حصريا: تغطية وصول السيفيك 2012 الى مصر - أسعار ومواصفات وصور

**hany63** · 17-12-2011 05:10 PM

معلش كنت عايز اعرف ازاي الاداء اتحسن رغم ان الموتور و الفتيس ما اتغيرش؟

**mido_soliman** · 18-12-2011 01:12 AM

تقرير ممتاز من شخص ممتاز
تعقيب بسيط : مستمتع برد العضو formulator وبستمتع كل ما الاقيلة مشاركة بصراحة

**Eng.Mina** · 18-12-2011 01:25 AM

العربية نزلت علي موقع ebay وده لينك للي يحب يشوف صور ليها علي الطبيعة انا شايف انها من قدام كويسة لكن من ورا مش حلوة خالص
Honda : Civic Honda : Civic | eBay

**sha3bola** · 18-12-2011 03:58 AM

العربية موجودة للاستلام من السبت القادم فى الفطيم على الدائرى

**eng_maged** · 18-12-2011 08:26 AM

متفق معاك يا سمسم في معظم اللي انت قلته

**eng_maged** · 18-12-2011 08:29 AM

المشاركة الأصلية كتبت بواسطة mido_soliman

تقرير ممتاز من شخص ممتاز
تعقيب بسيط : مستمتع برد العضو formulator وبستمتع كل ما الاقيلة مشاركة بصراحة

شكرا ليك

**eng_maged** · 18-12-2011 08:41 AM

المشاركة الأصلية كتبت بواسطة formulator

مش معاك فـ دى يا سمسم,

الشركات دلوقتى بتتكلم فـ 6 و7 سرعات ديوال-كلتش, و 8 و9 سرعات أوتو..
وهوندا (وتويوتا) لسه واقفين عند الأوتو العقيم.. الـ4 و5 سرعات: لا أداء (حتى يساعد الموتور يطلع الباور).. ولا خفة فـ الأستجابة زى فتيسات الـsequential ولا توفير فـ البنزين..؟؟!!!

أنا مش شايف اى تطوير فـ العربية (كـ أساسيات عـ الأقل) عن القديمة.. عشان حتى يبرر فرق السعر..؟؟!!!

انا كنت للحظه هقولك بلاش تظلم هوندا
عشان الجيل التاسع بره مش بينزل بالموتور ده اساسا بره بينزل بمواتير 1800 و 2000 و 2400
لكن انا اكتشفت برضه ان المواتير ده يا اما 5 اتوماتيك و5 مانيوال او ال 2400 بينزل ب 6 مانيوال

معاك حق دلوقتي في الكلام ده

**Formulator** · 18-12-2011 11:20 AM

المشاركة الأصلية كتبت بواسطة mido_soliman

تقرير ممتاز من شخص ممتاز
تعقيب بسيط : مستمتع برد العضو formulator وبستمتع كل ما الاقيلة مشاركة بصراحة

العفو يا ميدو,
الشكر لصاحب الموضوع باشمهندس ماجد.. وطبعا smsm_kane زعيم عصابة الهوندا..

المشاركة الأصلية كتبت بواسطة eng_maged

انا كنت للحظه هقولك بلاش تظلم هوندا
عشان الجيل التاسع بره مش بينزل بالموتور ده اساسا بره بينزل بمواتير 1800 و 2000 و 2400
لكن انا اكتشفت برضه ان المواتير ده يا اما 5 اتوماتيك و5 مانيوال او ال 2400 بينزل ب 6 مانيوال
معاك حق دلوقتي في الكلام ده

+1
بالضبط اللى فكرت فيه, بس هقولك حاجة:
أنا برضه حاسس ان الهوندا (كـ شركة او الوكيل).. بتتعامل مع السوق المصرى على انه أقل سوق؟؟!!! ليه الاحتقار ده؟؟!!

مش هقولك ينزل المواتير الـ1800cc, لأ, هتبقى غالية فحت اكتر ما هى..

بالنسبة للفتيسات: اعتقد عنهم فتيسات 6-سرعات مانيوال.. بتاع الـCR-Z تقريبا
معرفش بس مش مقتنع بموديل 2012؟؟!!!

**SAMEH_FOUAD** · 19-12-2011 09:50 AM

المشاركة الأصلية كتبت بواسطة formulator

مش معاك فـ دى يا سمسم,

دا كده يبقى drawback فى التكنولوجيا..
فرق فتيس السيراتو 6 سرعات عن الفتيس 4 سرعات.. مش نعومة فقط..
لأ.. سحب, تسارع وVariability فى السواقة.. (يعنى حرية فـ اختيار نسب التروس مع الـrpm)

أو بمعنى آخر: لو عايز تعلى الـrpm 1000 لفة فقط.. تقدر بـdownshift تسقط غيار واحد..

