تقرير عن السيارة القشقاي اوتوماتيك 2012 مدعم بالصور

**MASERATI** · 27-07-2012 02:49 AM

السلام عليكم و رحمة الله و بركاته

ألف مبروك عليك العربية و ان شاء الله, ربنا يباركلك فيها و يرزقك خيرها و يكفيك شرها, و ان شاء الله, قريب أوى, نباركلك على الNISSAN MURANO و لا أقولك, الARMADA و لا تغلاش عليك.

أنا عندى اقتراح, ماتجيب شوية الجنيهات الفضة اللى فى الكونسول دول, أجمدهوملك و أديك ورقة صحيحة ب5 جنيييييييييييييييييييه !!!!!!

.

**م. حاتم السباعي** · 31-07-2012 02:46 AM

المشاركة الأصلية كتبت بواسطة maserati

السلام عليكم و رحمة الله و بركاته

ألف مبروك عليك العربية و ان شاء الله, ربنا يباركلك فيها و يرزقك خيرها و يكفيك شرها, و ان شاء الله, قريب أوى, نباركلك على الnissan murano و لا أقولك, الarmada و لا تغلاش عليك.

أنا عندى اقتراح, ماتجيب شوية الجنيهات الفضة اللى فى الكونسول دول, أجمدهوملك و أديك ورقة صحيحة ب5 جنيييييييييييييييييييه !!!!!!

.

و عليكم السلام و رحمة الله و بركاته

الله يبارك في حضرتك

و ربنا يعزك و يزيدك من فضله و الف شكر للكلام الجميل ده و للدعوات الطيبة

و بالنسبة لشوية الجنيهات دول فأنا اجيبهم لحد حضرتك و ازيدهم كمان يا غالي هههههههههه

**a.adam212** · 03-08-2012 02:07 PM

الف مبروك عليك واختيار فعلا موفق...هيا مع صديق ليا من 7 شهور في الامارات ومرتاح عليها جدا ما شاء الله

**kaaboo111** · 05-08-2012 12:43 AM

الف مبروك حضرتك.............وعندى سوال انت كنت كاتب لو ملكش فى الغرز والتسارع البطيى ..............هى تجمعها مش عالى انا معاية سكودا فانتازيا يعنى زيها ولا ابطى كمان وكمان السحب بعد 70 كويس ولا برضة بطيئة فى التجميع

**م. حاتم السباعي** · 05-08-2012 07:41 PM

المشاركة الأصلية كتبت بواسطة aly_elhawary

السلام عليكم
الف مبروك على السيارة وبارك الله لك فيها
كان عندى سؤالين بعد إذنك
هل يوجد cruise control فى السيارة وكمبيوتر رحلات
وهل يوجد engine Start/Stop ام أنها بتدور بالمفتاح
وشكراً مقدماً لردك

و عليكم السلام و رحمة الله و بركاته
الله يبارك في حضرتك
بالنسبة للاسئلة
هي يوجد بها كمبيوتر رحلات و لكن لا يوجد بها ال cruise control
بالنسبة لنظام engine Start/Stop فهو كما افهمه ليس موجود
بمعني عدم وجود ( زر بيضغط عليه لادارة المحرك )
و لكن يوجد ( لقمة ثابته لا يوجد بها مفتاح بيتم عن طريقها التشغيل بالتحريك اليدوي مثل المفتاح تكة و اتنين و تلاتة لتشغيل المحرك ) و السلاح بتاع المفتاح بيكون داخل الريموت فيما يعرف بالمفتاح الذكي
و لا يتم استخدام المفتاح الا لو لا قدر الله حدث فقد للشحن بتاع الريموت مع مرور الزمن

المشاركة الأصلية كتبت بواسطة a.adam212

الف مبروك عليك واختيار فعلا موفق...هيا مع صديق ليا من 7 شهور في الامارات ومرتاح عليها جدا ما شاء الله

الله يبارك في حضرتك
و الف شكر لحضرتك علي المشاركة و سلامنا لصديقك الكريم بتاع الامارات ( ابو زمل )

المشاركة الأصلية كتبت بواسطة kaaboo111

الف مبروك حضرتك.............وعندى سوال انت كنت كاتب لو ملكش فى الغرز والتسارع البطيى ..............هى تجمعها مش عالى انا معاية سكودا فانتازيا يعنى زيها ولا ابطى كمان وكمان السحب بعد 70 كويس ولا برضة بطيئة فى التجميع

