الموضوع: رينو داستر الشكل الجديد - الآن في مصر

المشاركة الأصلية كتبت بواسطة stonecoldmido5

يارب حضرتك تكون بخير و جميع اعضاء المنتدي المحترمين انا عملت حوالي 11 الف , و الله جربتها في تبة عالية شوية من الرمل الناعم فالعربية اتعلقت مني بس كنت عاملها اوتو وطبعا ده ساعد علي غرزها اكتر و فضلت عجلة من الخلف متعلقة في الهواء و الباقي مغروز في الرمل لغاية نص الجنوط تقريبا و بالرغم من كده حطينا حجر كبير تحت العجلة الوحيدة اللي متعلقة و غيرنا نظام الدفع للرباعي و الحمد لله طلعت بسهولة لدرجة الار بي ام معداش 2.5.
فنصيحة لو حد حاب يجرب العربية في مطلع رملي يبقي لازم يغير الوضعية الي 4wd بدل من auto
معلهش كنت عايز اسأل سؤال غبي شوية هي الداستر دفع خلفي اساسا ؟ لاني لما غرزت حولت نظام الدفع الي 2wd لقيت العجلتين اللي ورا هما اللي بيتحركوا بس .

حمدا لله على السلامه. انا النهارده شفت اللون الاسود بتاعها كان شكلها حلو قوى ما شاء الله رغم انه لون مش عملى بس كان لايق عليها اوى و مش مصغرها

وياريت كمان تقولنا عن قطع الغيار بتاعتها عاملة ايه؟ واسعارها كام ؟ مثلا الفانوس الامامى والخلفى والمرايات وكذلك تيل الفرامل الامامى والخلفى ومقارنتها باليابنى والكورى. وياريت يكون بالارقام علشان المقارنة تبقى عملية وفعاله. وشكرا جزيلا على التعاون

المشاركة الأصلية كتبت بواسطة bebo2000

فعلا الواحد مقصر في حق المنتدى والاخوة الاعضاء وانا شخصيا زعلان من نفسي خصوصا انى عندي موضوعين عاوز اتكلم عنهم
اولهم :- التست درايف اللى عملته للنيسان قاشقاي اوتوماتيك والفروق بينها وبين الداستر
ثانيا:- مشوار للاسكندرية وانطباعي عن العربية في الجري على الصحراوى يوم الاربعاء اللى فات ( اليوم اللى كان الهوا فيه مكسر الدنيا ) واعلى سرعة جبتها بالعربية واستهلاك البنزين عند السرعة دي كان كام وثبات العربية وغيره ....
بس فعلا انا بحاول اجيب وقت اقعد على الجهاز اكتب خصوصا ان موضوع المقارنة مع القاشقاي ده فيه نقط كتير وانا بحب لما اقيم حاجة اقيمها بالتفصيل الممل :c_laugh[1]:
فمعلش اعذروني شوية علشان فعلا مزنقة معايا في الوقت خالص بس ان شاء الله خلال الاسبوع ده يكون الموضوع نزل

وياريت كمان تقولنا عن قطع الغيار بتاعتها عاملة ايه؟ واسعارها كام ؟ مثلا الفانوس الامامى والخلفى والمرايات وكذلك تيل الفرامل الامامى والخلفى ومقارنتها باليابنى والكورى. وياريت يكون بالارقام علشان المقارنة تبقى عملية وفعاله. وشكرا جزيلا على التعاون

انا عارف اني اخر واحد في الدستراوية يعمل مشاركة عن العربية في السفر وانكم كلكم سبقتوني حتى beeronasr استلم العربية وعلى الغردقة علطول
طبعا ان معنديش اضافة عن اللى قاله جوجو وبيرو عن العربية في طرق السفر بس تأكيدا لكلامهم هاقول على تجربتى مع العربية على طريق الاسكندرية الصحراوي الاربعاء اللى فات
طبعا دي كانت اول مرة اسافر بالعربية وكنت لسة بختبرها وخصوصا ان اليوم ده كان كله هوا جامد وتراب فقررت انى اعمل مؤدب وماجريش ( معلش لسة متعود على الافيو )
المهم عديت البوابات وابتديت اجري شوية العربية زي الفل
ازود كمان برضه مكلبشة في الارض وتغريك انك تزود اكتر
ازود اكتر واتعمد اقرب من عربية تريلا وانا بعدي منها علشان اشوف الهوا هايرمينى كام حارة زي ما كان بيحصل معايا بالافيو وكذا عربية سيدان من بتوع صحابي ولا العربية اتحركت شبر واحد من مكانها
بعدها قلت مابدهاش دوس يا واد بنزين ولا يهمك العربية دي ثباتها ولا العربيات الكوبيه ودي صورة للذكرى للعداد وانا على 170 كلم بس بصراحة خفت ازود عن كدة يا كاوتش يحصل فيه حاجة ويضيعنى

