الموضوع: تقرير عن السيارة القشقاي اوتوماتيك 2012 مدعم بالصور

المشاركة الأصلية كتبت بواسطة mke10

المهندس حاتم السباعي ،،،، بالنسبه للملاحظات السلبيه اللي زكرتها هي توجد في كل سيارات القشقاي ، ولكن يمكن كنت عايز تقول انها متهمكش او مش مهم تكون موجوده او لا بالنسبه لك،بس اللي ناوي يشتري القشقاي لازم يبص علي النقط دي لانها مهمه لبعض الاشخاص زي التسارع مثلا وصوت الموتور العالي جدا عند الضغط علي البنزين حجم الشنطه اللي متنفعش لاسره من ثلاث افراد وانا منهم،،،،
وشكرا

الاخ الكريم الاستاذ mke10
انا بالطبع اقصد ان بعض الملاحظات السلبية اللي حضرتك ذكرتها ( غير موجودة حقيقة ) في اي سيارة قشقاي لاني هنا اتحدث امام مئات الالاف من الاعضاء و الزوار فكيف بي اذكر شئ نسبي انا اذكر حقائق و ليست رأي شخصي لي او انها لا تهمني
و لنمسك نقاط حضرتك كما كتبتها حضرتك نقطة نقطة


(( التقفيل الداخلي والفرش وخامه التابلوه في القشقاي اقل من التيدا ))
طبعا هذه النقطة واضح انها من النقاط الخلافية لان بها اختلاف اذواق لان لنا اعضاء افاضل من ملاك تيدا كانو مبهورين بالتقفيل الداخلي للقشقاي اذا فرأيي هنا ليس مهم بل المهم رأي من سيشتري السيارة هل سيعجبه التقفيل الداخلي ام لا

(( التقفيل الخارجي وومتانه الوصلات والاكر وقفل الشنطه ضعيف وملخلخ مقارنه بالتيدا ))
اكثر نقطة استغربت منها اثناء متابعة التقرير فكيف بحضرتك تقبل علي سيارة و تشتريها و تدفع فيها 175 الف جنيه و بها ما تقوله من ضعف في التقفيل لكل ما سبق و اخيرا لخلخة في قفل الشنطة و حضرتك تؤكد ان كل القشقاي كده و انا اري غير ذلك بالتأكيد علي الاقل في عربيتي و الكام عربيه اللي اتفرجت عليهم قبل شرائي لها و هذه نقط كانت كفيلة لو موجودة بالنسبة لي الا اقتني هذه السيارة من الاساس

(( التسارع ضعيف للغاااااااااايه ويارب يكون احسن بعد ال ٥٠٠٠ كيلو يعني هي بتوصل معايا لل ١٥٠ الف بعد ٥ دقايق مثلا بعد الضغط علي البنزين ٩٥ اوكتين... التيدا كانت سريعه جدا وكنت بسبق بيها عربيات محترمه ))
انا اكدت علي هذه النقطة و قتلتها بحثا في تقريري العام لكي يحذر اي عضو يريد الشراء اذا كان يحب التسارع السريع القوي و تسلم يداك

(( صوت التكييف عالي جدااااا ))
هذه النقطة غير موجودة عندي نهائي و اراه مناسب جدا

(( الشنطه اقل اتساعا من التيدا ))
مش واسعه من ورا زي التيدا
هذه النقطة حضرتك جاوبت عنها بنفسك و انا اكدت عليها ان الشنطة اقل من اتساع بعض السيارات السيدان الاخري و لكن مثلا لن تختلف كثيرا عن شنطة السبورتاج التي تدخل كمنافس للقشقاي

(( مساحات التخزيت في الابواب صغيره او منعدمه ومساحه الدرج برضه صغير وغير مصمم بطريقه انه يستوعب حاجات كتير وبيككيف اللي جواه وخلاص ويريت مفيش حد يحط ورق جواه لانه هيبوظ))
مثل هذه النقطة اري ايضا و اوضحت في مجمل ردي ان هذه المساحات تختلف من شخص لاخر و حسب احتياج كل فرد منا و خصوصا انها امور واضحة غير مخفية ( بمعني ان كل فرد ذهب لمشاهدة السيارة و جلس فيها حتي لو لن يشتريها بيتفرج بعنيه علي هذه الامور الابواب عاملة ازاي اماكن التخزين فين الكونسول شكله ايه و به كام فتحه التابلوه شكله ايه و بيمد ايده لفتح درج التابلوه و بيشاهده بنفسه و لذلك فهذه المساحات بتختلف من شخص لاخر و هي امر واضح مثل شكل التيدا الخارجي هل يجوز ان اقنع به احد غير مقتنع به او مثلا شكل الجوك ( هي امور تعتم علي حسب احتياج كل واحد منا بيشيل ايه في هذه الاماكن )

(( لايوجد زر استدعاء للسياره وكانت بتنفعني جدا لما بركن في اماكن مذدحمه ومش عارف راكن فين وعلي مسافه تذيد علي ٤٠٠ متر والله ))
نفس الاجابة السابقة ان هذه النقطة اكيد حضرتك كنت تعلمها اثناء اقدامك علي الشراء و هي نقطة غير مخفية لكي تعبر نقطة سلبية لان لا يوجد سيارة بها كل المزايا

و مما سبق و بالتأكيد علي ان مفيش حاجة ( ملخلخة )
فأردت ان اوضح انها معظمها نقاط حضرتك شاهدتها اثناء اختيارك للسيارة و مع ذلك اقتنيتها فهي كلها نقاط مرئية بتختلف من شخص لاخر و من ذوق لاخر و من احتياج لاخر
عدا موضوع التسارع بالطبع ليس لاننا اتفقنا عليه و لكن لانه نقطة كانت تحتاج ان يقتني احدنا السيارة للحكم عليها و بالبع هذا كان غير ممكن

يا رب اكون استطعت اوضح لحضرتك مشاركتي السابقة
و اؤكد مرة اخري ان كثير من الاعضاء شاهدو السيارة في اماكن كثيرة و تحدثو عن اعجابهم الشديد
(( بالتقفيل الداخلي لها - و بالخارجي - و بجودة التكييف )) و الاختلاف في الرأي لا يفسد للود قضية
تحياتي لحضرتك