الله يبارك في حضرتك
هيا بالفعل التجميع الاولي لها ضعيف و بصراحة انا لم اركب الاسكودا لاحكم و اقارن بينهما
و لكن هي سحبها بعد ال 40 او 45 جيد و بيتحسن جدا بعد ذلك
و انا لما قلت كده كنت حابب الفت نظر الاخوة اللي بيحبو العربيات السريعة التجميع و اللي بيحبو يغرزو و يسحبو بالسيارات علي الاول و التاني ما بين العربيات علي الطرق انها ليست ما يبحثون عنه
و لكن هي بالنسبة للاشخاص العاديين اللي زي حالاتي فهي ممتازة و مناسبة جدا بفضل الله
و لو ان سحبها الاولي ايضا ضعيف كنت احب ان تكون اسرع من كده شوية
تحياتي لحضرتك

**BassamHafez** · 06-08-2012 02:29 PM

المشاركة الأصلية كتبت بواسطة م. حاتم السباعي

الحكاية بقي اني كنت بأطبق نظرية سواقة ( السي في تي ) الموفرة للبنزين كما شاهدتها في كام فيديو علي اليو تيوب و الكام فيديو اللي اخواننا في النايل موتورز كتر خيرهم شرحوهم لنا في مواضيع كثيرة عن تكنولوجيا السي في تي
و بطريقة التغزية المتقطعة للبنزين صعودا ثم هبوطا او بطريقة تشبه (( الزغزغة )) بوضع القدم علي دواسة البنزين و عيني علي المؤشر و عند وصول المؤشر للنهاية ارفع قدمي من علي الدواسة حتي يحدث التشبع و مع انخفاض المؤشر و رجوعه ابدأ في الدفع مرة اخري حسب الظروف و هكذا

حد فاهم حاجة معايا و لا محتاج اشرح بطريقة اخري لحسن انا نفسي حاسس اني مش فاهم ههههههههه

تحياتي لكم جميعا و في انتظار الاسئلة

هو ايه المؤشر اللي بتبص عليه بالظبط

الار بي ام ولا متوسط استهلاك البنزين

ولا ايه بالظبط

**م. حاتم السباعي** · 06-08-2012 07:11 PM

المشاركة الأصلية كتبت بواسطة bassamhafez

هو ايه المؤشر اللي بتبص عليه بالظبط

الار بي ام ولا متوسط استهلاك البنزين

ولا ايه بالظبط

مؤشر متوسط استهلاك البنزين طبعا
فالمؤشر بيوضح لك بعد ان تقوم بالضغط علي دواسة البنزين انه يتصاعد حتي يصل الي نهايته و هو طبعا في وضع افقي اي يتجه الي اقصي اليمين و لو ظللت واضع قدمك علي البنزين سوف يبدأ المؤشر في الانخفاض تدريجيا لليسار ( و هذا يعتبر استهلاك اعلي للبنزين ) اما حين تبدأ في عملية الزغزغة بحيث يظل المؤشر دائما في اعلي معدل له و في نفس الوقت تكون قدمك غير ثابته علي الضغط علي دواسة البنزين و من ثم عدم رجوع المؤشر لجهة اليسار فهذا يحقق اعلي استفادة من توفير البنزين ) و هي عن تجربتي الشخصية لهذه الرحلة للمرة الثانية حتي الان و اصبحت الان اقود دائما بهذه الطريقة في كل مشاويري
و الله اعلم

**BassamHafez** · 08-08-2012 12:54 PM

المشاركة الأصلية كتبت بواسطة م. حاتم السباعي

مؤشر متوسط استهلاك البنزين طبعا
فالمؤشر بيوضح لك بعد ان تقوم بالضغط علي دواسة البنزين انه يتصاعد حتي يصل الي نهايته و هو طبعا في وضع افقي اي يتجه الي اقصي اليمين و لو ظللت واضع قدمك علي البنزين سوف يبدأ المؤشر في الانخفاض تدريجيا لليسار ( و هذا يعتبر استهلاك اعلي للبنزين ) اما حين تبدأ في عملية الزغزغة بحيث يظل المؤشر دائما في اعلي معدل له و في نفس الوقت تكون قدمك غير ثابته علي الضغط علي دواسة البنزين و من ثم عدم رجوع المؤشر لجهة اليسار فهذا يحقق اعلي استفادة من توفير البنزين ) و هي عن تجربتي الشخصية لهذه الرحلة للمرة الثانية حتي الان و اصبحت الان اقود دائما بهذه الطريقة في كل مشاويري
و الله اعلم

معلش يا بشمهندس في حاجه غلط حضرتك فاهمها هنا

معني وجود اموؤشر في اقصي اليمين ان ده اعلى استهلاك وليس اقل استهلاك

لان المؤشر بوضح استهلاك البنزين في ال 100 كيلو يعني كل ما المؤشر زاد كل ما كان الاستهلاك اعلى

والدليل ان في عندك في المؤشر مربع صغير مكتوب عليه eco لو لم تتخطاه معناه ان استهلاكك اقصادي لكن لو تخطيته بيكون استهلاكك اعلى من الاقتصادي