وبنهاية التجربة دي اقدر اقولكم على شوية ملاحظات على العربية:-

1- التسارع بتاع العربية لغاية ال 120 كلم زي اى عربية سيدان بالعكس انا حاسس ان موضوع العزم العالى بتاع الغيارات بيخلى العربية توصل للسرعة دي بمنتهى السهولة وباستهلاك بنزين اكتر من ممتاز (8.2 لتر على سرعة 120 زى ما بيرو قال بالظبط ) مع العلم ان الهوا كان في وش العربية ولما كنت افتح الازاز سنة بسيطة كنت بسمع احلى اصوات مرعبة
2- من 120 ل 140 كلم ابطأ شوية من التسارع لغاية ال 120 كلم بس يعتبر فى الطبيعى
3- من بعد ال 140 كلم يبدأ العذاب كل 10 كلم بيطلعهم العداد بتحس بصعوبة واستهلاك البنزين بيزيد بصورة ملحوظة ( 10.1 : 10.2 على سرعة 170 كلم )

في المجمل العربية في السفر مريحة جدا، الرؤية والاضاءة فوق الممتازة وكلنا عارفين طريق الاسكندرية الصحراوى عامل ايه دلوقتى، العربية ثابتة ثابتة ثابتة حتى لما تغير حارتك مرة واحدة العربية بتلم نفسها علطول، صوت الماتور بيعلى بعد ال 140كلم وبيبقى واضح في الصالون بس لو مشغل الكاسيت وبصوت واطي الصوت بيختفى بنسبة 85%، احترامي للعربية دي زاد بنسبة مهولة بعد التجربة دي
طبعا اى استفسار انا تحت أمركم واتظروا تقريرى عن المقارنة بين القاشقاى الاوتو والداستر

المشاركة الأصلية كتبت بواسطة bebo2000

انا عارف اني اخر واحد في الدستراوية يعمل مشاركة عن العربية في السفر وانكم كلكم سبقتوني حتى beeronasr استلم العربية وعلى الغردقة علطول
طبعا ان معنديش اضافة عن اللى قاله جوجو وبيرو عن العربية في طرق السفر بس تأكيدا لكلامهم هاقول على تجربتى مع العربية على طريق الاسكندرية الصحراوي الاربعاء اللى فات
طبعا دي كانت اول مرة اسافر بالعربية وكنت لسة بختبرها وخصوصا ان اليوم ده كان كله هوا جامد وتراب فقررت انى اعمل مؤدب وماجريش ( معلش لسة متعود على الافيو )
المهم عديت البوابات وابتديت اجري شوية العربية زي الفل
ازود كمان برضه مكلبشة في الارض وتغريك انك تزود اكتر
ازود اكتر واتعمد اقرب من عربية تريلا وانا بعدي منها علشان اشوف الهوا هايرمينى كام حارة زي ما كان بيحصل معايا بالافيو وكذا عربية سيدان من بتوع صحابي ولا العربية اتحركت شبر واحد من مكانها
بعدها قلت مابدهاش دوس يا واد بنزين ولا يهمك العربية دي ثباتها ولا العربيات الكوبيه ودي صورة للذكرى للعداد وانا على 170 كلم بس بصراحة خفت ازود عن كدة يا كاوتش يحصل فيه حاجة ويضيعنى

وبنهاية التجربة دي اقدر اقولكم على شوية ملاحظات على العربية:-

1- التسارع بتاع العربية لغاية ال 120 كلم زي اى عربية سيدان بالعكس انا حاسس ان موضوع العزم العالى بتاع الغيارات بيخلى العربية توصل للسرعة دي بمنتهى السهولة وباستهلاك بنزين اكتر من ممتاز (8.2 لتر على سرعة 120 زى ما بيرو قال بالظبط ) مع العلم ان الهوا كان في وش العربية ولما كنت افتح الازاز سنة بسيطة كنت بسمع احلى اصوات مرعبة
2- من 120 ل 140 كلم ابطأ شوية من التسارع لغاية ال 120 كلم بس يعتبر فى الطبيعى
3- من بعد ال 140 كلم يبدأ العذاب كل 10 كلم بيطلعهم العداد بتحس بصعوبة واستهلاك البنزين بيزيد بصورة ملحوظة ( 10.1 : 10.2 على سرعة 170 كلم )

في المجمل العربية في السفر مريحة جدا، الرؤية والاضاءة فوق الممتازة وكلنا عارفين طريق الاسكندرية الصحراوى عامل ايه دلوقتى، العربية ثابتة ثابتة ثابتة حتى لما تغير حارتك مرة واحدة العربية بتلم نفسها علطول، صوت الماتور بيعلى بعد ال 140كلم وبيبقى واضح في الصالون بس لو مشغل الكاسيت وبصوت واطي الصوت بيختفى بنسبة 85%، احترامي للعربية دي زاد بنسبة مهولة بعد التجربة دي
طبعا اى استفسار انا تحت أمركم واتظروا تقريرى عن المقارنة بين القاشقاى الاوتو والداستر

