تقرير عن السيارة القشقاي اوتوماتيك 2012 مدعم بالصور

**محمد بدر** · 25-08-2012 01:31 AM

المشاركة الأصلية كتبت بواسطة sherif_soaida

و عليكم السلام و رحمة الله و بركاته
و يا رب يظل سعرها كما هو لتحقق مبيعات اكبر
و شكرا جدا لمرور حضرتك

أنا يا فندم لا أمر ......أنا مقيم علي هذه الصفحة حيث انني عاشق للقشقاي وانوي إن شاء الله شراها.[/quote]
ربنا يكرمك ويرزقك بأحسن منها ان شاء الله

**lozitis** · 25-08-2012 11:05 AM

المشاركة الأصلية كتبت بواسطة mke10

السلام عليكم انا جبت القشقاي من شهرين تقريبا ولي بعض الملاحظات البسيطه عليها وخصوصا اني كان معايا تيدا من ومشيت بيها ١٢٠،٠٠٠ كيلو

التقفيل الداخلي والفرش وخامه التابلوه في القشقاي اقل من التيدا
التقفيل الخارجي وومتانه الوصلات والاكر وقفل الشنطه ضعيف وملخلخ مقارنه بالتيدا
التسارع ضعيف للغاااااااااايه ويارب يكون احسن بعد ال ٥٠٠٠ كيلو يعني هي بتوصل معايا لل ١٥٠ الف بعد ٥ دقايق مثلا بعد الضغط علي البنزين ٩٥ اوكتين... التيدا كانت سريعه جدا وكنت بسبق بيها عربيات محترمه
صوت التكييف عالي جدااااا
الشنطه اقل اتساعا من التيدا
مش واسعه من ورا زي التيدا
مساحات التخزيت في الابواب صغيره او منعدمه ومساحه الدرج برضه صغير وغير مصمم بطريقه انه يستوعب حاجات كتير وبيككيف اللي جواه وخلاص ويريت مفيش حد يحط ورق جواه لانه هيبوظ
لايوجد زر استدعاء للسياره وكانت بتنفعني جدا لما بركن في اماكن مذدحمه ومش عارف راكن فين وعلي مسافه تذيد علي ٤٠٠ متر والله

الحاجات الحلوه اللي لاقيتها في القشقاي هي الابشنز
السقف البانوراما
الكاسيت والتكييف الاوتوماتيك
شكل الشياره يوحي بالفخامه
الجننوط ال ١٧ بوصه ومتانتها في المطبات
ال cvt extronic و الي بتخليها في المنحنيات افضل من التيدا
رشاشات الكشافات الاماميه عجبتني مع ان تصميمها يخليها ان اي واحد ممكن يكسرها ......لاننا في مصر
الزينون الاتوماتيك جميل
المفتاح الزكي والمقابض اللي بتقفل السياره كلها من غير الريموت الريموت بيتشغل علي مسافه صغيره جدا مقارنه بالتيدا
السياره مفيمه من الزجاج الخلفي بالكامل ومن الامامي بلون اخضر خفيف يقلل امتصاص اشعه الشمس
وفي حاجه غريبه لاقيتها في القشقاي ان سقف الموتور مبسخنش مهما مشيت بالعربيه تقريبا العزل محترم

وشكرا اخواني انا طبعا اتكلمت بصراحه شديديه بدون تحيز للعربيه القشقاي

دة رأى احد ملاك القشقاى...اة تعليقك على الملاحظات دى يا باشمهندس حاتم ؟؟ و جزاكم اللة خيرا..

**mke10** · 25-08-2012 03:03 PM

.................................................. .................................................. .................................................. ............,...................................

**م. حاتم السباعي** · 25-08-2012 07:09 PM

المشاركة الأصلية كتبت بواسطة lozitis

دة رأى احد ملاك القشقاى...اة تعليقك على الملاحظات دى يا باشمهندس حاتم ؟؟ و جزاكم الله خيرا..

طبعا كل الاحترام و التقدير لرأي الاستاذ الفاضل mke10

و لكن بعيدا عن المشاركة فأنا لي رأي بسيط
جميعنا نذهب لشراء اي سيارة بنشاهد جميعا و بأنفسنا
(( مستوي التقفيل الداخلي - و كذلك الخارجي - متانة الوصلات و المفصلات - اتساع الشنطة من عدمه - بنشاهد ايضا اماكن التخزين المتاحه - بنشاهد و بنجلس في الكنبة الخلفية و بنحكم عليها و حسب احتياجنا و عدد افراد الاسرة ))
و كل ما سبق و بالمصادفة ( هي النقاط السلبية التي ذكرها الاخ الفاضل في موضوعه )) هي نقاط بتختلف من شخص لاخر
و لكن يظل نقاط لا خلاف عليها و هي التي تحدد اختيار اقتناء السيارة من عدمه
مثل
- التسارع ( كما ذكرها الاخ الكريم )
- الثبات علي السرعات
- المتانة
- استهلاك الوقود
- مستوي الخدمة المقدمة في التوكيل
- كفاءة التكييف
- اسعار قطع الغيار
- قوة الماتور
- العفشة و هل هي ناعمة او ناشفة