وكمان العداد مكتوب عليه l\100km يعني كام لتر في ال 100 كيلو

**م. حاتم السباعي** · 09-08-2012 01:07 AM

المشاركة الأصلية كتبت بواسطة bassamhafez

معلش يا بشمهندس في حاجه غلط حضرتك فاهمها هنا

معني وجود اموؤشر في اقصي اليمين ان ده اعلى استهلاك وليس اقل استهلاك

لان المؤشر بوضح استهلاك البنزين في ال 100 كيلو يعني كل ما المؤشر زاد كل ما كان الاستهلاك اعلى

والدليل ان في عندك في المؤشر مربع صغير مكتوب عليه eco لو لم تتخطاه معناه ان استهلاكك اقصادي لكن لو تخطيته بيكون استهلاكك اعلى من الاقتصادي

وكمان العداد مكتوب عليه l\100km يعني كام لتر في ال 100 كيلو

اخي الكريم الفاضل دكتور بسام
اسمح لي ان اختلف معك قليلا في تفسير اشارة المؤشر و هذا بسبب
ان العداد ليس مكتوب عليه 100كم لكل لتر ( اي مؤشر كام لتر في ال 100 كيلو )
و هذا ليس موجودا عندي علي سبيل المثال
بل
المؤشر بيكتب فقط كام كم لكل لتر
ثم يبدأ يحدث ظهور الارقام الدالة علي استهلاكك للبنزين فكلما كنت تسير في طرق داخل الزحام و طرق قصيرة يكون متوسط الرقم المكتوب (( 9.1 او 9.4 او 9.8 )) و هذا معناه انك بتقطع مسافات تتراوح بين التسعة كم لكل لتر واحد
و كلما فتح الطريق و القيادة اصبحت علي طريق سريع و مفتوح و اصبحت تسير بسرعات ثابتة منتظمة مع تواجد المؤشر فترات طويلة جهة اليمين كما اخبرتك مسبقا بأقل وقت من الضغط علي دواسة البنزين فيبدأ تلاحظ ارتفاع الارقام تباعا و لدرجة اني و صلت معي الي (( 10.7 ثم 10.9 ثم 11 ))
و من كل الرغي السابق بتاعي و مع علمنا ان هذا المؤشر غير دقيق و ليس حساس كمؤشر البنزين الحساس الا انه دلالة جيدة
فهذا معناه ان السيارة بتعمل 11 كم لكل لتر واحد بنزين و هذا مقارب لرقم ال 13.5 كم لكل لتر المتحقق فعليا اثناء القيادة التي حققت الارقام التي ذكرتها لحضراتكم

مش عارف انا كده وصلت لحضرتك الصورة و لا لسه الموضوع انا لم استطيع توصيله
و مش حضرتك فقط اللي كان الموضوع ده واصلك غلط كان اسامة حبيبي كمان الموضوع واصل له مثلك لدرجة انه حكا لي انه كان بيحاول بكل جهده تصغير الرقم المكتوب اللي بيظهر امامه اعتقادا منه ان هذا معناه عدد اللترات لكل 100 كم
فكلما وصل لرقم 8 او 7 مثلا فكان يظن ان هذا جيد حتي اوضحت له الحكاية
و عرف اخيرا انه كان اللتر الواحد بيعمل معاه 8 كم و طبعا هذا استهلاك عالي جدا و هيا طبعا مكنتش 8 لاننا اتفقنا ان هناك تقريب في الرقم
تحياتي اليك و ان شاء الله بعد العيد لنا لقاء و نجرب عملي الكلام ده لا ينفع هههههههههه
و اهي فرصة نشوف معاليك و يكون معانا كبير العيلة الاخ الفاضل الاستاذ احمد مصطفي
و حبيب الملايين اخويا الحبيب م.اسامة قشقاي
و كلامي ده مش معناه انتهاء المناقشة لو فيه اي حاجة انا فاهمها غلط ارجو ان توضحها لي اخي الكريم حتي يستفيد الاعضاء

الموضوع: تقرير عن السيارة القشقاي اوتوماتيك 2012 مدعم بالصور

LinkBack

أدوات الموضوع

عرض

-

-

-

-

-

-

-

المواضيع المتشابهه

كيفيه ظبط سخان وسلانسيه الكريستاله (مدعم بالصور)

لعشاق الصني ( مدعم بالصور) .. تغيير عفشة نيسان صني ... ^_^

ابعد عن المقطورة ! مدعم بالصور والفيديو للأمان أثناء التخطي

ارفع صورك بابسط طريقة ( شرح مدعم بالصور )

شنط الإسعافات الأولية في دول الخليج ( مدعم بالصور )

الكلمات الدلالية لهذا الموضوع

المفضلات

المفضلات

ضوابط المشاركة