حصريا: تغطية وصول السيفيك 2012 الى مصر - أسعار ومواصفات وصور

**hany63** · 20-12-2011 12:55 PM

المشاركة الأصلية كتبت بواسطة hany63

بالنسبه لموضوع الفتيس عن تجربه في عربياتي افضلهم 5 نقلات للاوتو العادي وهاشرح ليه

1-الفتيس 4 نقله ميزته طول زمن الغيار بس عيبه قله العزم ولو سقطت التالت على 100 كم يبقى قرصت على الموتور
2-الفتيس 6 نقلات ميزته انه بيوفر عزم عشان زمن النقله قليل وال ار بي ام بيبقى عالى نسبيا في بدايه النقله بس عيبه الاحساس المستمر بالنقلات (عشان العربيه بتنقل اكتر من الاربعه) وعدد ال delay بين النقلات هايزيد

يبقي خير الامور الوسط (5 غيار)وفعلا موضوع الشيفت في ال VTI حاجه تانيه كفايه انك بتسقط بمزاجك وعلي اي RPM بدون Delay
وكمان تقدر تثبت الرابع من اول سرعة 70 لحد 140 كم

الخلاصه

**CryptonX** · 21-12-2011 02:37 PM

ده حتى هوندا اعترفت يا شيخ :)

هوندا امريكا قالت للوكلاء و الموزعين ان ال FACELIFT و ال REDESIGN للسيفيك دي حينزل قبل مال 2012 تخلص !!
يعني العربية مش حتكمل سنة واحدة و الFACELIFT جاي .. و ده طبعا اعتراف واضح و صحيح منهم انها فاشلة بكل المقاييس و بالتالي حيحاول "يحسنوا" لانهم بالطبع لن يستطيعوا تغييرها كاملة في الفترة البسيطة دي .

قلبي على الي صممها و اشتغل فيها .. زمانه اترفد :)

Honda To Dealers: Reworked Civic coming before end of 2012

**SAMEH_FOUAD** · 22-12-2011 11:11 AM

معاك ان اليابانى لسة مدخلش مرحلة التطوير فى الاشكال لكن ماتقولش ابدا ان اعطالة كتير

حضرتك لو شوفت تقرير j.d power هتلاقى ان الهوندا واخدة المركز التانى بعد الليكزس والفرق مابينهم حاجة بسيطة معلش اللى بياخد اعلى السيارات اعطال هية الفورد والاوروبى والكورى والصينى بس اليابانى بتركبة وتنساة وعن تجربة ولو مش مصدق اسأل عن ى حد معاة يابانى وهو هيقولك

معلش الاوروبى اة بتاخد منة فخامة وثبات وتكنولوجيا وكل حاجة بس فى مقابل اسعار قطع غيار غالية وبتتغير فى فترات قريبة مش بعيدة

مواتير الهوندا اللى بتقولوا عليها فكر قديم اداءها احسن من اى محرك 1600 مزود بتكنولوجيا 2012 والدليل على كدة هات اى حد يجرى مع سيفيك موديل 2007 وورينى هيعمل معاة اية بس يكون متفقين انهم يجروا مع بعض

محركات ال SiR ال 1600 سى سى اللى بقالها فى السوق 20 سنة بتجرى لحد الان بقوة رهيبة مع اقوى عربيات من 2012 وقوة محركاتهم بتوصل ل160 حصان و 200 حصان وبتبهدلهم مع وجود الثبات الكامل والنعومة فى الاداء ومتعة القيادة وكل دة بدون وجود تيربو

ياجماعة اللى عايز اوصلة ان محدش يقول على محرك من صنع هوندا انة تكنولوجيا قديمة

احنا لو جينا هنا فى الخليج هنلاقى ان المحرك اللى بينزل 140 حصان من 1800 سى سى مانيوال 6 سرعات , واتوماتيك 5 سرعات مزود ب PADLLE SHIFT رهيييييييييييب