لذلك و بالعودة لمشاركة الاخ الكريم mke10 فأنا اري ان معظم الملاحظات السلبية التي ذكرها لا اتفق معها او انها غير موجودة في سيارتي بفضل الله
تحياتي لحضرتك

**م. حاتم السباعي** · 25-08-2012 11:34 PM

المشاركة الأصلية كتبت بواسطة sherif_soaida

نفسي احد الأخوة المحترمين ملاك القشقاي يحط صورة للشنطة و هى مليانة لان هذه هى النقطة التي تقلقني.... فانا كل ماشوف السنطة مقدرش أتخيل وسعها ولا اعرف اقارنها بشنطة الصني. هل تكفي عائلة من اربع افراد؟!؟!؟!

ان شاء الله اوعد حضرتك ان اول سفرية لي هصور لحضرتك الشنطة
بس عموما هيا بتاخد 3 شنط سفر متوسطة الحجم يتم رصهم علي سيفهم بجانب بعضهم البعض
او عدد واحد شنطة من الحجم الضخم و 2 هاند باج صغيرة الحجم
عموما ان شاء الله التصوير هيكون افضل

**MohammedAladel** · 26-08-2012 02:41 AM

أولا اللون جميل
العربية من برا شكلها كويس أديها 8.5\10
بالنسبة لفتحة البانوراما بتتفحت من برا ولا من جوا بس ؟
معتقدش إنها تفتح من برا لأنها كبيرة جدا عكس الميجان
من جوا العربية عادية جدا بس حلوة طبعا بس محستش فيها الفخامة قوى خصوصا إنى ملاحظ الخامات شبيهة باللى عندى فى الميجان وملاحظ لمسات رينو فيها حتى الفتيس شبيه شوية بفتيس الميجان 2 من كخامة
بالنسبة للتيريوس دفع رباعى أما القشقاى أمامى على ما أعتقد
بالنسبة للعيوب اللى حضرتك ذكرتها تعتبر كماليات مش مهمة قوى ما عدا

رفع الزجاج دى يعنى حضرتك بترفع بأكرة ؟ فى عربية بالسعر دا ؟
بس حضرتك مش شايف إن النقلة من تيريوس لقشقاى غريبة شوية ؟
وألف مبروك لحضرتك وربنا يباركلك فيها ويفرحك بيها

**Youssef.Awad** · 26-08-2012 03:23 AM

المشاركة الأصلية كتبت بواسطة mohammedaladel

أولا اللون جميل
العربية من برا شكلها كويس أديها 8.5\10
بالنسبة لفتحة البانوراما بتتفحت من برا ولا من جوا بس ؟
معتقدش إنها تفتح من برا لأنها كبيرة جدا عكس الميجان
من جوا العربية عادية جدا بس حلوة طبعا بس محستش فيها الفخامة قوى خصوصا إنى ملاحظ الخامات شبيهة باللى عندى فى الميجان وملاحظ لمسات رينو فيها حتى الفتيس شبيه شوية بفتيس الميجان 2 من كخامة
بالنسبة للتيريوس دفع رباعى أما القشقاى أمامى على ما أعتقد
بالنسبة للعيوب اللى حضرتك ذكرتها تعتبر كماليات مش مهمة قوى ما عدا

رفع الزجاج دى يعنى حضرتك بترفع بأكرة ؟ فى عربية بالسعر دا ؟
بس حضرتك مش شايف إن النقلة من تيريوس لقشقاى غريبة شوية ؟
وألف مبروك لحضرتك وربنا يباركلك فيها ويفرحك بيها

بانوراما القاشقاى زجاج فقط بدون شباك ويتم فتح الستارة من الداخل بكامل الزجاج
بالنسبة لتشابه الداخل وبعذ الاجزاء مع الميجان .. ده طبيعى لأن نيسان ورينو فيه بينهم شراكة واندماج من 1999 وطبيعى يتم استخدام اجزاء متشابهة لتوفير التكلفة قدر الامكان
وكمان القاشقاى نسختها اللى نازله فى رينو اسمها كوليوس ومش بتنزل مصر
فعلا التيريوس دفع رباعى بس على موتور 1500 سى سى !!! اخرها مطبات ورصيف 10-15 سم
والقاشقاى جر امامى انما جسمها الكروس اوفر بيوحى انها دفع رباعى وبرة مصر بتنزل 2000 سى سى مع دفع رباعى
بالنسبة لرفع الزجاج .. المقصود بيه مكن الرفع اتوماتيكى لما تقفل السنترلوك ومش رفع الزجاج يدوى بأكرة ابدااااااااااااا (الزجاج كله كهرباء)