الموضوع: مشكلة زوجية عويصة

انا مش عارف ليه الردود كلها ببتجاهل ان هيه ليها حقوق و اكيد عندها نقطه نظر مختلفه احنا مش عارفيتها

انا مش فاهم هو مافيش حد ليه اخت او ابنه فى يوم ممكن تتحط فى موقف زى ده
و هى الستات مش هتنفع غير بالضرب و نكسر ضلع!!

انا مش عارف ابدا منين بس كل اللي قاله محمود صح وعلشان اكون واقعي اكتر انا بايت معاه من امبارح وديه اول مره ابات بعيد عن اولادي

حضرتك انا رافض تماما مبدأ الضرب لإنه اهانه لنفسي قبل ما يكون اهانه ليهه ومش هنكر انهه وقفت جنبي كتير بس الواحد تداخلت عليه الأمور لحد ما عجز عن فهمها

وعارف ان السبب الرئيسي في كل اللي بعانيه انى اظهرتلهه اني باقي على العشره جدا لدرجة بقت بتعاملني معامله جافه وبرضه مش هنكر اني فيه عيوب بس والله اكتر عيب اني حبيتهه اوي وبينت ده والمفروض اني كنت اتقل شويه

المشاركة الأصلية كتبت بواسطة cyborg_ift

انا مش عارف ابدا منين بس كل اللي قاله محمود صح وعلشان اكون واقعي اكتر انا بايت معاه من امبارح وديه اول مره ابات بعيد عن اولادي

نصيحه يا فندم لوجه الله
برجاء عدم مشاركه مشاكلك الشخصيه مع اخرين و الافضل ان تذهب للتحدث مع شريكتك فى المشكله

الكلام اللى هتسمعه هنا من ناس لا شايفه ولا معايشا اللى انت فيه و انت مش هتقدر تنقل الصوره كامله غير ان حضرتك بتاخد حق من حقوقها اللى هو انك بتتكلم عليها و هى مش موجوده تدافع عن نفسها

انا بسأل حضراتكم هل الخطوه اللي خدتهه صح ولا لأ

انا سيبت الشقه امبارح وهيه مش عارفه اني عند محمود والغريب انهه حتى ما اتصلتش بيه وحاسس اني مش فارق عندهه

المفروض اعمل ايه استمر في اللي عملته ولا فيه حل تاني

انا والله اتكلمت معاهه كتير وكل ما نقول هنبدأ صفحه جديده كل شئ يتعقد تاني ومقدرش اجيب حكم من اهلهه وأهلى لإن عمرى ما بينت لأهلي انهه مش كويسه معايا لدرجة انهم فاكرينهه ملاك مبيغلطش بس انا كان مبدأي ان محدش يخش بيننا