فـ الفتيس القديم: مكانش فيه التحكم الـinfinite ده.. التسقيطة بترفع 2000 rpm أقل واجب..؟!!
والـ6 سرعات فعلا الموتور مرتاح أكثر.. وكمان بيوفر بنزين بفرق ملحوظ..؟!!

بالنسبة للجيتا: المشكلة فى الموتور (1.6 SOHC 8v 102 HP) هو اللى مخليها "بطـــــة".. مش فـ الفتيس الـDSG..؟؟!!!
الشركات دلوقتى بتتكلم فـ 6 و7 سرعات ديوال-كلتش, و 8 و9 سرعات أوتو..

وهوندا (وتويوتا) لسه واقفين عند الأوتو العقيم.. الـ4 و5 سرعات: لا أداء (حتى يساعد الموتور يطلع الباور).. ولا خفة فـ الأستجابة زى فتيسات الـSequential ولا توفير فـ البنزين..؟؟!!!

متحاولش يا سمسم

.. هما متأخرين سنوات فى الحته دى (الفتيسات الجديدة)..
(زى تخلفهم فـ المواتير الـDownsizing+Turbocharged بالضبط).. يا راجل دا هيونداى-كيا (مش بس الأوروبيين) عملوا مواتير direc-injection+turbo وبيطوروا دلوقتى فتيسات ديوال-كلتش... فين اليابانى بقى؟؟!!!

أنا مش شايف اى تطوير فـ العربية (كـ أساسيات عـ الأقل) عن القديمة.. عشان حتى يبرر فرق السعر..؟؟!!!

ياباشا اهلا بيك ونورت القسم كالعادة

انا معاك ان اسم 6 سرعات فى الفتيس بيوحى بالقوة والتكنولوجيا

لكن انا مش متفق معاك فى نقطة ان الفتيس ال6 سرعات بيدى تسارع احسن يعنى فى الجيتا او السيراتو السحب والسرعة القصوى لم يتغيروا انا سوقت الاتنين سيراتو 6 سرعات والعادية مافيش فرق , يمكن الافادة اللى انا لاحظتها هية توفير فى البنزين بحوالى 2 لتر لكل 100 كيلو يعنى 40 كيلو زيادة تقدر تمشيها , غير كدة صدقنى محستش بأى اختلاف ملحوظ

* بالنسبة للهوندا فهية كمان عوضت دة بنظام ال eco -mode اللى بردة هيوفر معاك البنزين بنسبة 20% عن القيادة العادية بس العيب الوحيد اللى هنا هو على حساب الاداء بس دة هيبقى مفيد جدا للكبار

* انا معاك ان ال تسقيط النقلات مهم ومفيد جدا وماتنساش ان ال vti فيها ال paddle shift اللى بردة هتخليك تعمل الكلام دة , كدة اعتقد انا مش محتاجة حاجة

* وعندى تعقيب على نقطة 5 سرعات و 6سرعات ان الفتيس لو زاد نقلات يبقى المفروض يقابلها زيادة فى المحرك عشان تتسفيد صح من ال upgrade اللى اتعمل فى الفتيس لكن لو جينا مثلا للجيتا هلاقى قوة المحرك 102 حصان وبالفتيس ال dsg بردة 102 حصان للمحرك مع انة زاد نقلة

هو الغرض كلة من وجهة نظرى فى تحديث فتيس السيارات بأخر اعلى فى النقلات هو فقط توافر عزم اضافى عند التسارع فى السرعات اقل من 120 كم , وبردة مش بيتوافر من الثبات لانى زى ماقولتك جربت الاتنين ماحستش بفرق غير فى البنزين وهدوء المحرك زاد اكتر وبالتالى اصبحت السيارة انعم , بعد كدة الدنيا الى حد ما بتتساوى , لكن فعليا انا مش هقتنع بالفتيس ال 6 سرعات او ال7 سرعات غير لما يكون موجود على محرك قوى يقدر يستفيد من قوة المحرك ويترجمها لسرعة وعزم

* دة كلة بردة مايمنعش انى اقول ان الهوندا متأخرة فى المنافسة بس الكلام دة فين عندنا بس لكن فى الخارج مع تعدد المحركات والاوبشن , متفوقة ومحبوبة

[QUOTE=formulator;3873996905]

-

الموضوع: حصريا: تغطية وصول السيفيك 2012 الى مصر - أسعار ومواصفات وصور

LinkBack

أدوات الموضوع

عرض

-

-

-

-

-

-

المواضيع المتشابهه

حصريا تغطية وصول الكورولا 2013 بالصور [كماليات - اسعار - فئات]

حصريا: تغطية وصول سـيــتــي 2012 الى مصر - أسعار ومواصفات وصور

حصريا: تغطية وصول سـيــتــي 2012 الى مصر - أسعار ومواصفات وصور

حصريا .....تغطية معرض فورميلا الاهرام 2012 ... جناح كيا

أسعار ومواصفات الإلنترا الخليجى 2012

الكلمات الدلالية لهذا الموضوع

المفضلات

المفضلات

ضوابط المشاركة