الموضوع: ار بي ام العربيه عالي

المشاركة الأصلية كتبت بواسطة hugan

سويتش بدال الفرامل انا اول مره اغيره
لانه المفترض انه من ضمن الاسباب اللي يخلي دواسه البنزين تفصل
للاسف انا غلطت اني ماخدتش منه النص الحرفي لتشخيص الجهاز
انا عرفت ان ال تي بي اس والايديال هما الا ثنين يبقو بوابه
وتشخيص الكترونيك ميكانيكال ان الاكس والباب الموجودين في البوابه هما سبب المشكله
نرجع للقصه من البدايه
العربيه طبعا ميرجله والفرامل محجره لكن مع تشغيل التكييف ومش عارف ايه العلاقه بين الفرامل والتكييف
الراجل قالي بوابه
قولت له طب جرب بوابه من عندك
الراجل ركب البوابه ودورت العربيه اللمبه طفت والعربيه ظبطت
وكان في حكايه ال ار بي ام العالي او ما يسمي بالصرعه عند الدواره اتظبطت مع البوابه الجديده

وكمان خليته يغير الفيشه

العربيه مظبوطه جدا والسحب ولا كانك راكب مرسيدس
لكن في مشكله وهي نسبه تحجير بسيط في الفرامل مع التكييف
واظن ان اللمبه ممكن تنور تاني لان حاسس ان الموضوع ليه علاقه بدوره هواء او خراطيم هواء او فايظ
وهل معني كده ان كل البوابات اللي غيرتها بما فيها بوابه التوكيل الجديده كانت تالفه
وكان في احيان بنغييربوابه عند الميكانيكي علشان يجرب واللمبه ما كانتش بتطفي
بصراحه انا احتارت

طيب خليك ماشي بالوابة الجديدة دي و محتمل تكون هي و الفيشة اللي اتغيرت تحل جزء من المشكلة

بالنسبة للتحجير مع التكييف انا هفسرلك ايه اللي بيحصل للمحرك مع تشغيل التكييف و نشوف مع بعض ايه الموضوع

لما بتضغط علي زرار تشغيل التكييف بتروح اشارة للكنترول تخليه يرفع الأر بي ام بنسبه بسيطة حتي تعطي المحرك قوة و عزم يناسب القدرة اللي هيستهكلها منه كمبريسور التكييف لما يحمل عليه و في نفس اللحظة او بعدها بثانية او اتنين (كما يحدث عندي) بتوصل اشارة لكلتش كمبريسور التكييف و للمراوح بتاعة التبريد عشان يشتغلو و بس

يبقي العلاقة المشتركة بين تشغيل التكييف و المحرك هو فتح البوابة بنسبة بسيطة جدا لرفع الأر بي ام بنسبة كما وضحت فوق

ايه علاقة كل ده بالفرامل ؟؟؟؟؟؟؟

هل الفرامل في الطبيعي من غير تكييف بتتأثر بزيادة الأر بي ام ؟ لو لأ يبقي اشمعنا بتعمل كده مع التكييف ؟ إلا لو كانت الفرامل بتتأثر مع زيادة التحميل الكهربي (زي تشغيل كلتش الكمبريسور + المراوح الخارجية + البلاور الداخلي ) دي الحاجات اللي بتحمل علي كهرباء العربية وقت تشغيل التكييف

بالنسبة لخراطيم الهواء فممكن يكون التأثير من خراطيم فاكيوم زي اللي رايح لسيرفو الفرامل ولكن هواء ؟؟ زي ايه يعني مافيش عندك خراطيم هواء أصلا كلها فاكيوم

علي العموم خليك ماشي كده لما نشوف لو ظهر حاجه جديدة نبقي وقتها نفكر
والله المستعان