حصريا: تغطية وصول السيفيك 2012 الى مصر - أسعار ومواصفات وصور

**hany63** · 19-12-2011 11:03 AM

بالنسبه لموضوع الفتيس عن تجربه في عربياتي افضلهم 5 نقلات للاوتو العادي وهاشرح ليه

1-الفتيس 4 نقله ميزته طول زمن الغيار بس عيبه قله العزم ولو سقطت التالت على 100 كم يبقى قرصت على الموتور
2-الفتيس 6 نقلات ميزته انه بيوفر عزم عشان زمن النقله قليل وال ار بي ام بيبقى عالى نسبيا في بدايه النقله بس عيبه الاحساس المستمر بالنقلات (عشان العربيه بتنقل اكتر من الاربعه) وعدد ال delay بين النقلات هايزيد

يبقي خير الامور الوسط (5 غيار)وفعلا موضوع الشيفت في ال VTI حاجه تانيه كفايه انك بتسقط بمزاجك وعلي اي RPM بدون Delay
وكمان تقدر تثبت الرابع من اول سرعة 70 لحد 140 كم

**eng_maged** · 19-12-2011 01:39 PM

المشاركة الأصلية كتبت بواسطة semsem kane

ياباشا اهلا بيك ونورت القسم كالعادة

انا معاك ان اسم 6 سرعات فى الفتيس بيوحى بالقوة والتكنولوجيا

لكن انا مش متفق معاك فى نقطة ان الفتيس ال6 سرعات بيدى تسارع احسن يعنى فى الجيتا او السيراتو السحب والسرعة القصوى لم يتغيروا انا سوقت الاتنين سيراتو 6 سرعات والعادية مافيش فرق , يمكن الافادة اللى انا لاحظتها هية توفير فى البنزين بحوالى 2 لتر لكل 100 كيلو يعنى 40 كيلو زيادة تقدر تمشيها , غير كدة صدقنى محستش بأى اختلاف ملحوظ

عن تجربه شخصيه يا سمسم
في فرق كبيير اوي اوي اوي اوي بين الفتيس ال 4 وال 6
بس مش في التسارع من 0 الى 100 لكن في الشد المتغير بمعنى ايه

مثلا سيراتو 4 نقلات وسيراتو 6 نقلات
بيشدوا مع بعض من 0 الى 100 النتيجه واحده
لكن بيشدوا مع بعض في طريق زحمه وغرز وسحب وفرامل وسحب وجري وكده - ال 6 سرعات تفرق طبعا
طيب ليه
لان عند نقطه معينه الواحد ماشي ثابت وال rpm على 4 مثلا وبعدين تدوس بنزين جامد
العربيه ال 6 نقلات اكيد هتنقل شيفت لتحت
لكن ال 4 ممكن متنقلش وساعتها هيبقى في فرق في العزم

مثال اخر
لو انت دايس بنزين على الاخر
العربيه ال 4 نقلات ممكن تجيب من 90 الى 150 على النقله التالته يعني من rpm يساوي 4000 الى 6500
العربيه ال 6 نقلات عشان تجيب من 90 الى 150 هتكون شويه على التالته من rpm يساوي 5000 الى 6500 ثم الرابعه من rpm يساوي 5500 الى 6000 مثلا

ساعتها اكيد عزم ال 6 نقلات هيكون اكتر وهتفرق عن ال 4 نقلات

**SAMEH_FOUAD** · 19-12-2011 03:21 PM

المشاركة الأصلية كتبت بواسطة eng_maged

عن تجربه شخصيه يا سمسم
في فرق كبيير اوي اوي اوي اوي بين الفتيس ال 4 وال 6
بس مش في التسارع من 0 الى 100 لكن في الشد المتغير بمعنى ايه

مثلا سيراتو 4 نقلات وسيراتو 6 نقلات
بيشدوا مع بعض من 0 الى 100 النتيجه واحده
لكن بيشدوا مع بعض في طريق زحمه وغرز وسحب وفرامل وسحب وجري وكده - ال 6 سرعات تفرق طبعا
طيب ليه
لان عند نقطه معينه الواحد ماشي ثابت وال rpm على 4 مثلا وبعدين تدوس بنزين جامد
العربيه ال 6 نقلات اكيد هتنقل شيفت لتحت
لكن ال 4 ممكن متنقلش وساعتها هيبقى في فرق في العزم

