ أبو صلاح أنا أقصد صاحب الموضوع ( أسمه صلاح ) وبعدين عندك حق الموضوع معقد - بس أنا حبيت أخفف المراسلات القوية من أ/ أحمد كمال وأ/ أشرف إبراهيم على الراجل - فبعت دعابة - مش أكتر - لكن فعلاً الله يكون في عونه وربنا يهدي كل الستات اللي بالشكل دا - وطبعاً لا يمكن أتعلم منها - قال تعالى ((الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنْفَقُوا مِنْ أَمْوَالِهِمْ))سورة النساء رقم الآيه (34 )

اكيد طبعا
انا عن نفسي فاهم انها مداعبة لأني برده عملت مداخلة بعديها