اقتباس المشاركة الأصلية كتبت بواسطة raul_7 مشاهدة المشاركة
أنا هأقول لحضرتك يا أستاذ توت ليه ناس كتير بتختلف معاك في النقطة ديه, بس يا ريت تتقبل كلامي بصدر رحب.

حضرتك كان معاك جين 2007 وبعتها في 2010, مشيت فيهم 40 أو 45 ألف أعتقد وده في رأيي يعتبر قليل نسبيا في 3 سنين.

دي حقيقة أنا كان أستهلاكي حوالي 15 ألف كم في السنة و على ما أعتقد أن ده معدل طبيعي

ثانيا, أعتقد إن حضرتك ساكن في 6 أكتوبر لانك بتقول التوكيل قريب منك, وده معناه إن معظم المشاوير بتبقى في طرق طويلة.

أغلب مشاويري كانت دائري و طريق أسكندرية و السويس و أسماعيلية و بورسعيد
بس ده ما يمنعنش أن فيه داخلي على الأقل 20 % من المشاوير .

ثالثا, من متابعتي لمواضيعك حسيت إن سواقتك هادية جدا, يعني نقل على 3 ربم وممكن أقَل, سرعة قصوي 100, بلاش شد بلاش حرق وكده.

دي حقيقة ... أنا سواقتي هادية جدا و من الناس اللي بتحب تحافظ على حاجتها

اللي أنا عايز أقوله إنه بالظروف اللي فاتت ده, ممكن حضرتك فعلا ماتحتاجش التوكيل في مشكلة معينة في العربية (ربنا مايجيب حاجة وحشة) ويبقى الأمر مقتصر فعلا على صيانات دورية فقط.

ممكن

إنما احنا بنتكلم لو حد مثلا جايب العربية وهو مشاويرو معظمها في زحام, طرق مش سريعة, مطبات وتكسير طول الطريق, بيحرق شوية عالعربية, اللي هو استعمال غالبية الناس. ساعة لما ببيظهر في العربية حاجة, التوكيل ممكن ميعرفش السبب, أو ممكن يعرف لكن يقول للعميل إنه يتحملها, أو يقول له قطعة الغيار مش موجودة و يضطر يستنى, طبعا زائد معاملة مهندسين الاستقبال اللي مبيقدروش يمتصو انفعال العميل وبيكلموه بتناكة أو ساعات ممكن يستغفلوه نظرا لإنه مش فاهم, أو مش هياخد باله. (إلا قليل منهم بصراحة).

ده بإختصار الي مخلي الناس متضايقة من التوكيل.


ورأيي بصراحة للي من المنصورة وعايز يشتري بروتون ومفيش مركز صيانة كويس يبقى بلاش أحسن, عشان مش طبيعي إني أشتري عربية جديدة واضطر اوديها لأي ميكانيكي عشان يشوفها لو حصل فيها حاجة.

ما هو أنا عمري ما أنكرت على حد شكوته من التوكيل .... أنا بس كنت بنقل وجهة نظري الشخصية و تجربتي معاهم