الموضوع: حصريا: تغطية وصول السيفيك 2012 الى مصر - أسعار ومواصفات وصور

المشاركة الأصلية كتبت بواسطة Horsepower

السلام عليكم،
الأكيد ان حضرتك ما فهمتش كلامي ،،، انا باقارن بين نفس المستوى للعربية بين الجيل الحالي وما قبله!!! ،،، باقول الجديد (أضافوله) ايه ،،،، وباشوف الإضافات دي تستحق زيادة السعر عن السعر القديم واللا لَا!
ممكن تكون انت شايف الشاشة الجديدة حاجة مش مهمة بس احب الفت انتباهك ان (كل) الفولكس من الباسات للجيتا للجولف وانت نازل مافيهمش شاشات عرض زي دي! صح والا غلط؟
وماينفعش نقارن جودة الأنظمة الياباني بالكوري ونقول ال ECON system ده زي ده!!!
صاحب الموضوع كاتب ان ال VTI نازلة بجنوط سبور (١٦) وده معناه ان أكيد ال LXI نازلة برضه بجنوط ١٦ بس حديد وطاسات!
وماعرفش حضرتك متأكد ان صاحب الموضوع يقصد ان ال lxi نازلة بفوانيس شبورة (خلفية)؟!! انا فهمتها أمامية !

شاشة ايه يا باشا الي مش في الفولكس دي
الباسات فيها اوتو بارك مش هيبقي فيها شاشة لعرض البيانات

المشاركة الأصلية كتبت بواسطة bob12345

شاشة ايه يا باشا الي مش في الفولكس دي
الباسات فيها اوتو بارك مش هيبقي فيها شاشة لعرض البيانات

ماتزعلش يا سيدي انا كنت باتكلم عن الباسات القديمة ،،، وهي يعني الباسات كدة زي السيفيك؟!!
:)))

المشاركة الأصلية كتبت بواسطة horsepower

ماتزعلش يا سيدي انا كنت باتكلم عن الباسات القديمة ،،، وهي يعني الباسات كدة زي السيفيك؟!!
:)))

فعلا الباسات مو 2000 مفهاش شاشة

المشاركة الأصلية كتبت بواسطة bob12345

فعلا الباسات مو 2000 مفهاش شاشة

لا مش موديل 2000 بس ،،، ده لحد موديل السنة اللي فاتت 2010 بالموتور ال 1.4 tsi ماكانش فيها شاشة.

هي ايه فكرة حضرتك عن الشاشة
الشاشة دي بتعرض لحضرتك معلومات عن العربية
الشاشة دي موجودة من زممممممماااااااااان اوي مع اختلاف الاشكال
انا معايا دودج مو 91 فيها شاشة بيانات
الباسات ال 2009 و الجيتا و الجولف و التيجوان و التوران وال ايوس ال 2009
فيهم الشاشة البيانات الي في نص العدادت و فيهم ال rcd 510
الي فيه جي بي اس و وكاميرا و تلفيزيون لو عايز

المشاركة الأصلية كتبت بواسطة bob12345

هي ايه فكرة حضرتك عن الشاشة
الشاشة دي بتعرض لحضرتك معلومات عن العربية
الشاشة دي موجودة من زممممممماااااااااان اوي مع اختلاف الاشكال
انا معايا دودج مو 91 فيها شاشة بيانات
الباسات ال 2009 و الجيتا و الجولف و التيجوان و التوران وال ايوس ال 2009
فيهم الشاشة البيانات الي في نص العدادت و فيهم ال rcd 510
الي فيه جي بي اس و وكاميرا و تلفيزيون لو عايز

بعيد عن فكرتي عن مفهوم الشاشات ،،، إحنا بنتكلم هنا عن شاشة السيفيك الجديدة ال ٢٥٦ لون (الشاشة اللي في نصف التابلوه) اللي بتعرض كل بيانات العربية + بيانات تشغيل الموسيقى + بيانات المكالمات والاتصال ،،، ولا حد جاب سيرة الشاشة اللي في نصف العداد (اللي بتعرض انهي باب مفتوح ودرجة الحرارة والبنزين والمسافة المتبقية على البنزين،،الخ) الا حضرتك ،،،، وعلى فكرة الشاشة اللي في نصف العدادات دي موجودة في الاكورد موديل 82 بس مش بكل الإمكانيات دي طبعا.

السلام عليكم،
النهاردة عملت زيارة للتوكيل وشوفت السيفيك بصراحة انا محتار في هوندا،،،
ال VTI تم اضافة نظام ال ECON وشاشة عرض بيانات وشكرا ،،،، ما صدمني انهم شالوا الpaddle shift من الطارة وشالوا فوانيس الزينون وشالوا ال fog light الأمامي وشالوا كنترول التحكم الاوتوماتيك في مستوى ضوء المصابيح الأمامية وشالوا فرش الجلد!!!!!
ال LXI تم اضافة ال VSA وال ECON system وشاشة عرض بيانات فقيرة جداً في معلوماتها مقارنة بال VTI ,,,,, الغريب انها فعلا جنوط ١٥ بوصة وكاوتش ١٨٥!!!!
ال ground clearance ,,, العربية بقيت اعلى عن الارض ١٦٦ مم، مقارنة بالجيل السابق ١٥٤ مم ،،، كدة السيفيك بقت اعلى عربية سيدان في العالم :))) ،،،، اعلى حتى من الامبريزا :))
ال wheel base بقى اقل ٣ مم ،،، فرق بسيط
الخامة اللي معمول منها التابلوه وفرش الأبواب من جوة (((زفت الزفت))) حاجة كدة بلاستيك صيني على ابوه :((((((
الفوانيس الخلفية مختلفة شوية عن الصور اللي فوق ،،، الفانوس الابيض اللي في النصف داخل في الشنطة ومخلي شكلها ارحم شوية.
الخلاصة ان العربية دي هايحصل عليها جدال كتير جداً مابين مؤيد ومعارض والكل هايبقى معاه حق.