الموضوع: الى كل من يعانى مشكلة سخونة الفليشيا اليكم الحل السحرى

المشاركة الأصلية كتبت بواسطة المنسي

برده عايز اقولك على حاجة تانية مستوى المية فى القربة ميزيدش عن max وميقلش عن min دى حاجة تانى حاجة اول ماتطلع مشوار بالعربية تابع المؤشر وشوف وصل لكام وكده يبقي المروحة اشتغلت وانت هاتسمع صوتها ولما المؤشر ينزل عند نقطة معينة اركن وبص على ارموحة شوفها فصلت ولا لا ده اذا ماسمعتش صوتها انها فصلت وربنا يوفقك

انا رحت العبور بالعربية ولاحظت الاتى
الثرموستات شغل المروحة لما درجة الحرارة وصلت تقريبا 82 درجة ولكن المشكلة فى:
العربية وصلت درجة الحرارة دية بعد 10دقائق من تشغيلها
المروحة مفصلتش خالص لان الحرارة فضلت ثابتة من 82 الى 90 درجة طول الطريق
انا قلت اشوف المية الخضرا اخبارها اية لاحظت انها على max زى اخر مرة يعنى مفيش تسريب
الردياتير عندى نحاس ثلاث ماسورة والمروحة 6 ريشة
ولكنى لاحظت نقط زيت بسيطة على التاكيهات اى يوجد تسريب بسيط لزيت الموتور ولكن عند ملاحظة منسوب الزيت كان بين min - max
مش عارف يكون اية اللى عامل المشكلة دية

السلام عليكم ورحمة الله وبركاته,
انا بفكر اشتري فيليشيا بس معنديش خبرة يعني اول مرة اشتري عربية, عايز نصيحتكم احسن حاجة فيها موديل كام وايه اهم حاجة اتأكد منها وانا بشتري غير انها تكون فبريكا جوة وإيه احسن موديل يكون التكييف بيعمل بكفأة وعايز افهم ايه الفرق بين ال gl و glx وبين الموتور الكاربرتير او غيره وكل المعلومات عشان مالبسش,
وجزاكم الله خيرا

المشاركة الأصلية كتبت بواسطة المنسي

موديل كام من اول 1997 وانت طالع واهم حاجة تتاكد منها تشوف فى تسريب زيت ولا لا وكمان تطلع بيها مشوار وتشوف درجة حرارتها وصلت لكم والمروحة اشتغلت على كام وفصلت على كام ده طبعا غير انك تروح بنزينة محترمة وتقيس كبس الموتور كام وكمان ممكن انت تلاحظ ده بالعين المجردة من خلال الشكمان وتشوف لون العادم اللى خارج ايه اما بالنسبة لموضوع التكييف فالطبيعي فى اى عربية ان التكييف بيرفع درجة حرارة المحرك فخلى بالك ان العربية بطبيعتها درجة حرارتها عالية واستنى شوف باقى اراء الازملاء برده هيقولوك ايه

شاكر جدا لحضرتك يا استاذ منسي بس معلش عشان خبرتي قليلة اوي اشوف ازاي تسريب الزيت , والمفروض لون العادم يكون ايه عشان اعرف ان الموتور كويس وجزاك الله كل خير