الموضوع: السايس ..... مشكله ملهاش اى حل فى بلدنا

طيب تعمل ايه لو انت ماشي فى شارع الهرم وجيت الشارع وقف قبل شارع العريش الموقف ده حصل معايا من فترة واتكرر تانى قدامى امبارح المهم قبل الشارع العريش كلنا عارفين الزحمة والطريق لازم بيبقي واقف فى الحتة دى المهم متعرفش يطلعلك منين كام عيل كده ميعدوش 5 او 6 سنين ويقعد يعمل بالفوطة الصفرا على العربية يابنى مش عايز يابنى يهديك يرضيك مفيش فايدة المهم طلعتله اللى فيه النصيب تخيلو اول ما الطريق يمشى شوية يعمل ايه اول مابتديت اتحرك طبعا بعد ماخد المعلوم راح ديييييييييييييييييييييييي يييييييييييييب على العربية من ورا تعمل ايه ساعتها هتنزل ورا عيل مشيت وخلاص اتكرر الموقف امبارح تانى وهو هو نفس الواد بس مع عربية 128 كانت ماشية فى الحارة الشمال وانا ورا ومراقب الموقف تخيلو الواد يعمل ايه وكانو اتنين مش واحد كمان هوووووووووووووووووووووووو ب نطو على شنطة العربية الراجل طبعا ولا فى باله ومنفض دول قعدوا على العربية ومش عايزين ينزلو انا مشيت قدام وببص فى المراية لقيت الرجال واقف زى ماهو وقاعد يزعقلهم زوجتى بتقولى في ايه قلتله يتخانق معاهم من هنا ويطلعله واحد بلطجى من هنا فعلا هيه دى مصر ياعبلة