احنا لو اتكلمنا على التصميم اة هنلاقى ان الهوندا مستواها نزل فى الموضوع دة مقارنة بالكورى او الصينى , لكن للتعديلات اللى حصلت اعتقد زادت وتطورت

واكيد كل حاجة وليها وقت وممكن ينزل مستواها فجأءة ودة اللى حصل مع هوندا من سنة 1992 -2000 عملت مودليين من السيفيك تحفة , ورجعت تدهورت فى 2001-2005 اتنازلت عن حاجات كتير فى سبيل الراحة ورجعت مسكت الدنيا فى 2006-2011 ورجعت خسرتها تانى فى 2012 بس ان شاء الله مش هتستنى 2017 وهتظبط الدنيا بالكتير فى 2014 لان فعلا اللى بيركب هوندا مش هيتنازل

ودية فرصة للكورى انة يظبط عربياتة بس للاسف اعتقد انة بردة مابيتعلمش هو كمان ومش عارف يداوى اخطاءة ومتمسك بالشكل والاوبشن كهدف اول على حساب اى حاجة تانى وعشان تركب كورى محترم يبقى انت عايز ال FULL LOADED على الاقل الكلام هنا فى مصر

**Horsepower** · 22-12-2011 10:15 PM

اولا الله ينور باشمهندس ماجد على التقرير،،،
ثانيا بعيدا عن انهي شكل أحلى القديم ام الجديد ،،، انا شايف ان العربية دي (الجيل التاسع) بالإمكانات دي اصبحت أرخص من الجيل الثامن ،،، دلوقتي الLXI بقى فيها زيادة عن الجيل الثامن VSA كامل وفوانيس شبورة وECON system وكومبيوتر رحلات وبيانات بشاشة 5 بوصة ،،، كل ده المفروض يزود السعر حوالي 30 ألف جنيه مش 10 آلاف جنيه بس ،،،، فوانيس الشبورة لوحدها ب 4،000 جنيه غير التركيب.
انتم واخدين بالكوم ان السيفيك الجيل التاسع ال LXI بقيت منافس قوي للجيل الثامن ال VTI في الأساسيات؟!!
بصراحة انا الاول كنت باقول عليها غالية بس دلوقتي رأيي اتغير لأني ماكنتش اعرف ان ال LXI بقى فيها إمكانيات تستحق اكثر من فرق السعر بكثير.

**Unendlich** · 22-12-2011 11:17 PM

المشاركة الأصلية كتبت بواسطة Horsepower

اولا الله ينور باشمهندس ماجد على التقرير،،،
ثانيا بعيدا عن انهي شكل أحلى القديم ام الجديد ،،، انا شايف ان العربية دي (الجيل التاسع) بالإمكانات دي اصبحت أرخص من الجيل الثامن ،،، دلوقتي الLXI بقى فيها زيادة عن الجيل الثامن VSA كامل وفوانيس شبورة وECON system وكومبيوتر رحلات وبيانات بشاشة 5 بوصة ،،، كل ده المفروض يزود السعر حوالي 30 ألف جنيه مش 10 آلاف جنيه بس ،،،، فوانيس الشبورة لوحدها ب 4،000 جنيه غير التركيب.
انتم واخدين بالكوم ان السيفيك الجيل التاسع ال LXI بقيت منافس قوي للجيل الثامن ال VTI في الأساسيات؟!!
بصراحة انا الاول كنت باقول عليها غالية بس دلوقتي رأيي اتغير لأني ماكنتش اعرف ان ال LXI بقى فيها إمكانيات تستحق اكثر من فرق السعر بكثير.

كمبيوتر الرحلات ده مش اوبشن خااالص, احنا في 2012 يا سيدي الفاضل
وال ECON system موجود في الاكسنت RB , يعني مش حاجة من المريخ
و أضواء الشبورة دي خلفية مش امامية, يعني تكلفتها لمبة زيادة في الفانوس الخلفي, و ده شيء موجود في أي عربية اوروبي محترمة من السبعينيات, برده مش حاجة جديدة
حتى الطاسات, رجعوا تاني لل 15 , بعد ما كانوا بدأوا يحطوا كله 16 , طاسة أو جنط
مع فائق احترامي و حبي للهوندا, السعر ده مبالغ فيه بشكل سخيف, دي بقت أغلى من الجولف و الجيتا !!
و بعدين إيه المنظر ده ؟!؟!

