الموضوع: حصريا: تغطية وصول السيفيك 2012 الى مصر - أسعار ومواصفات وصور

ياجماعة بلاش التشائم دة العربية مش وحشة اوى كدة

دلوقتى السيفيك كانت مشهور بانها بتخاطب فئة الشباب وقليل جدا من الكبار

دلوقتى السيفيك بقت بتخاطب الكبار وفئة قليلة من الشباب

العربية بقت انعم واوسع واعلى عن الارض - الاوبشن بقى اكتر - توافر ال vsa فى اول فئة

الشكل بقى اسوأ - الثبات بقى اقل لحد دلوقتى على الورق بس لسة ماتجربتش - السعر بقى اغلى ولو شوفتوا الفرق هتلاقوا عشرين الف لو شيلنا منهم تمن ال vsa والكمبيوتر والشاشة ال 5 بوصة وال eco mode هتلاقوا ان العربية سعرها مازادش من فراغ وواضح جدا من سعر ال VTI انها مازادتش غير 10 الاف بس لان الاضافات مافرقتش كتير عن الموديل السابق بعكس الLXI زادت كتير اوى

المحرك على فكرة تسارعة بقى احسن من الاول بفرق 0.2 ثانية لكل محرك , وكمان فى الربع ميل بقى اسرع بفرق 6 كم وتقريبا ثانية ونص

العزل بقى افضل , الراحة اعلى

بالنسبة للفتيس انا مش شايف اطلاقا اى لزمة لمحرك 1600 سى سى يكون فية 6 سرعات او 7 سرعات غير لما يكون محرك 1600 مزود بتيربو

يعنى لو جينا فى الجيتا ماهية فيها 7 سرعات وبردة بطة بلدى فرق معاها اية , السيراتو 6 سرعات وبدون داعى منظر وخلاص لو حتى فية فرق هيبقى نعومة مش اكتر مع انى بردة سوقت الاتنين ومافيش فرق مابين ال4 وال6 ملحوظ للدرجة اللى تخليك تجيب 6 سرعات

الهوندا حلو عليها اوى 5 سرعات اوتو مش محتاجة غير كدة ومش محتاجة ستيب ترونيك لان 1و2 و 3 بتوعها طلقة واصلا فتيسها سريع الاستجابة وافضل كمان من حيث الصيانة والعمر الافتراضى والوزن وتغير الزيت اوفر عن ال cvt

ومعلش اللالنترا عمرها مهتقدر تعدى الهوندا على الاقل بالعفشة التعبانة اللى بتمتلكها الهيونداى فى كل اجيالها الحالية كفاية المراجيح اللى بتحسها من الخلف لو العربية عدت على اى فواصل

وانا جايب ريفيوهات عن السيفيك والالنترا واعتقد ان السيفيك كسبت بجدارة

انا عارف ان عشاق السيفيك اتصدموا لما لاقوا شكل العربية بقى كدة وكانوا منتظرين احسن من كدة بكتير بس صدقونى العربية مش وحشة بالعكس ممتازة بس مافيش حاجة كاملة والعيب الوحيد انهم غلوا العربية

وعمر ماكان الاوبشن هو اللى بيتحدد علية مستوى العربية وجودتها