مثال اخر
لو انت دايس بنزين على الاخر
العربيه ال 4 نقلات ممكن تجيب من 90 الى 150 على النقله التالته يعني من rpm يساوي 4000 الى 6500
العربيه ال 6 نقلات عشان تجيب من 90 الى 150 هتكون شويه على التالته من rpm يساوي 5000 الى 6500 ثم الرابعه من rpm يساوي 5500 الى 6000 مثلا

ساعتها اكيد عزم ال 6 نقلات هيكون اكتر وهتفرق عن ال 4 نقلات

والله ياباشا مش هعرف احكم على الموضوع دة لانى ماجرتش غرز , كان الجرى فى ال straight , ولما سوقت الاتنين محستش بفرق فى السحب

عموما انا فى نظرى ان طالما المحرك سعتة اقل من 2000 سى سى ومحرك عادى غير رياضى يبقى كدة احلى فتيس عليها هيكون ال5 سرعات اى زيادة بقى خير وبركة بس بدون داعى

يعنى انا لو عمليا : طالما السيارة التوب سبيد والتسارع بتاعها 5 او 6 نقلات زى بعض يبقى كدة مافيش لزمة لاتنين الا فى حالة لو انا بمشى هادى يبقى كدة هتوفر معايا بنزين وبردة مش للدرجة اللى تستاهل

يبقى كدة انا من وجهة نظرى ان الموضوع دة غير مؤثر سوى فى استهلاك البنزين - والنعومة

عموما انا عن نفسى لو سيفيك 5 سرعات + paddle shift افضل بالنسبالى من فتيس 6 سرعات او سبع سرعات بتاع السيراتو او الجيتا

**Formulator** · 19-12-2011 03:52 PM

أؤيد رأى الباشمهندس eng_maged بشدة,

باختصار:
لما توزع الـGear Ratio بتاع الفتيس الـ4 سرعات على 6 سرعات.. هتقدر تعمل أيــــــــــه؟؟!

- تزود نسبة الترس الـ1st.. وتقرب الـ2nd: تسارع أفضل من الـ 0-50/60 -100
- تقلل نسبة الـ6th: يبقى Top-Speed أعلى على rpm أقل (طبعا فـ حدود الموتور زى مابتقول يا سمسم).. لكن بتجيب آخرها.

هو كل الحكاية انه بيـmanipulate منحنى العزم بتاع الموتور, عن طريق تعديل نسب الجيربوكس, وتغيير الـShift-points..؟؟!!!

بمعنى آخر:
بيخليك دايما سايق والـrpm فى منطقة الـMax Torque بتاعة الموتور.. يبقى كده مرونة اكثر فـ السرعات vs الـrpm مع نسب علبة التروس..

خد بالك برضه من حاجة يا سمسم:
فـ كتير من العربيات الأوروبى (مش السيراتو) بيديك كذا Shift-mode للفتيس الـ6/7 سرعات..

يعنى تقدر تمشى 80 كم/س على الغيار الـ6th.. والـrpm على 1800... فى الـEco Mode
وتقدر تمشى 80 كم/س على الغيار الـ4th.. والـrpm على 2500 مثلا... فـ الـNormal Mode
وتقدر تمشى 80 كم/س على الغيار الـ3rd.. والـrpm على 3250... فـ الـSport-Mode

وفيه عربيات فـ السبورت-مود: مش هتوصل للـTop-Gear أصلا (زى الجولف الـGTi فـ الـSport بتقفل على 5 غيارات, مفيش 6th)..؟؟!!!

الـDriveability دى.. مستحيــــــــــــــــــــ ل تتحقق بفتيس 4 او 5 سرعات ابدااااااااااااااا...

**hany63** · 19-12-2011 11:49 PM

اعتقد ان السعر مش غالي لسبب ان اسعار السلع ولعت عموما بعد الثوره من 15 ل 30%
بدليل الالنترا ب 155 الف و حتى الاوروبي زاد بالرغم ان جمركه نزل وربنا يستر وماتزديش عن كده

**eng_maged** · 20-12-2011 09:10 AM

شكرا ليك يا فورميولاتر وكلامك جميل اوي

انا رسمتلك يا سمسم رسم كروكي كده لعربيه 4 نقلات والتانيه 6 نقلات
والاتنين دايسين بنزين على الاخر
بص على علاقة السرعة بال RPM

