الموضوع: حصريا: تغطية وصول السيفيك 2012 الى مصر - أسعار ومواصفات وصور

المشاركة الأصلية كتبت بواسطة Horsepower

السلام عليكم،
النهاردة عملت زيارة للتوكيل وشوفت السيفيك بصراحة انا محتار في هوندا،،،
ال VTI تم اضافة نظام ال ECON وشاشة عرض بيانات وشكرا ،،،، ما صدمني انهم شالوا الpaddle shift من الطارة وشالوا فوانيس الزينون وشالوا ال fog light الأمامي وشالوا كنترول التحكم الاوتوماتيك في مستوى ضوء المصابيح الأمامية وشالوا فرش الجلد!!!!!
ال LXI تم اضافة ال VSA وال ECON system وشاشة عرض بيانات فقيرة جداً في معلوماتها مقارنة بال VTI ,,,,, الغريب انها فعلا جنوط ١٥ بوصة وكاوتش ١٨٥!!!!
ال ground clearance ,,, العربية بقيت اعلى عن الارض ١٦٦ مم، مقارنة بالجيل السابق ١٥٤ مم ،،، كدة السيفيك بقت اعلى عربية سيدان في العالم :))) ،،،، اعلى حتى من الامبريزا :))
ال wheel base بقى اقل ٣ مم ،،، فرق بسيط
الخامة اللي معمول منها التابلوه وفرش الأبواب من جوة (((زفت الزفت))) حاجة كدة بلاستيك صيني على ابوه :((((((
الفوانيس الخلفية مختلفة شوية عن الصور اللي فوق ،،، الفانوس الابيض اللي في النصف داخل في الشنطة ومخلي شكلها ارحم شوية.
الخلاصة ان العربية دي هايحصل عليها جدال كتير جداً مابين مؤيد ومعارض والكل هايبقى معاه حق.

جالك كلامي ؟
عامة ال wheel base قصرت أكتر من كده, و راجع الكلام ده من النت

المشاركة الأصلية كتبت بواسطة Horsepower

والله يا حسام بيه انا فعلا مش عارف ،،،، والأغرب ان عليها إقبال كبير جداً والتوكيل زحمة من الناس اللي بتتفرج وتتعاقد عليها ،،،، اعرف واحد في المبيعات معرفة شخصية بيقولي الطلب عليها اعلى من الطلب على الجيل السابق اول ما نزل برضه!!!!!!!
.

احب اقولك ببساطة شديدة انه كداب و بيعمل بروباجندا مش أكتر
احنا حجزنا العربية لأختي يوم الخميس بـ 30 ألف و كملنا الفلوس يوم السبت و كنا مفروض نستلم انهارده بس هي اتقفلت منها لما شافتها و ساقتها و قررت إنها هتستني لما الدفعة التانية توصل أهو تكون العربية اتجربت
الفكرة بقى إن الرجل في الاول يقولنا الحق و مش الحق و في الاخر تلاقي كل الألوان لسة موجودة و صحيح الدنيا زحمة بس كله عايز يتفرج مش أكتر