رابطة مالكى الاكسيل-الجزء الثانى

**hamisa08** · 18-12-2013 01:24 PM

المشاركة الأصلية كتبت بواسطة amoor89

طيب انت متأكد الأول ان مفيش تسريب من غطا التاكيهات لان الموضوع ده حصل عندى واكتشفت انه من غطا التاكيهات ومكانش باين التسريب منه من فوق كان بيظهر ترشيح على المكنة من تحت

طب ازاى اعرف انها من غطاء التيكيهات ؟؟؟

**hamisa08** · 20-12-2013 02:03 AM

لما هيغير اولسية الكرنك اللى تحت زيت موتور هينزل ؟؟؟

**Magoda** · 20-12-2013 07:07 PM

بسم الله الرحمن الرحيم

إزيكم يا إكسلااااوية عاملين ايه وحشنى كتيييييييييير والله

النهارده كان يوم شيق نزلت عملت شوية حاجات فى العربيه ريحونى نفسياً وقلت أقلكم عليها

نزلت روحت السروجى فك لى الكرسى عشان اتقطم من عند طرف المجرا قرب المسمار اللى على الشمال من قدام وقالى أصل ده عصب المجرا ورأييى تغيره وتجيب كرسى جديد المهم فكيته ولحمته ودفعت الـ 20ج

بعديها روحت أغسل العربيه عشان كنت عايز أركب الكارتيرا عشان اللى عندى مقطوعين روحت غسلتها بـ 40ج وروحت إشتريت الكارتيرا لاقيت

نوع صينى الطقم بـ 45ج --- نوع تايلاندى بـ 70ج ---- الأصلى بـ 120ج + 10مسامير أصلى بـ 10ج

جبت الأصلى وطلعت على الراجل ركبهملى وقالى دول فعلا أصلى عشان مكان الفتحات مكان المسامير مظبوطة يعنى وقالى انهم حاجه مهمة جداً عشان البارومة وهتحافظلك على العربيه وركبتهم بحمد الله والمصنعية 40ج

وأخيرااااً الاشارات اللى مغلبانا عشان مش بتركب مكانها وتلاقيها خارجة برا وشكلها وحش كان من فترة سنجارى قالى عشان تثبتها لازم تجبلها مسمارين شك وتدخلهم فى الأشارة عشان يثبتوا وفعلا ده اللى حصل عملت كدته وركبوا وبقا شكلهم جامد ووداعاً بقا للزق وكان بيخلى شكل العربيه وحش

أشووووووووووووووووفكم على خييييييييييير فى طلعه جديدة إنشاء الله

**msr2011** · 20-12-2013 07:33 PM

ممكن سؤال يا جماعة عندى سيارة اكسيل 95 لسه مشتريها جديد طلعت على طريق الجيش الصحراوى اجرب جبت بيها 120 ودايس بنزين على الاخر والعربية ثبات رائع وعفشة ممتازة لكن الغريب ان العربيه كده جايبه اخرها هل افهم ان الموتور حالته تعبانه ولا ايه ؟؟؟

**msr2011** · 20-12-2013 07:35 PM

العربية 1500 فابريكه بره وجوه اشتريتها ب 34000

**msr2011** · 20-12-2013 07:43 PM

اين الردود ياااااااااااا اكسيلاااااااااااااااااااا اااااااااااااويه ؟؟؟؟؟؟؟؟؟

**Magoda** · 20-12-2013 08:48 PM

المشاركة الأصلية كتبت بواسطة msr2011

ممكن سؤال يا جماعة عندى سيارة اكسيل 95 لسه مشتريها جديد طلعت على طريق الجيش الصحراوى اجرب جبت بيها 120 ودايس بنزين على الاخر والعربية ثبات رائع وعفشة ممتازة لكن الغريب ان العربيه كده جايبه اخرها هل افهم ان الموتور حالته تعبانه ولا ايه ؟؟؟

منور الرابطة يا إكسلااوى

السعر تمام وحالة العربيه كويسة والماتور كويس ومنصحكش تجيب بالاكسيل أكتر من 120 عشان العربيه خفيفة فى السرعات العاليه وربنا يباركلك فيها ويكفيك شرها
وبالنسبة لو انت عايز تجيب أكتر ممكن بقى عايزة تنضف كرابيتير أو طقم ديسك واسطوانة أو بوجيهات بس نصيحتى بلاش تلعب فى العربيه دلوقتى هيا كدته ممتازة

تحياتى