ال 4 نقلات

لكن ال 6 نقلات

خد بالك من حاجه

بالنسبة للاربع نقلات وخلال التسارع من 0 الى 180 متوسط عدد لفات الموتور حوالي 4700 لفة

بالنسبة للست نقلات وخلال التسارع من 0 الى 180 متوسط عدد لفات الموتور حوالي 5400 لفة

هسيبك انت بقه تحدد انهي هيكون التسارع بتاعه اكتر

طيب لو زودنا عدد النقلات الى 10 المتوسط ده هيزيد
طيب لو 20 هيزيد اكتر

طيب مالو كده كانوا يزودوها لغايه 100
المشكله بقه انه مينفعش وهنيجي عند لحظه معينه هيكون ال Shifting Periods اكبر من التحسن الملحوظ في التسارع

واكيد الشركات دارسه النقطه ده وكل لما بيزودا عدد النقلات لازم يخدوا بالهم من ال Shifting periods

بص انا برضه رسمت المنحنى ده كروكي كده عشان يوضح ان اكيد عند نقطه معينه التسارع هيضيع في ال Shifting periods والنقطه ده هي نقطه التقاطع

**Formulator** · 20-12-2011 10:02 AM

+111111111

استااااااااااااذ, وشكرا للـillustration الجاااااااااااامد...

**SAMEH_FOUAD** · 20-12-2011 10:32 AM

طيب كل دة تمام جدا وممتاز

بس احنا هنا كلامنا على الخمس سرعات مش الاربعة واكيد كلنا عارفين ان الاربع سرعات اصلا ضعيف فى نقط كتير

لكن الخمسة مافيش فية فرق كبير مابين ال6 سرعات غير فى النقط اللى احنا اتفقنا عليها الا لو على محرك 2000 سى سى فأكتر واى فرق مش هيتعدى ال 10 % او ال 15 % فى التسارع

انا مش معترض على ان ال6 سرعات احسن من ال 5 سرعات

بس كل اعتراضى ان ال6 سرعات فى نظرى على محرك ضعيف مالوش اى اهمية فى اعتبارى طالما مافيش اى تغيرات حصلت على المحرك تساعدك على ان الفرق دة يظهر

يعنى مثلا ال6 سرعات مهم فى البرافو hp 150 ال t- jet ومش مهم بالنسبالى فى الجيتا سواء هو او ال dsg

مش مهم بالنسالى فى ال bmw 316 لكن مهم جدا فى ال 320 ويكون سبع سرعات و 8 كمان مش 6 بس لانة محرك قوتة عالية وعزمة كويس

فية حاجة اسمها نسبة وتناسب دة من وجهة نظرى انا مش معترض على كلامكوا فى اى حاجة قولتوها

وارجع واقول كان من المفروض ان هوندا تنزل الفتيس ال 6 سرعات لمواكبة العصر والتكنولوجيا , لكن بردة اقول انا مش شايف داعى انها تكون 6 سرعات لان المحرك مش عالى القوة 123 حصان

فى الاول وفى الاخر حتى لو الفتيس فرق هيبقى الفرق نصف ثانية واقل كمان مش اكتر

لكن الميزة اللى فيها هو توفير الاستهلاك والنعومة فى الاداء , وممكن يكون اثناء المناورات افضل او مع تكرار الضغط على بدال البنزين والفرامل

وكان فية مشاركة فى المنتدى لشخصين كانوا بيشدوا مع بعض واحد كان فى سيراتو 5 سبيد والتانى ب6 سبيد والنتيجة ان التعادل فى التسارع لحد 100

-

-

الموضوع: حصريا: تغطية وصول السيفيك 2012 الى مصر - أسعار ومواصفات وصور

LinkBack

أدوات الموضوع

عرض

-

-

-

-

المواضيع المتشابهه

حصريا تغطية وصول الكورولا 2013 بالصور [كماليات - اسعار - فئات]

حصريا: تغطية وصول سـيــتــي 2012 الى مصر - أسعار ومواصفات وصور

حصريا: تغطية وصول سـيــتــي 2012 الى مصر - أسعار ومواصفات وصور

حصريا .....تغطية معرض فورميلا الاهرام 2012 ... جناح كيا

أسعار ومواصفات الإلنترا الخليجى 2012

الكلمات الدلالية لهذا الموضوع

المفضلات

المفضلات

ضوابط المشاركة