**Horsepower** · 23-12-2011 02:09 AM

المشاركة الأصلية كتبت بواسطة unendlich

كمبيوتر الرحلات ده مش اوبشن خااالص, احنا في 2012 يا سيدي الفاضل
وال econ system موجود في الاكسنت rb , يعني مش حاجة من المريخ
و أضواء الشبورة دي خلفية مش امامية, يعني تكلفتها لمبة زيادة في الفانوس الخلفي, و ده شيء موجود في أي عربية اوروبي محترمة من السبعينيات, برده مش حاجة جديدة
حتى الطاسات, رجعوا تاني لل 15 , بعد ما كانوا بدأوا يحطوا كله 16 , طاسة أو جنط
مع فائق احترامي و حبي للهوندا, السعر ده مبالغ فيه بشكل سخيف, دي بقت أغلى من الجولف و الجيتا !!
و بعدين إيه المنظر ده ؟!؟!

السلام عليكم،
الأكيد ان حضرتك ما فهمتش كلامي ،،، انا باقارن بين نفس المستوى للعربية بين الجيل الحالي وما قبله!!! ،،، باقول الجديد (أضافوله) ايه ،،،، وباشوف الإضافات دي تستحق زيادة السعر عن السعر القديم واللا لَا!
ممكن تكون انت شايف الشاشة الجديدة حاجة مش مهمة بس احب الفت انتباهك ان (كل) الفولكس من الباسات للجيتا للجولف وانت نازل مافيهمش شاشات عرض زي دي! صح والا غلط؟
وماينفعش نقارن جودة الأنظمة الياباني بالكوري ونقول ال ECON system ده زي ده!!!
صاحب الموضوع كاتب ان ال VTI نازلة بجنوط سبور (١٦) وده معناه ان أكيد ال LXI نازلة برضه بجنوط ١٦ بس حديد وطاسات!
وماعرفش حضرتك متأكد ان صاحب الموضوع يقصد ان ال lxi نازلة بفوانيس شبورة (خلفية)؟!! انا فهمتها أمامية !

**shadyawad** · 23-12-2011 02:44 PM

موضوع معمول حلو من ضحب الموضوع

بس العربيه دي ب السعر ده استهبال رسمي

الفانتازيا كده برقبتها من حيث السعر

**Horsepower** · 23-12-2011 03:12 PM

المشاركة الأصلية كتبت بواسطة shadyawad

موضوع معمول حلو من ضحب الموضوع

بس العربيه دي ب السعر ده استهبال رسمي

الفانتازيا كده برقبتها من حيث السعر

بس الفانتازيا مابينزلش فيها ESP اللي هو زي ال VSA الا في المستوى ال highline بتاعها اللي ب 220،000 جنيه وكمان مافيهاش ECON system ده غير ان ماتور السيفك أقوى بأكثر من 20 حصان

-

-

الموضوع: حصريا: تغطية وصول السيفيك 2012 الى مصر - أسعار ومواصفات وصور

LinkBack

أدوات الموضوع

عرض

-

-

-

-

-

المواضيع المتشابهه

حصريا تغطية وصول الكورولا 2013 بالصور [كماليات - اسعار - فئات]

حصريا: تغطية وصول سـيــتــي 2012 الى مصر - أسعار ومواصفات وصور

حصريا: تغطية وصول سـيــتــي 2012 الى مصر - أسعار ومواصفات وصور

حصريا .....تغطية معرض فورميلا الاهرام 2012 ... جناح كيا

أسعار ومواصفات الإلنترا الخليجى 2012

الكلمات الدلالية لهذا الموضوع

المفضلات

المفضلات

ضوابط المشاركة