الموضوع: اسوء تجربة شد ! ! مع الهوندا سيفيك ! مش اصحاب الكوري بس اللى منفسنين ! !

المشاركة الأصلية كتبت بواسطة AHMED1718

ياباشا انا مش بسخنك بدليل انى بقولك تصرفى كان فى منتهى الغباء
وطبعا انا ضد انك تنزل بمستواك للناس دى
انا من النوع اللى بيتأثر لخدش مش واخدها مداس بس يعنى
بس هيا ساعة هطل بتيجي كده للناس محدش بيقدر يحدد نتايجها
وربنا يستر طريقنا كلنا

انا فاهمك والله بس فعلا سعات الواحد بتطلب معاه عند ! وتعالى بقى يا كبير طالما انت عايز لعب التلبيس امين ! بس انا عن نفسي عمري ماحب البسه في حد

انا لو هلبس حد هركبه الرصيف او انزله تحت تريلا لكن مارضاش اني البسه في عربية تانية مالهاش ذنب

المشاركة الأصلية كتبت بواسطة tutankhamoun

يا أستاذ أحمد ahmod
بُص يا سيدي المبدء نفسه غلط أنك تشد معاه علشان كدا بقولك أنك مش من حقك تتخانق معاه
هو حمار ........... و أنت عملت عقلك بعقله ............ يبقى معلش تستحمل
أو تمشي عادي و بلاش الشد

قصدي يا فندم أن الحاجة نفسها غلط ........ و أنت اللي كنت معاه ....... فحضرتك يا فندم وضعت نفسك في موضع الخطأ أصلا يبقى في الحالة دي ملكش أي حق تتخانق معاه نهائيا .

أبقى روح شارك في الأوتو كروس أو أتفرج و هاتتمتع بدون آذيه حد .

يا جماعة لو تسوقوا برة مصر هاتعرفوا أد أيه أحنا في سيرك قومي و اللي بيحصل ده قلة أدب (محدش يزعل )

----------
ملحوظة تانية على الفرق بين العربيات

الهوندا 120 حصان و الياريس 86 حصان .
فرق الوزن حوالي 100 كجم لصالح الياريس طبعا
فمن ناحية الجري ....... موتور أمام موتور
الهوندا هاتكسب هاتكسب خصوصا في السرعات العالية لما عربيتك تطلع كل اللي عندها و بعدين الهوندا لسة فيها

فيه حاجة تانية الناس مش واخدة بالها منها
الفرق مش هايكون كبير يعني مش هايختفي منك إلا إذا كنت مش بتعرف تسوق كويس .
هايكون فيه فرق بس مش كبير قوي

أعتقد أنه ممكن يبدا يفرق فوق 170 كم - س

أفتح أي فيديو على اليو تيوب و شوف سباقات المواتير بين عربيات فروق الحصان بينها كبيرة و مع ذلك بيفضلوا مع بعض قريبين بس أم حصان كبير بتفرق و تفوز إنما مش بالفارق الرهيب اللي الناس متخيله
هو الكلام ده عام مش يطبق على كل عربية علشان فيه عربيات ممكن ما تشوفهاش لو الفرق كبير شوية
يعني كلامي الأخير توضيحي أكتر

و لكن الشد يا جماعة على الدائري و الطرق العامة آذيه و أدام الحاجة دخلت في الآذية يبقى فيها شبه الحرمانية علشان فيه أحتمالية عالية لضرر الغير .
ربنا يهدينا

انا فاهم حضرتك والله

وكلنا هنا عارفين ان الشد ده حاجة غلط والمفروض انها تكون ممنوعة ! يعني محدش بيقول ان الشد صح ! بس تقدر تقول كدة انه حاجة بقت في الدم وادمان

سعات كدة الواحد بتطلب معاه جري والادرينالين بيشتغل ! بس والله بقدر الامكان الواحد بيحاول انه مايسببش الضرر لغيره ويبقى واخد باله وربنا اللى بيستر في الاخر

المشاركة الأصلية كتبت بواسطة minicooper20

خد من دخ كتيييييييييييييييييير
لا هو اول و لا اخر واحد خواجه يا كبير
كبر دماغك و لو كنت راكب الفرنا كنت زعلتو فى اكصدام ولا رفرف و جريت

هههههههههه والله زميلي قالي انا لو مكانك كنت دخلت فيه وهيبقى هو اللى غلطان

المشاركة الأصلية كتبت بواسطة yoko

إنت غلطان من أول مره حاول يلبسك كنت تسيبه ومتكملش معاه

والله نرفزني يابوحميد !

اانا لولا ان لما العربية زحفت حسيت بالقلق وعدم الاطئمنان من الفرامل ! كنت كملت وراه وماكنتش هسيبه ويا انا يا هو على الطريق

المشاركة الأصلية كتبت بواسطة Evo

بصراحه أنا مش شايف بتاع السفيك غلطان في حاجة إنت استفزيته وهو علم عليك و أهو إنت اللي ابتديت وماكنتش قدها !
و هو كده مش منفسن هو بس رد على اللي إنت ابتديته !

و كويس إنك فتحت موضوع زي ده لأن شباب كتير بيعملوا نفس الشيء ..... أي عربية يحاولوا '' يسخنوها '' بسبب أو بدون سبب ..... لمجرد إن العربية عاجباهم أو شكلها '' sporty ''.... أنا شايف إن من الافضل نسيب الناس ماشية في حالها بدون '' تسخين '' أحسن لأن ممكن نقع في شر اعمالنا ومش كل مرة بتسلم الجره

هو واضح ان حضرتك ماكنتش عندك وقت كافي انك تقرى الموضوع كويس او اكتفيت بقراية العناوين الرئيسية وسبت المحتوى ! والا كان هيبقى رد حضرتك مختلف عن كدة

اولا عشان حضرتك تبقى في الصورة : انا فاهم اللى انت تقصده

نظام اني اشوف عربية سبور وشكلها حلو اجي جمبها وازود بنزين واستفزه واطلع منه وارجع اشد جمبه تاني لحد مايسخن معايا ! الاسلوب الرخيص ده انا عمري ماعملته ولا هعمله

ثانيا : هو جاي سخنان من ورا لوحده ! ومع نفسه يعني مش انا اللى سخنته او استفزيته عشان يجري

ثالثا : احنا جرينا من بعد المطب ولحد ال U-turn بعد كدة هو هدى وانا كمان هديت ! هو مشي براحة ورا ترلا على الشمال وانا عديت من اليمين براااحة ومش حارق ! وفضلت ماشي مثبت على سرعة 120 وهو ورايا وفجاءة يسيب الشارع كله ويجي جمبي بالظبط ! مرايا في مرايا ويحرق ويدي kick ويجري ! ! ؟ كدة مين اللى بيسخن مين ؟ مين اللى بيستفز مين ؟

ماهو اكنه بيقولي تعالى نجري تاني انت هديت ليه ؟

انا تلقائي لما عمل كدة رحت مسقط غيار ودايس وراه لقيته فجاءة واخد غرزة على الرغم من ان يمينه فاضي ! عشان يلبسني في العربية اللى قدامي ! ! ؟

ولو انت رؤيتك للموضوع انه كدة علم عليا ! فده رايك واكيد حضرتك حر في وجهة نظرك

انا كل اللى شايفه ان ده واحد عنده نقص ! لا عايز يشد معاك ولا عايز يجري معاك مجرد عايز يلبسك ويسببلك الضرر ليك وللاخرين

وانا شايف برضوا انه من الافضل " ان حضرتك تقرا الموضوع كويس قبل ماتضيف رد فيه