ربنا يباركلك فيها يا فندم . انا بس كنت سألت فى موضوع تانى للاستاذ beeronasr عن التكييف ايه اخباره و درجه التبريد اللى بيعملها و استهلاك البنزين و هو شغال. كمان عايز انصح حضرتك فى حكايه المقارنه بين الداستر و القاشقاى الاوتوماتيك تخللى بالك لانك هتقارن مانيوال باوتوماتيك و كمان فى فرق سعر ٤٠ الف جنيه و كمان الكماليات الكتير اللى فى القاشقاى. انا باحترم جداً الداستر و مش عايزها تتظلم فى المقارنه و افضل انها تاخد مكانتها الجيده اللى تستحقها

المشاركة الأصلية كتبت بواسطة bebo2000

انا عارف اني اخر واحد في الدستراوية يعمل مشاركة عن العربية في السفر وانكم كلكم سبقتوني حتى beeronasr استلم العربية وعلى الغردقة علطول
طبعا ان معنديش اضافة عن اللى قاله جوجو وبيرو عن العربية في طرق السفر بس تأكيدا لكلامهم هاقول على تجربتى مع العربية على طريق الاسكندرية الصحراوي الاربعاء اللى فات
طبعا دي كانت اول مرة اسافر بالعربية وكنت لسة بختبرها وخصوصا ان اليوم ده كان كله هوا جامد وتراب فقررت انى اعمل مؤدب وماجريش ( معلش لسة متعود على الافيو )
المهم عديت البوابات وابتديت اجري شوية العربية زي الفل
ازود كمان برضه مكلبشة في الارض وتغريك انك تزود اكتر
ازود اكتر واتعمد اقرب من عربية تريلا وانا بعدي منها علشان اشوف الهوا هايرمينى كام حارة زي ما كان بيحصل معايا بالافيو وكذا عربية سيدان من بتوع صحابي ولا العربية اتحركت شبر واحد من مكانها
بعدها قلت مابدهاش دوس يا واد بنزين ولا يهمك العربية دي ثباتها ولا العربيات الكوبيه ودي صورة للذكرى للعداد وانا على 170 كلم بس بصراحة خفت ازود عن كدة يا كاوتش يحصل فيه حاجة ويضيعنى

وبنهاية التجربة دي اقدر اقولكم على شوية ملاحظات على العربية:-

1- التسارع بتاع العربية لغاية ال 120 كلم زي اى عربية سيدان بالعكس انا حاسس ان موضوع العزم العالى بتاع الغيارات بيخلى العربية توصل للسرعة دي بمنتهى السهولة وباستهلاك بنزين اكتر من ممتاز (8.2 لتر على سرعة 120 زى ما بيرو قال بالظبط ) مع العلم ان الهوا كان في وش العربية ولما كنت افتح الازاز سنة بسيطة كنت بسمع احلى اصوات مرعبة
2- من 120 ل 140 كلم ابطأ شوية من التسارع لغاية ال 120 كلم بس يعتبر فى الطبيعى
3- من بعد ال 140 كلم يبدأ العذاب كل 10 كلم بيطلعهم العداد بتحس بصعوبة واستهلاك البنزين بيزيد بصورة ملحوظة ( 10.1 : 10.2 على سرعة 170 كلم )

في المجمل العربية في السفر مريحة جدا، الرؤية والاضاءة فوق الممتازة وكلنا عارفين طريق الاسكندرية الصحراوى عامل ايه دلوقتى، العربية ثابتة ثابتة ثابتة حتى لما تغير حارتك مرة واحدة العربية بتلم نفسها علطول، صوت الماتور بيعلى بعد ال 140كلم وبيبقى واضح في الصالون بس لو مشغل الكاسيت وبصوت واطي الصوت بيختفى بنسبة 85%، احترامي للعربية دي زاد بنسبة مهولة بعد التجربة دي
طبعا اى استفسار انا تحت أمركم واتظروا تقريرى عن المقارنة بين القاشقاى الاوتو والداستر

ربنا يسترها عليك وعلينا يارب ويحفظك من شر العين وفي انتظار تقريرك

تكييف الداستر في 3 نقاط:
1- تأثيره على السحب = صفر بدون اى مبالغة وده شئ انا شخصيا مش فاهمه
2- استهلاك البنزين جوه البلد في زحمة الرجوع من الشغل بيزيد من 10.2 الى 10.4 بالتكييف
3- لو العربية راكنة فى الظل تبريده بيبقى زي الكوري في الظل برضه
لكن لو راكن فى الشمس بياخد وقت ازيد من الكوري شوية على مايوصل للدرجة المطلوبة بس ده ممكن يرجع لفرق حجم العربية لان الشنطة تعتبر معاك تبع الصالون وده طبعا غير السيدان