الموضوع: حل مشاكل التكييف

المشكلة بتوضيح أكتر،
طول مالعربية عالسلانسيه مفيش صوت من التكييف
أول مادوس بنزين باسمع صوت تخبيط. وده في حالة ان التكييف شغال.
أفصل التكييف من زرار ac الاقي الصوت يختفي.
أرجع أشغل التكييف الصوت يظهر تاني
الصوت بيعلى مع زيادة ال rpm كل لما ادوس بنزين أكتر
الصوت بيختفي نهائياً، بمجرد مادوس دبرياج، ويرجع تاني لما أعشق على اي سرعة وأي غيار


أنا رحت للمراكبي بتاع التكييف في جسر السويس وقلتله عالمشكلة، خد بصة في السريع والعربية واقفة، وبعدين قاللي دوس بنزين سنة صغيرة عشان يسمع الصوت بنفسه، وفي خلال 20 ثانية قاللي والابتسامة في وشه ... الكباس بايظ

وطبعاً، حسيت إني عايز أبيع العربية ونا واقف في مكاني من خنقتي. قلتله التكييف كان زي الفل، ولسه شاحنه من 10 أيام وأساسا أنا استخدامي ليه معتدل، ايه اللي خلاه يبوظ، قاللي هو كده عمره الافتراضي خلص.

طب بكم الكباس، بص عليه وقاللي ده ب 1800، قلتله طب مفيش استيراد؟ قاللي فيه بره بس بلاش تجيب استيراد، وبعدين سبته ومشيت.

رحت لواحد تاني بتاع تكييف جنبنا، شرحتله الوضع، قام قاللي الكباس بايظ هو كمان. بكم الكباس ياعم الحج؟ ب 2000. طب فيه استيراد، قاللي فيه بس انت ونصيبك. ممكن نصيبك يكون في كباس حلو وخصوصا انهم مش بيستخدموا التكييف برة كتير، وممكن تجيب كباس يبوظ بعد شهرين. سألته طب هو بكم الاستيراد؟ ب 600 جنيه تقريباً

قلتله لو جبتلك كباس هتعرف انه كويس أو وحش؟ قاللي بمجرد ماركبه واشحنه، هاعرفلك من صوته حالته ايه؟ قلتله قشطه فيه ناس بتبيع كباسات بضمان اسبوع، قاللي هتبقى حاجة كويسة، بس لو الكباس طلع بايظ هتخسر فلوس شحن الفريون، ومفيش طريقة نجرب بيها الكباس غير لما يتشحن. واخر سؤال سألتهوله؟ ينفع استنى عالكباس ده قد ايه لحد لما يبقى فيه فلوس واغيره؟ قاللي طول ماهو مش بيعمل صوت عالسلانسيه، ممكن تستنى، لكن أول ماتسمع صوته عالسلانسيه إياك تشغله. ولو هتمشي بيه دلوقتي متضغطش عليه كتير، عشان هيعمل رايش والرايش هيبوظلك السربنتينة

السؤال دلوقتي: ايه رأيكم في المعلومات دي، وهل فيه حاجة تانية ممكن أعملها وتحل المشكله بعيد عن تغيير الكباس؟ طب ايه رأيكو في كباس استيراد؟ ولو استيراد أو جديد، اجيب نوعه ايه وسعره في حدود كم؟ وأخيراً، تكلفة تركيب الكباس وتنضيف دورة التكييف كلها وشحن الفريون هتعمل كم على بعضها تقريبا؟

اللهم أجرني في مصيبتي، واخلف لي خيراً منها

المشاركة الأصلية كتبت بواسطة exact

حضرتك مشكلتك الاساسية انك محتاج تعمل حاجة اسمها آيدل ليرن... دي ايه؟؟

كلمة Idle معناها خامل... فدي معناها سرعة دوران الموتور في وضع الخمول (اما مش بتبقى دايس بنزين)
السرعة دي اللي بيتحكم فيها صمام (محبس) كهربائي بيتحكم فيه كمبيوتر الموتور

حسب حالة الموتور بيتم الفتح او القفل... بمعنى... لما تكون العربية لسه باردة اول التدوير... العربية بتبقى عالية شوية لحد ما تبدا تسخن... لو قدت النور العالي... بيديك سنة بنزين زيادة عشان يعوض الحمل... وكذلك الحال بالنسبه للمكيف

الكمبيوتر او وحدة التحكم بتاع الموتور لازم تبقى مخزنة الاوضاع دي في ذاكرتها... فاللي بيحصل اما تشيل كابل البطارية لوقت طويل ان الوحدة بتنسى ظبط صمام الآيدل... فبتحتاج يتعمل لها آيدل ليرن

أنا هادور لحضرتك على الطريقة وتجربها وان شاء الله هتتظبط عادي جدا

ممكن تنظيف الثلاجة الداخلية للكورولا 2004 بدون فك التابلوه

موضوع هام وشكرا لصاحب الموضوع .

المشاركة الأصلية كتبت بواسطة exact

بص ياريس... حضرتك مؤشر الحرارة عادة بيكون رينجه من 80 الى 110 يعني الطبيعي رينج ال 95 ل 100 ده وسط المؤشر تقريبا... انت ممكن تلاحظ حكاية الصهد دي مع حالة الطريق والجو العام حواليك يعني هي الجو شديد الحرارة والطريق واقف؟؟... واراهن ان حكاية الصهد دي مش بتيجي الا فالزحمة وانك مش بتحس بيها لو العربية بتجري عالسريع... صح؟؟؟

هنا الحالات اللي بيفصل فيها الكومبريسور (في الاحوال الطبيعية... لسوزوكي سويفت وهي تتشابه في معظم السيارات)



وهنا الترابل شوتينج بتاع التكييف (سوزوكي سويفت وهي تتشابه في معظم السيارات)




اللي باكلمك على تنضيفها هي السربنتينة بتاع التكييف اللي في حوض الموتور لازقه قدام الردياتير ودي بتضرب انت فيها خرطوم ميه والعربية باردة مش مستاهلة انك تعملها عند حد

عاوزك تتأكد من ان مروحة الردياتير بتشتغل اول مالمكيف يشتغل لأن دي نقطه مهمة جدا


بخصوص نضافة تلاجة المكيف دي هي يستحسن انها تتنضف ولو بالهوا المضغوط لو في امكانيه... انما لو مفيش ريحة وحشة يبقى خلاص

لو سمحت حضرتك يا بشمهندس ...انا ليا تعليق على الaircon on-off control اعتقد ان فيها حاجه غلط او ممكن حضرتك نفهمنى الصح ...فى حاله التوقف عدم تشغيل المكيف بيكون الضغط متعادل فى الضغط العالى والمنخفض اما فى حاله التشغيل العالى بيعلى اكتر والمنخفض بينخفض اكتر....متابع شكرا لك

السلام عليكم :
انا معايا سيينا 1600 مو2001 وكان فى مشكله فى التبريد وفكيت التابلوه والتكييف علشان نطلع الثلاجه بتاعت التبريد وكان عليها ترشيح زيت كدا فالفنى قال ان يبقى فيها خرم وللأسف مش بينفع فيها اى لحام لان الخامه بتاعتها ضعيف مش بيستحمل لحام ولا نار.
الحل دلوقتى فى انى اشترى واحده جديده ياريت ياجماعه لو حد يعرف مكان قطع غيار محترم او رقم تليفون نسال عليها وبكام او لو حد عارف مكان بتاع تكييف كويس يفيدنا فيه ضرورى لان العربيه مفكوكه دلوقتى وانا مش فى القاهره وشكرا