قدر ولطف وحمد لله على السلامة
نصيحة وتقبلها منى بقا
عمرك متشد مع حد بدون متكون كاشف الطريق قدامه متخدش الغرز عميانى وراه
فيه ناس متعتها ف تلبيس الناس التانيا بيتباهى بكده ودوول ما اكترهم
وانا لو مكانك على طريقة سردك للحوار كنت موتت امه ولبسته حاجة للزكرى علشان ميستقواش على خلق الله حتى لو كانت بخساير عندى كمان
وعملتها مرة ف المنصورة مع شاب من الشباب بعربيتى الرينو الله يسهلها
وباختصار كنت جاى من سفر مش قليل وداخل المنصورة من كوبرى طلخا لو الناس تعرفه
وماشى مخنوق من الزحمة وباخد غرز كده مع نفسي للانجاز بدون ضرر لحد
لقيت عيل ظرييييييييف مع فيات توب كده وشكله مسقط مكنا وراكب فيها تلاتة شكلهم كلهم ميكانيككيا ولا سمكريا واستلمونى تزنيق وغرز يرمينى بره الطريق بالقصد والواحد بيبقا فاهم لما بتبقا قصد ولا غشومية
كان هيلبسنى ف صف عربيات واقفة وانا بفاديه مع ان يمينه واسع ساعتها الدم حسيته طلع من عينى من كتر العصبية
بقيت باجرى وراه ومش ناوى ادوس فرامل لغايط مجبته جنبي على يمينى ورحت زى الافلام بالظبط جايب شمالى على الاخر وكاسر كله يمين عليه لغايط مخته وطلعته على الرصيف وسيبته ومشيت
طبعا تصرفى قمة ف الغباء وانا معترف بده والكلام ده ايام الكلية من زمن مش قليل
بس بصراحة لو مكنتش عملت كده مكنتش نمت يوميها واللى حصل عندى رفرف يمين ومرايا والباقى حكات بسيطة
بعد الحوار ده والله الناس اللى كانت ورانا كانت بتيجي جنبي وتقولى انت 100 % علشان الظاهر كانت الناس شايطة منه ف الواصلة دى مابين بعد الكوبرى لغايط عمر افندى
بس ف الاخر مش ده التصرف الصح بس انا قاصد احكيها علشان اعرفك ان فيه ناس مريضة جداا فاكرا ان لما اى حد يكون مستعجل انه بيستفزه
والحوار ده كتر اوى بعد السيراتو
الناس على الدايرى مبتصدق تلاقى السيراتو بتجرى وتلاقى حمام بيطير ورا بعضه
بستغرب جداا من الناس اللى واقفة على حد ينكشها دى او يزغزغها
المفضلات