الموضوع: تقرير مفصل عن تركيب فلتر k&n في الياريس + فيديو تسارع قبل وبعد الفلتر

[QUOTE=moha4tec;3874093085]

المشاركة الأصلية كتبت بواسطة Ahmod

يا جماعه انا بقارن عربيتين نفس الفئه و الوزن و كل حاجه .
مهو مثلا الكارينز و السول و السيراتو و الالنترا و غيرهم نفس الموتور ليه مقلتش مثلا الكارينز زى الالنترا ؟؟؟؟؟ عشان فى اختلافات كتير جدا من تصميم ووزن و غيرهم .
انا بقول هيونداى اشترت كيا
و السيراتو شاسيه و اغلب حجاتها زى الالنترا و اغلب قطع الغيار بيركبو على بعض
و كمان شفت فى التوكيل النترا و كيا من غير صاج و كانوا المثل زى بعض و بالزات حتى فى الاكصدام الخلفى لما تفكه هتلاقي تحته زى تحت اكصدام السيراتو .
مش عارف ليه انتم مش مصدقنى
؟؟؟؟؟؟؟؟
السيراتو =النترا .
الاختلاف فى الشكل و الكماليات فقط .و هى هى العربيه بس بينزلوا الاولى و بعدها بسنه ينزلو التانيه عشان يكلوا السوق كله .نظام كل نفسك قبل ما غيرك ياكلك

والله لو متشابهين في كل حاجة يبقى التسارع واحد ومنطقية فكرة كل نفسك قبل ماغيرك ياكلك ! !

المشاركة الأصلية كتبت بواسطة Amrgamal1

الف مبرووووك يا معلم انت عملت حاجه تقريبا ماحدش عملها قبل كدا
وهي انك ركبت فلتر سبور في عربيه تيوتا يارس
و احب انا الناس اللي بتحب تحرق وتشد وتجيب ال 100 في اقل وقت دي
مع ان الموضوع دا بيخرب الدنيا شويه في البنزين لو سواقتك كدا علي طول
انا معايا اوبل فيكترا 2000 سي سي اوتوماتيك وعايز اركبلها فلتر سبور بردو بس الناس مخوفاني منه شويه وبيقولولي هيخلي العربيه تاكل بنزين اكتر
وبالنسبه للسيراتو اللي انت متغاظ منها ههههههههه انا عربيتي اوبل فيكترا 2000 سي سي اوتوماتيك و استوك مش متعدل فيها حاجه كمان بس بعون الله مستعد اخودلك حقك من اي سيراتو تتخيلها
انا طلعت بيها من مرسيدس سي 180 الشكل القبل الاخير

الله يبارك فيك يا كبير وعلى فكرة معانا عضو هنا في المنتدى مركب فلتر اسبور على الياريس

بس هو مركب الكيت الاوريجينال بتاعها Typhoon Kit وده انا سالت عليه لقيته ب 1900 جنيه !

انا تقدر تقول مركب حاجة مشابة للكيت ده بس عمولة مع الفرق طبعا ده اوريجينال وده عمولة

وانا والله مش متغاظ من السيراتو ولا حاجة لاني العربية كانت وقتها حالتها صعبة جدا ومكتومة ومارضتش تزود عن 140 ابدا ! مع اني في الحتة اللى العربية جابت فيها 140 بالعافية بجمع فيها 170 مرتاح ! ! ! ! يعني المشكلة كانت عندي

والفكترا طبعا حدث ولا حرج ماشاء الله كفايا الثبات والهاندلنج اللهم لاحسد ربنا يباركلك فيها

انت عربيتك بتستهلك بنزين من غير حاجة ولما تحط الفلتر توقع انك تعاني بسبب مصاريف البنزين

انا اهو بقالي يمكن ماكملتش اسبوع بالفلتر وحاسس ان البنزين بيتبخر ! ! حتى لما بمشي عادي ومش بحرق برضوا الاستهلاك ارتفع بشكل ملحوظ جدا جدا

بس برضوا هتفرق معاك في السحب جامد

انا معايا واحد زميلي معاه فكترا B موديل 2001 ماتور 2000 اتوماتيك ركبتها معاه كتير

لسه من فترة ركب فلتر K&N

فرق كبيييييييييييير في التسارع مابين قبل الفلتر وبعد الفلتر

قبل مايركب الفلتر انا كنت بالياريس اطلع منه مرتاح اوي تحت ال 100 وبعد ال 100 اثبت معاه لحد 130-140 بعدها حتى هو يطلع

بعد الفلتر لو فضلت جمبه لحد ال 100 يبقى كويس اوي وبعد ال 100 مش هشوفه ! ! التسارع عنده اتحسن بشكل كبير

بس برضوا للامانة هو عربيته معدل فيها حجات كتير في العفشة وجنط 17 وحجات متقلة العربية عشان كدة التسارع عنده قليل حبتين وانت لو عربيتك استوك اكييد هتبقى كتسارع افضل بكتير

بس برضوا بعد الفلتر العربية فاقت عن الاول