الموضوع: الى كل من يعانى مشكلة سخونة الفليشيا اليكم الحل السحرى

المشاركة الأصلية كتبت بواسطة alaamahran

هل المقصود بالصيانه انى لما تحصل فيها حاجة الحق اصلحها بسعة ولا المقصود انى اعمل عليها كشوفات دورية فى حاجات معينة مثلا كل فترة محددة

اللى انا اقصده فى الصيانة الدورية مثلا طقم السيرفيس وتغيير الزيت فى معاده وتنظيف دورة التبريد والمحافظة عليها باستخدام نوع مية خضرا نظيف وحاجات من دى يعني واكيد الطبيعي لما حاجة هتحصل لازم تتابعها او على الاقل تبقي عارف سبب المشكلة ايه

المشاركة الأصلية كتبت بواسطة alaamahran

اولا جزاك الله خيرا لردك
ثانيا يعنى ايه طقم السيرفيس وتنصح بايه من انواع الزيوت وايه نوع الميه الخضرا الكويسة ودورة تتنظف عند بتاع الريادتير كل اد ايه
معلش استحملنى شوية

احنا هنا اخوات اسال ومايهمكش واللى عارف حاجة مش بيبخل وبيقولها طقم السيرفيس اللى هو مجموعة الفلاتر وطقم البوجيهات اما بالنسبة للزيت فانا باحط زيت شل الجركن الاصفر والمية الخضرا بجيب الجركن الاسبانى ماركة اسمها iada ودورة التبريد قبل ماتعملها تتاكد ان مفيش اى تسريب خالص وبعدها اعملها ويستحسن تكون فى بنزينة كويسة وتعملها كل ماتلاحظ ان فيه صدا فى القربة ولو انت عملتها مرة وحطيت مية خضرا انسي انا انت تلاقى صدا تانى وبالتوفيق

المشاركة الأصلية كتبت بواسطة subtotal

انا معاك فى تغير الرادياتير والمروحة وكل الحاجات ده بس مش معاك فى حاجة واحدة ان ثرموستات المروحة واطية للدرجة ده لان كده عمر المروحة ما هتفصل لن عمر الموتور ما هيوصل لدرجة 68 او 62 سواء شتاء او صيف انا مركب عندى ثرموستات 90/80 وعايز اركب ثرموستات اعلى 92/82 علشان المروحة تفصل اسرع وعلى كده العربية عندى مبتسخنش طول الطريق ماشية 90 مع العلم ان ماتور الفليشيا يشتغل بكافاة تحت درجة حرارة تتراوح ما بين 110/70 والكلام ده مكتوب فى الكتالوج... معلش طولت عليك

الترموستات الواطى كويسة جدا فى فصل الصيف اما لفصل الشتاء فالطبيعى ان العربية مناسبة للاجواء الباردة ومين قال لحضرتك ان المروحة مش بتفصل انا عندى المروحة بتشتغل قبل 90 بشرطة وبتفصل عند 71 وهكذا اما بالنسبة لحرارة الموتور المناسبة لشتغيله واعطاءه اعلى كفاءة زى ماحضرتك مابتقول وللتاكيد اكتر موتور الفليشيا يعطى اعلى ادا من 105 وحتى 110 بس انا هاسال حضرتك سؤال لو حرارة الموتور وصلت للرقم ده فالصيف تفتكر ايه اللى هيحصل اسال ناس هنا فى القسم ايه اللى حصل معاهم لما الترموستات كانت عالية وعلى فكرة انا عربيتي مغير لها جوان قبل كده والسبب اللى خلانى اغير للترموستات الواطى هو الموضوع ده والميكانيكي حتى ساعتها قاللى حافظ على الموتور فى نظير كفاءة اقل ولا تاخد اعلى كفاءة مع عمر قصير اكيد حضرتك فهمت قصدى وعلى فكرة انا سافرت بيها الساحل الشمالى على سرعة 130 و 140 فى يوم كانت درجة الحرارة 35 درجة وكانت السفرية الساعة 2 الظهر والمؤشر يوصل ل90 والمروحة تشتغل وتبرد وينزل تانى
تقبل مرورى

المشاركة الأصلية كتبت بواسطة adiaa222

سؤال للاخوة
انا اشتريت صباع حرارة من يومين وشغال كويس والحرارة تقريبا على طول 85 بس المشكلة ان المروحه مبتفصلش لان الحرارة مبتنزلش عن كدة خصوصا فى الحر اما اكون بسوق باليل الحرارة بتنزل 71 وبتفصل المروحة
هل طبيعى ان حرارة السيارة فى الصبح تكون كدة مع عدم فصل المروحة؟

الترموستات عندك كام؟؟؟؟؟؟؟؟؟؟
انت متاكد ان المروحة مبتفصلش انا بسال السؤال ده لسبب بسيط لان الطبيعي بتاع اى مروحة انها تشتغل تبرد وبعدين تفصل وهكذا وبعدين السواقة بالنهار فى الحر بتختلف عن الليل بس ده مايمنعش ان المروحة تشتغل عشان تبرد وبعدين تفصل
اولا شوف الترموستات وقولى كام
ثانيا انت حاطط مية ايه فى الردياتير
ثالثا انت متاكد ان مفيش هوا داخل دورة التبريد ( ساحب الهوا من دورة التبريد)
رابعا هل التاكيهات عندك مظبوطة ( من اسباب ارتفاع درجة حرارة المحرك)
شوف الحاجات دى وقولى