الموضوع: تقرير مفصل عن تركيب فلتر k&n في الياريس + فيديو تسارع قبل وبعد الفلتر

المشاركة الأصلية كتبت بواسطة ls1090

الف مبروك
وكانت فرصة سعيدة

الله يبارك فيك وانا اسعد يا كبير

المشاركة الأصلية كتبت بواسطة formulator

بصرف النظر عن الـdevil's أو غيرة..

ممكن تعديل الـExhaust يعمل فرق لو غيرت فـ الـVelocity بتاع مرور العادم فـ الشكمان, بس اللى يحكم الموتور وتصميم نظام العادم الستوك..؟؟!!
يعنى: ممكن لو ركبت العلبة الـLow Back-Pressure, أو غيرت فـ مقاس الـdownpipe (فـ المواتير الـI4 الصغيرة يفضل من 2"-2.25")..
أو حتى غيرت فـ الـMuffler/ Resonator وعدلت الـSystem كله Free-Flow.. ممكن تطلع فعلا هورسباور زيادة..؟؟؟!!

معظم التعديلات اللى بتتعمل مش Professional.. و بتزود سرعة الهواء/العادم, قد تحسن الـMed-to-High End Power.. لكن توقع الـLow-End Torque
يعنى العربية تبقى تمام فووووووق فـ الـrpm والسرعات العالية, لكن فـ الطلعة تبقى بطــــــــــــة (صوت عـ الفاضى ومفيش سحب)..
عشان الـdownpipe قطرها أوسع من اللازم (2.5" مثلا), أو العلبة قللت الـback-pressure أوى.. فـ مفيش كبس شكمان كفاية فـ السرعات القليلة, (عشان العادم لسه قليل).. وكده..؟؟؟!!

الحاجات دى بتبقى Specific لكل عربية يا حسين, يعنى ممكن تدور على منتديات النيسان Sunny/Versa/Tiida بالموتور ده (الـGA16 اعتقد).. وتشوف هما معدلين أيه؟؟
أيه تعديل الـexhaust اللى بيفرق معاهم فـ العزم والباور..؟؟!!!

يفيدك أكثر فـ موضوع تعديل الـExhaust ده Yoko..




hehehehehehehe هههههههههههههههه
Likeeeeeeeeeeee أوى "سحس بوند" دى, (لا مؤاخذة يا حسين)..!!
وجااااااااااااامدة الصنى البلدى برضه.. هههههههههههههههههههه

بقولك يا دكتور انا دلوقتي فيه حاجة هتجنني !

العربية عندي اتوماتيك المفروض لما بجيب على ال D واكبس بنزين على الاخر ال RPM اول مايلمس الريد زون العربية تشفت لوحدها على الغيار اللى بعدها حتى لو ماريحتش رجلي من على البنزين

وده هتلاقيه واضح في الفيديو ده اللى هو التجربة اللى قبل الفلتر

Befor Filter - YouTube

لحد هنا مافيش اي مشاكل

بعد ماركبت الفلتر بالاخص بعد مارسترت البطارية ونضفت الماتور وظبطت الدنيا بقيت لما بكبس بنزين العربية بتوصل لاخرها وبتنقل عند 7000 لفة ! ! يعني مش مجرد بتوصل للريد زون وتنقل زي الاول

بقت بتدخل في الريد زون كمان وبتوصل لاخر العربية 7000 لفة وتنقل

وده هتلاقيه واضح في الفيديو ده

Toyota Yaris 1.3 L Acceleration with K&N Air Sport Filter - YouTube

قولي بقى يا دكتور ايه السبب ؟ وهل كدة فيه غلط على الماتور اني ادخل في الريد زون ؟

المشاركة الأصلية كتبت بواسطة samirsaid1

نفسة اجيب الفلتر دة بس مش عاوز اغير حاجة فى شكل الحوض
فكنت عاوز حاجة زى الموجود فيها ويكون k&n

هو تعديل بسيط انا في الاول لما كنت اشوف مواضيع زي كدة اقلق

واقول نفسي في حاجة زي كدة بس مش عايز العب في الماتور دي العربية الحيلة ومش عايز ابوظها

بعد كدة اكتشفت انه موضوع سهل مجرد فك الفلتر القديم وحط فلتر جديد بمسورة جديدة

زهقت منه رجع فلترك القديم

يعني انا لو عايز ارجع الفلتر القديم بتاعي ! مش هياخد مني نص ساعة بالظبط تركيب واكون رجعته ورجعت كل حاجة كما كانت

المشاركة الأصلية كتبت بواسطة H_A_T_Em

الف مبروك و تقرير جميل .. بس علي فكره المفروض ان الفلتر ده لو انت مبتحرقش هيوفر معاك في البنزين .. بس الفكره انك لازم هتفضل تحرق عشان تطلع منه قوه لان الفلتر الاستوك بيبقي افضل في ال low و mid range اما الكون و خاصه اما يبقي شورت رام بيبقي احلي في الهاي رانج بس انا كنت مركب عندي السيموتا الكاربون و فعلا مكنتش قادر اعرف هو فارق معايا ولا لا بس بصوره عامه الفلاتر السبور في العربيات الفيها اير ماس مش هتديك اداء قوي من غير ريمابينج بس بصراحه انت لو كنت عايز تعرف الفلتر ده فرق معاك ولا لا المفروض كنت تجرب بفلتر العربيه بس واحد جديد و بعدها الكي اند ان لان انت بتقول انو كان رايح في داهيه و بردو جرب القتراحات اللي الاخوه قالولك عليها و إن شاء الله تحس بفرق

الله يبارك فيك والله انا مش عارف حاسس انه البنزين عندي بيتبخر مش عارف ليه ! !

وهو معقول من غير محرق برضوا بيدي اداء كويس خاصا بمجرد ال RPM يعدي ال 3000 بتلاقي العربية سحبت سحبة حلوة

وفعلا انت عندك حق في موضوع اني اجرب فلتر جديد الاول وبعدين احكم لان اللى عندي كان منتهي الصلاحية من زمان

وانا والله حاولت مع الاخوان في مقابلة فيات اننا نشوف مكان تاني للفلتر بس للاسف ماينفعش ينزل لتحت اكتر من كدة عشان حركات الفتيس

فانا هخليه في مكانه الحالي وهحاول ادخله ماسورة تدخله هواء بارد

المشاركة الأصلية كتبت بواسطة lanos2004

قولى هوة ماتور عربيتك كام صباب وكام حصان وانا هغير البوجيهات والزيت لانهم استوا ولازم اشد معاك علشان اعرف على الاقل مستوى الانوس بتاعى واداء الفلتر بتاعك بس ياريت على الدائرى انا بترعب من المحور

العربية 16 صباب ,, 86 حصان او يقال 92 حصان مش عارف الصح بالظبط انهي

والمحور احسن طريق للشد المفتوح لان الدايري ملفات وغرز وهيبقى فيه عوامل تانية