السلام عليكم !!
أولاً أحب أشكر أستاذ علواني ،، لأنه شاركنا بلينك الموضوع في الرابطة !!
الفكرة دي نفس فكرة البيجو 504 !!
المروحة فيها بتلف مباشرةً مع لفات الموتور !!!
بمعنى ،، الموتور و هو بيلف ،، بيدور معاه المروحة !!! و لما الآر بي ام يزيد ،، بتزيد معاه ،، ولما يقل بتقل معاه !! :)
تعقيبي على كذا حاجة !!
1-هوا المروحة محطوطة بالكافر بتاعها ؟؟ زي مروحة العربية الأصلية كده ،، ولا مجرد مروحة متركبة ورا الردياتير و خلاص ،، من غير كافر حوليها !! كانها كده مروحة سقف ؟؟
2-الصوت بتاع المروحة خيبقى وحش !! :)
3-خطر أنك تخلي العربية درجة حرارتها واطية على طول !!! و ده بيزود أستهلاك البنزين .. و مش بيريح الموتور !!
العربية بتاعتنا ،، درجو حرارة تشغيل الموتور بتاعها تتراوح من ال 80 ألى ال 95 !!!
الناس بتفتكر ان كده العربية سخنة !!! و كده غلط !!
لا طبعاً بالعكس !! ده الصح !! درجة الحرارة دي هي درجة حرارة التشغيل المثلى ،، الي بيكون عندها حرق الموتور للبنزين احسن ما يمكن !! و أدائه أحلى اداء !! :)
أقل من كده حرق البنزين مش بيكون صح !! و مش كامل
و أعلى من كده وحش و غلط على الموتور للسخونة الشديدة !! :)
العربية مشكلتها ان لما بتسحن ،، حوض الموتور كله بيسخن ،، و للأسف مدخل الهواء مش زي العربيات النظيفة ،، مش معموله فتحة دخول هواء من الرفرف مثلاً أو الكبود أو الشبكة مباشرةً .. أنما بياخد هواء من الكبود على طول !! و ده غلط ،، لأنه كده بياخد هواء ساخن ،، فبيتهيق لسائق العربية أن العربية أتكتمت و تعبت !!
لكن أنا لما حطيت للعربية خرطوم هواء كبير و دخلته من الأكصدام عدل ،، و وصلته بالمدخل بتاع الفلتر !!
كان أداء فوق الممتااااااز !! ماشاء الله !!
بس للأسف تراب كتير !! :)))
المهم حاجة زي كده خطر !! على الموتور نفسه مش اكثر !!
ده غير التحميل على تقسيمة الموتور و الكرنك !! :)
المفضلات