قول لنا بصراحة ... أية هى عيوب شخصيتك؟

**wael30003** · 28-01-2012 03:00 PM

المشاركة الأصلية كتبت بواسطة ahmed ezz

مشكلتي كمان بسامح بسهولة جدا جدا جداااااااا

ممكن يكون حد مثلا جارحني و اذاني جدا جدا ابقي مش طايقة في ساعتها بعد يوم ولاحاجة انسي كل حاجة

و دي عملتلي مشكلة كبيرة جدا في حياتي في فترة من الفترات

حرام عليك ده انا نفسى اكون زيك كده وادفع نصف مرتبى لمدة سنة نفسى انسى الاساءة
رسول الله قال لاصحابه يدخل عليكم اليوم رجل من اهل الجنه واعادها فى اليوم التالى وكان نفس الرجل والثالث فكان نفس الرجل
وكان السبب انه من اهل الجنة انه يبيت ليس فى صدره شىء لاحد
احمد ربنا على النعمة اللى انت فيها

**Ghosts** · 28-01-2012 04:39 PM

المشاركة الأصلية كتبت بواسطة Ghamrawy

انا مش متجوز او كنت متجوز بمعنى ادق و مش بافكر اتجوز تانى كمان

انا كده زى الفل الحمد لله

محلاها عيشة الحرية ....

من غير مراتى اللى نكدت عليا ....

**human** · 28-01-2012 04:40 PM

عيوب ايه؟؟؟

انا مافياش عيوب غير التواضع الشديد :)

**Ghosts** · 28-01-2012 04:44 PM

المشاركة الأصلية كتبت بواسطة human12

عيوب ايه؟؟؟

انا مافياش عيوب غير التواضع الشديد :)

تصدق أنت عندك حق ....
المتواضع اليومين دول مالوش مكان فى الغابة اللى أحنا عايشين فيها دى ....

**totaa** · 28-01-2012 10:34 PM

المشاركة الأصلية كتبت بواسطة Ghosts

هو أنتى برج الميزان ؟؟!!

ميزاااااااااااان صميم وحتى النخااااااااااع 20/10
وعندي مشكلة في تاريخ ميلادي هنا من وقت ما سجلت فى المنتدى ومن وقتها لما بحب أغيره لازم يكون الرد (( راجع الإداااااااارة )) وطبعا بكسل أعمل كدة ....

**A7MED_PHARMA** · 28-01-2012 10:42 PM

معظم الناس هنا
صفتهم المشتركة .. إنهم مش إجتماعيين
مش بقول على المطلق..أنا بقول المعظم

النت بتوفر بيئة كويسة للخفافيش زيي وزي ناس تانية
فعلا
التعامل المباشر مع الناس .. بيسبب كئابة وعزلة بسبب مليون سبب

**Ghosts** · 28-01-2012 10:47 PM

المشاركة الأصلية كتبت بواسطة totaa

ميزاااااااااااان صميم وحتى النخااااااااااع 20/10
وعندي مشكلة في تاريخ ميلادي هنا من وقت ما سجلت فى المنتدى ومن وقتها لما بحب أغيره لازم يكون الرد (( راجع الإداااااااارة )) وطبعا بكسل أعمل كدة ....

شوفتى أنا عرفت أزاى ....
أصل كان ليا زميلة فى الشغل زيك كدة بالظبط و كأنها هى اللى كاتبة المشاركة بتاعتك ....

إمرأة برج الميزان أنسانة مميزة جدآ فى كل حاجة ....
يعيبها فقط الحساسية المفرطة جدآ ....

**Mohab.Nabil** · 29-01-2012 12:57 AM

1- مش اجتماعى خالص و خجول ، دايما بحس انى لما اكلم حد هبقى كأنى برخم عليه او كده فمعظم الوقت بتجنب الكلام مع الناس ، و فيه ناس بتفتكرنى متكبر بسبب الموضوع ده ، مع ان ده مش صحيح

2- دايما حاسس بالزعل و الحزن ، مع ان الحمد لله شايف ان عندى كل حاجة اى حد فى سنى يتمناها ، قليل جدا لما بضحك و معظم الوقت مش بتبقى سعادة حقيقية من القلب

3 - و ده ابتديت احسه فى السنة الاخيرة ، ان مبقتش فارقة معايا حاجة ، حاسس انى فقدت الاحساس بكل حاجة يعنى موقف حلو يحصلى عادى موقف وحش يحصلى برضه عادى

4 - مش بعرف احرج حد خالص حتى لو احرجت نفسى بس محرجش حد !

**Donzi** · 29-01-2012 01:09 AM

اصبحت مؤخرا متقلبة المزاج جدا في لحظة تلاقيني اتقلبت من الفرح للزعل او من الهدوء للعصبية او من اي حاجة لعكسها بدون اي مبرر

زمان كنت لما بتضايق باكل كتير و بلخبط جدا في الاكل و الموضوع دا كان بيحصل لا إراديا بس الحمد لله سيطرت عليه و بقيت باكل شيكولاتة بس و مابلخبطتش

في صفة اتقالت عليا من زمايل كتير سواء دراسة او شغل و هي التحفز يعني لو حد عمل حاجة مش عاجباني في لحظة بقلب عليه و ابهدله و و و و يعني متحفزة دائما لاي حاجة ماتعجبنيش و تلاقيني فجأة بحدف طوب و اللي حواليا بيتقوا شري و دايما ينصحوا بعض قدامي ( محدش ينكش دينا او يا فلااان مالكش دعوة بدينا بالذات احسنلك ) بس انا مش شايفة انها صفة سيئة ان الواحد يبقى مابيسكتش عن حقه لاني بكره احساس الضعف بصراحة

كنت عصبية بس مقارنة بالسادة الرجال الزملاء فا انا كدا نسمة و برضو دربت نفسي الى حد كبير اني ماتعصبش كتير او احاول امسك نفسي شويتين كتيير عن زمان

تفتكروا ينفع اعيش كدا ولا اروح لدكتور نفساااااااااني ؟؟